1 Corintios 7:35 - NandevaBiblia

³⁵ Ha'ẽã rãngape kova, potãã pijaporã, haikavipe verãĩ rãnga hareka kapyryĩ piko verã, pymba'aposhu verã Ñandeja pikoreiimbape.

1 Corintios 7:35 Referans Kwoze

1 Corintios 7:36

Ĩme'ẽ moã haikavishuva tajy omendarã, kyrẽyma omendarã, haikavimarã, tijapo hesha haikavishu verãrã, timi'ĩme, hokava ha'ẽã mbai porãmba.

Lucas 8:14

Timĩty oava ñana mbytepe hai henduva Tũpa Ĩñee. Tẽvã ohorã mbeve katu kangy, jepy'apy, mbai pota kuere, hareka mbai porãmba pota japo i, hãrã i'ãã.

Filipenses 4:8

Koñemahea shyryvyre, pypya pimbijeta katuhe opava oumbava japuivi, heko kaviva, pyrỹmbyhoryva hareka hyrãkua kavivare. Opaite ĩmereva mbai haikaviva hareka katu pyraheva, kova pypya pimbijetahe.

1 Corintios 7:2

Tẽvã heta'ẽ kyrãrãĩ'ia retarã, haikavivepo kuimbai hyrekoĩ ĩmererã, hareka taupe ĩme hãndiipo iko.

Lucas 21:34

Pĩngareko pindijehe, avy pyheja pyndypya pymytãntahe tykove porãmbavapẽĩ, kauva hareka jepy'apy ko yvy'ĩãrẽ'õre, mahẽ sapy'ãĩ vãhẽ pearẽkui hokava ara,

Mateo 19:12

Hãrã heta mbai rehe rãnga kuimbaire hyrekoã; ĩme'ẽ oarãvãĩ ñymbairã hyrekomba verã, hãrã ĩme'ẽjy yngava omendambava shara kuareta ñymbai jeperã, tẽvã ĩme'ẽ omendambava shara huvisha vasu vate arapy'õ ryhevare mba'aporã. Hãrã ĩme'ẽ katu japovarã, tijapo.

Tito 2:3

Kyrãmi jyve taupe kuakuavare, ikopo jyve kuareta Tũpa haihuvare rãĩmi, avypo ñee ryheva reta, avy tyka'u, haikavivaĩpo pyrỹmboihe.

Efesios 5:3

Pee rãnga hai tenta kyamba Tũpa ryheva, hãme rãnga avypo pijetahe kyrãrãĩ'ia ryheva, mbai kyavaremba, maĩrã maĩnungare heta ĩmepyre verã, shara kova ha'ẽã hai Tũpa ryheva kyambarepeva.

1 Corintios 7:28

Tẽvã omendava japoãpo mbai porãmba, pente kuiñataĩ omendarã, japo'ãĩ jyve mbai porãmba. Tẽvã omendamavare hetapo hasa porãmba vekua, hokava aipotãã pyhasa.

1 Timoteo 1:10

Omendape kyrãrãi'iare hareka kuimbai jytaupe'iare, pirĩñomi'iare, japuvare hareka ĩñee meẽrei'iare pevarã. Kyrã Moisés mbypara vekua ẽẽ opa mba'e mbai porãmba japova pevarã hareka puãheva pyrỹmbo'eahea haikaviva.

Mateo 22:15

Fariseore ijeta ijupi retarã pente ñeepe ñynoĩ pysyka verãre Jesús, hareka heivare ñonovaishu verãre.