1 Corintios 8:6 - NandevaBiblia

⁶ Tẽvã ñande pevarã penteĩ'ẽ Tũpa Teru, haivi opa mba'e ñymoña hareka hai pevarã jaiko. Hareka penteĩ'ẽjy Ñandeja, Jesucristo, hai rupii opa mba'e iko, ñandeave jyve.

1 Corintios 8:6 Referans Kwoze

Romano 11:36

Shara opaite Tũpaivi ouva, hai rupii hareka hai pevarã. Hĩmbipekue opa ara Tũpa pevarã! Amén.

Juan 1:3

Hai rupii opava maĩnunga japoha, hãrã mba'ety hai rupimba japohava.

1 Corintios 8:4

Hãrã katura jau ho'uava ta'angape me'ẽãva? Jaikuaa kavi ta'angare mba'ẽã hai ko yvy'ĩãrẽrã, hareka penteĩ'õ Tũpa.

Hechos 17:28

Shara hai rupii jaiko, ñamỹĩjaiko hareka ñaĩmejai, heiva rãĩmi peeva ñee yvoty japo'ia reta heirã vẽkua. “Ñande hai Tũpa ñymoñashia”.

Juan 14:20

Hoka arape pikuaapokui Sheru hãndi pentevãĩ orevarã, hareka pikova shypyape hareka she aikova pyndypyape.

1 Corintios 12:3

Hãme rãnga aipota pikuaa, mbaveãpo hei: “Toho Jesús Ãña kyty”, ãñete Tũpa Espiritu ryhevape ijetarã. Hareka katuã mbava heijy: “Jesús hai Ñandeja”, ãñete hai ijeta'ẽ Espiritu Santo ñymbaikatukuepyrã.

Hechos 2:36

Tikuaa kavi opaite Israelvare, ko Jesús pee pymbysavava vekua kurusure, Tũpa japoshu Ñandeja hareka Mesia rãĩmi.

Juan 20:17

Jesús heishu: Avy poko shyrehe, shara nde'iave ajupijy Sheru ẽvãpe. Tẽvã ekua mbeushu shyryvyre, ajupijy verã Sheru ẽvãpe, hai jyve Peru. Hokava hai shu Tũpa hareka jyve punu Tũpa.

Juan 13:13

Pee rãnga shymbyheepi “Pyrỹmboi'ia” hareka “Sheja”, haikavi rãnga kyrã pererã, shara haishe.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Mateo 11:27

Sheru rãnga opa mbai ñono shepope. Mba'ety kuava Tũpa Tay, koñeĩ Tuu kuashu. Mba'ety kuashuva Tuu, koñeĩ Ta'yĩ kuashu. Hãrã she pota ambeuvape ambeupo mbavara Sheru.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Juan 10:30

Teru hareka She, penteĩ'õĩhã.

Apocalipsis 1:18

Hykovejyva, amanotẽ vekua, tẽvã ã'ẽ manomba verãma aiko, ĩme'are mbaikatu ñymano hareka tatavasu rehe.

Efesios 3:14

Kovare, she aiñesu Ñandeja Jesucristo hỹnonde,

1 Corintios 1:2

opaite Tũpa ryhevare Corintope'õre, pee Tũpa pyhyrõ vekuare henta'ĩrũrã kyamba, hareka opa rupi'õre Ñandeja Jesucristo hee hẽno'iare, haire Ija hareka ñande jyve.

Hechos 5:31

Hokava rehe Tũpa ñonoshu vate jakata kyty, mburuvisha vasu rãĩmi hareka pyrỹmondo jepe verã opaite Israelvare hipity verã hejaha reiva mbai porãmba vekua.

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.

Efesios 1:3

Toñemombai vasu Tũpa, Ñandeja Jesucristo Tuu, shara hai ñono ñandypyape mbai haikaviva vate araivi ouva Cristo rupii.

1 Corintios 6:13

He'ia rãngajy: “Ho'uava reta rãnga, ñandyrye pevarã, hareka ñandyrye ho'uava pevarã”. Ãñete rãnga hokava, Tũpa opapo mbaikui mokue'õre. Tẽvã ñandyrete ha'ẽã teko kyava pevarã, Tũpa pevarã rãnga hareka Ñandeja hai ñandyrete pevarã.

1 Pedro 1:21

Cristo rupii pyroja jyve Tũpa, mynguerajy vekua manovare mbyteivi hareka õmombaishu, jyrojakue hareka ñyhãrõ kuaa tõĩ Tũpa rehe.

Juan 1:10

Hokava Ñee ẽẽñoĩmba ko yvy'ĩãrẽ, ajemaĩ Tũpa japoteã ko yvy hokava Ñee rupii, tẽvã kuaretare mba'ẽã kuaaseshi reta.