1 Corintios 6:15 - NandevaBiblia

¹⁵ Pikuããra pyndyrete haiva Cristo hete ryheva? Ahekyraposhi Cristo hete ryheva ãñonohẽ verã taupe heko porãmba hetere? Mba'ety!

1 Corintios 6:15 Referans Kwoze

Efesios 5:30

shara ñande hai jyve ñaĩva hetere, japoava ho'oivi hareka kãvẽivi.

Romano 12:5

kyrã jyve ñande, ajemaĩ ñandyreta, penteva tyretepeĩ jajapo Cristo rehe hareka penteapeĩ ñaĩ hãndi hareka opa pavẽĩ tyrete ñaĩheva rãĩmi.

Colosenses 2:19

Haire ñymypenteã hãndi Cristo, hai rãnga tũpao ñãka mbykuakuava opaite tyrete, hareka hai rupii opaite tyrete ryhevare pentevareĩ ñynoĩ hareka ñymboryñoĩ reta, Tũpa potava rãĩmi.

1 Corintios 12:27

Pee rãnga hai Cristo hete ryheva, hareka opaite pepenteĩ reko japo verã.

Efesios 4:12

kyrã ñono kavi heko kyambare jokue verã, mupuã verãre Cristo hete,

1 Corintios 11:3

Tẽvã aipota pikuaa Cristo hai opaite kuimbaire ñaka, hareka kuimbai hai taupere ñakarã'õ hareka Tũpa hai Cristo ñakarã'õva.

1 Corintios 6:19

Pikuããra pyndyrete haiva Espiritu Santo hoo, hai ẽẽ pyndypy, Tũpa meẽpeva? Hãrã pyndyrete haiveãma pa'ãpova.

Efesios 5:23

Hãma teme reta hai tyrekore ñakã, Cristo hai ñakã tũpaore rãĩmi. Cristo rãnga jyve hoka tũpaore mondojepe verã, hokava tũpaore hai hete;

Lucas 20:16

Ohorapo opa jujuka mba'apo'õva retape, hareka meẽraposhu ju'uva rẽnda yngavape. Haire henduma kovarã hei jyre: Avy kyrããva tiko!

Galatas 6:14

Tẽvã she katuã mbaivare airoja'ai shijehe, Jesucristo kurusureĩ rãnga. Shara Jesucristo kurusure mano rupii, she pevarã ko yvy manoma, hãrã she amanoma jyve ko yvy pevarã.

Galatas 3:21

Kovara he'ise mbyparaha vekua ñymbyvaishoheva Tũpa ĩñee meẽ vekua? Mba'ety! Moisés mbypara vekua meẽ tykoverã, ãñete haivimbapo ou ñymbyheko kavikue.

Galatas 2:17

Hãrã ã'ẽ, ñañehãã ñandyreko kavi verã Jesucristo rupii, jaheshajy ñandijehe mbai porãmba japo'iarã. Hokavara he'ise, Jesucristo ñanymboryheva mbai porãmba jajapo jai verã? Mba'ety!

1 Corintios 6:13

He'ia rãngajy: “Ho'uava reta rãnga, ñandyrye pevarã, hareka ñandyrye ho'uava pevarã”. Ãñete rãnga hokava, Tũpa opapo mbaikui mokue'õre. Tẽvã ñandyrete ha'ẽã teko kyava pevarã, Tũpa pevarã rãnga hareka Ñandeja hai ñandyrete pevarã.

Romano 7:13

Hãrã kova mbai haikavivara shyraha ñymano kyty? Mba'ety! Mbai porãmba vekua rãnga, heshaha verã haiva mbai porãmbava; mbai haikaviva rupii hai shuka. Kyrã ñeẽ japoha verã rupii mbai porãmba ijeshaka marãra porã'ãĩte.

Romano 7:7

Hãmera jaipo Moisés mbypara vekua haiva mbai porãmbava? Mba'ety! Tẽvã mba'ety mbyparahava japoa verãrã, aikuããmbapo mbaivara mbai porãmba. Aikuããmbapo yngavare ña'ãpova jaipotava ryheva, Moisés mbypara vekua he'ĩãrã: “Avy pota yngavare ña'ãpova”.

Romano 6:15

Hãmera marããjy? Mbai porãmba vekuaĩrapo jajapojai ñaĩmeveama Moisés mbypara vekuaperã, Tũpa jyhaihukuepe ñaĩmeñaĩrãme? Mba'ety rãnga!

Romano 6:2

Mba'ety, kyrãã rãnga! Ñande rãnga ñamanoma mbai porãmba pevarã, marãĩrapo hykuaĩ jajapojy mbai porãmba vekua?

Romano 3:31

Tẽvã Jesús jarojarã, hokava he'iseã ñee mbyparahava ikoveãmava, añete hai jairojaherã ñamypyrãtavema ñee mbyparahava.

Romano 3:6

Kyrãã rãngapo! Tũpa hekope kavimba'iarã, marãrapo mbivacheka kuaretare?

1 Corintios 6:3

Pikuããra Tũpa jokueva retavepo ñande ñambivacherãme? Ñopỹĩñoara hai ko tykovepe'õ!

1 Corintios 6:17

Tẽvã Ñandeja ñymypente hãndiva, mokue'õre ikoshi reta penteĩva hykovepe.