1 Corintios 4:14 - NandevaBiblia

¹⁴ Ambyparaãpe kova apyrỹmymarãka verã, Apyrỹmboi verãĩ rãnga, shara shyrayre ahaihuva rãĩmi apyryraihu.

1 Corintios 4:14 Referans Kwoze

1 Tesalonicenses 2:11

Pikuaajy, pepenteĩ pynymykyrẽ'ỹha hareka pynymbypy'a kavijy, pente teru tayre japoheva rãĩmi,

3 Juan 1:4

She pevarã mba'ety kovaivi shymbyvyaveva, ahendu shyrayre vata kavi reta añetevaperã.

1 Corintios 9:15

Tẽvã mapeã kyrã ajaposhe hokava pynymbytepe, ha'ẽãvaĩjy kova mbai kyrã japoa shyrehe verã. Haikavive rãngapo she ãmanorã, ndei he'ia shyrehe kova Ñee kaviva ambeu'airã mbyhepyhasheva!

1 Corintios 4:15

Ĩmeãratẽpopyre 10.000 kuaretare pynymboihe verã mbai Cristo ryheva, teru rãnga heta'ẽ mba'etyreva. She hai teru pee pevarã, shara ambeupe Ñee kaviva ryheva.

1 Tesalonicenses 5:14

Jururehape shyryvyre, pijeta pohyshu verã hekope kavi ñatẽỹ mba'apovare, pymykyrẽyjy ñatẽỹmaheare, pymbory jyrojape kangyvare hareka opavare pyhãrõkuaashu.

Colosenses 1:28

Ore rãnga mbe'uha Cristo ĩñee, pyrỹmbarakuaaha hareka ãrãndupe mbe'uhashu opavare, Cristo rãĩmi opa kavi pyndyreko kavi verã.

2 Corintios 12:19

Heta arape pyndypya pimbijeta aipota aiñymbyhaikavi'ãĩ pynynonde, tẽvã kyrãã. Kyrãtẽ verã, Tũpa hỹnonde ijetaha'ẽ hareka Cristo heepe. Opaite kova mbai ajapova, shyryvyre ahaihuva hai, pumupũã verã.

2 Corintios 11:11

Marã'ĩrãra kyrã aijeta? Apyryhaihuarãra'e? Tũpa rãnga kuaa apyryhaihurã.

2 Corintios 7:3

She ha'ẽãpe kova pota aijeta'ai pyndyreherã, haimape kueve, shypyape apyryre, penteapeĩ jaiko verã hareka penteapeĩ ñamano verã.

1 Corintios 15:34

Pymaĩ kavipẽĩ hareka avy pijapo mbai porãmbava, shara ĩme'ẽ pymbytepe Tũpa kuaamba'eiteva, kyrã hai pee kova mbai apyrỹmymarãka verã.

1 Corintios 6:5

Kyrã hai pee pynymarã verã: Mba'etyra pymbytepe mbai kuaamitẽva maĩhe verã kova jehuva jyrojavare mbytepe?

Hechos 20:31

Pimoãpẽĩ, hareka pymanduapohe mbahapy ãño, arakuepe hareka pyharekue shysay ryheve pepenteĩ peeva apyrỹmbarakuaa.

1 Corintios 4:17

Hãme rãnga amondo Timoteo, shyray ahaihuva hareka jyrojaheva Ñandeja. Haipo pynymymandu'akahekui marãra aiko Ñandeja Jesucristo airojaherã, apyrỹmboiva rãĩmi oparupi hareka Tũpare jyrojavare ñymbatyva retaipi.

2 Tesalonicenses 3:14

Ĩme'ẽ ñatẽy japova ore yrykuatiape'õrã, pyheshaheva pypyvẽẽshu mbavara hareka avy piko hãndi, ñymymarãka verã.

Filemon 1:10

airure'asy nde shyray Onésimo pevarã, shara she ambeushu ñeẽ kavi shymbyperesohavape.

1 Juan 2:1

Shyray rãĩmire ahaihuva, ambyparape kova potãã porãmba pijaporã. Ĩme'ẽ mbava porãmba japovarã, ĩmejare pente ñanymbory'ia Tũpa hỹnonde, hokava hai Jesucristo, heko kaviva.