1 Corintios 5:8 - NandevaBiblia

⁸ Hãrã ñamby'aretepo Pascua, pãhã mby'ouka mbihi'ahamba rãĩmi, he'ise poshymbape hareka añetevape. Avy ñamby'arete pãhã mby'ouka tuja vekua ryheve, he'iseva poshy hareka ñandykya ryheve.

1 Corintios 5:8 Referans Kwoze

Lucas 12:1

Haipe kuareta hetava ñymbatyjy, pypỹrõ vasĩ ijehe. Hãma Jesús õñepyrõ ijetashu mboireare: Pĩngareko pijeheshi fariseore imereva harina mby'ouka, hova mokueva ryheva.

Marcos 8:15

Jesús heikavishu reta: Pymãĩ kavi, pingareko pindijeheshi fariseo hareka Herode ryhevare jylevadura.

Mateo 16:6

Jesús heishu reta: Pingareko katu fariseo hareka saduceore pyrỹmbytavyĩ'iare jylevaduraivi.

1 Pedro 4:2

pimeĩteripirã pikombaa verã pyndyroo potavape, kuaretare potava rãĩmi, koñeĩ Tũpa potava rãĩmi.

Efesios 6:24

Hãrã Tũpa tymãĩ kavihe opaite haihuva Ñandeja Jesucristo, jyhaihu opamba verã ryheva. Amén.

1 Corintios 5:6

Porãã rãnga kova ryheve pirojapi pindijeherã. Pikuaa kavi rãnga'ãmo pãhã mby'ouka mishĩtẽ harina mbihi'ava opaĩ mby'ou.

Juan 1:47

Jesús hesha Natanael vãhẽ ourã hei: Kõõ ou pente Judio añeteĩteva, japumbava.

Mateo 16:12

Haiperãã kuaakavi reta Jesús ijetããheshu harina mby'ouapya, koñeĩ ijetaheshu fariseo hareka saduceore pyrỹmboiva rãĩmi.

2 Corintios 8:8

Ha'ẽã katu pijapoñoĩ verã she hai peeva. Pota rãnga aheshakape marãra yngavare opa ñymykyrẽỹ jyve, pyheshaka verã jyve marãra pyhaihu papishare.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

1 Corintios 5:1

Oparupi mbe'uha pymbytepe ĩme'ẽ ishy rãngai rekorevarã. Kova mbai rãnga porã'ãĩte, Jesús jyrojambaheare mbytepe ikoãhai kova mbai.

1 Corintios 3:3

shara nde'iave pynypyrãta. Ĩmeteri ã'ãmore pynymbytepe pota ha'epaite'iarã hareka poshyvarã, pikoteri kuaretare jyrojambare ikova rãĩmi,

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.