1 Corintios 4:12 - NandevaBiblia

¹² yrỹkangy mba'apohate'i irijuperã. Porãmba ijeta oreva, ohovasahaĩshu, yrỹmoñahate'ia, mba'ẽã he'iha.

1 Corintios 4:12 Referans Kwoze

1 Pedro 3:9

Avy porãmba japo pyndyreheva, porãmbavaĩ pijapo jyvehe, ĩme'ẽ poshypearã avy ndyposhy jyveshu, kyrãte verã pehovasashu ñeekavipe, shara ha'erã ñanyrẽnoha japity verã ma'ẽãkavi ñandyrehevape,

Mateo 5:11

Pyvy'apo kuaretare hehei'iperã, pyhasa'asyrã, hareka shyree rupii heta mbai ãñetembaa he'ia pyndyreherã.

Romano 12:14

Pehovasashu opaite maĩ'i pyreheare; pehovasashu hareka avy pijahehe.

Romano 12:20

Hãrã heijy: Ndyvaisho ñymbahyrã, meẽshu hou verã; ju'uherã, meẽshu tou. Hãma kyrã jajaporã, hai ikova rãĩmi reheĩpo ñymymarã.

Hechos 18:3

hãrã haire japojyre oo mondehaivi japoava, pyta haipe mba'apo hãndi verãre.

Lucas 6:28

Pehovasa porãmba ijeta pyndyreheva, pehovasashu ñee porãmba hei i pyndyreheva.

1 Pedro 3:14

Tẽvã pyvy'apo pyhasa'asypi mbai hekope kavi'õ pijapopirã, hãma avy pykyjeshi reta hareka pynymyngyje,

1 Pedro 2:23

Hehe'iha'ẽshurã hai mba'eãmba hei, jyvarehareherã mapeãmba porãã ijetashu reta, opaimba heja Tũpa ipope, hekopekavi pirĩmbivacheka'ia.

Lucas 23:34

Jesús mbysavavama kurusurerã hei: Sheru, hejareishu reta, shara kuãã reta japo ñynoĩva. Hãrã syndarore jyvavarehe reta mbijao ijupe verãre Jesús monde vekua.

Mateo 5:44

Tẽvã she hai pee: Pyhaihu pyndyreshatamba'iare, pimboihe piniñono porãmba'iare;

Hechos 7:60

Haivi ĩñesurã hỹnatu sapuke: Sheja, avy ityhe reta mbai porãmbava. Hãrã kova opama heirã, mano.

Juan 15:20

Pynymanduahe kova she hai pee vekua: “Mba'ety jokueharea vateve'ẽshia jokue'õ”. Hãrã pũã shyrehe retarã, pũãñoĩpo jyve pyndyrehe. Hãrã she haiva haire japorã, pee pereshuva japoñoĩpo jyve.

Judas 1:9

Miguel, Tũpa jokueva juhuvishateiva kyrã japo jyve Ãña ñyrãrõ hãndirã vekua, hekyshi verã Moisés hetekue, tẽvã jaheãhe, koñeĩ heishu: “Ñandeja tijahe ndyrehekui”.

1 Timoteo 4:10

Ha'erãveĩ rãnga ñamba'apo hareka ñañehãã ñandijehe he'iha'i ñandeape, shara jairojahe Tũpa hykove'ia, hai hokava opava retape mondojepe verã, tynondeite'ẽ opaite jyrojaheare.

2 Tesalonicenses 3:8

hareka mbavãã ho'uhareiishi pãhã mbyhepyambape. Kyrãtẽ verã, ara hareka pyharekue mba'apoha putu'uhambape, potãã mbava mbyhepy yryreherã.

1 Tesalonicenses 2:9

Shyryvyre, pymanduapohe marãra pohy mba'apoha hareka opa ỹrỹkangy. Mba'apoha arakuepe hareka pyharekue potãã pyndyreheĩñoĩte õĩhã kyrypoti pymeẽ ore verãrã. Jichepeĩ mbe'uhatẽpe Tũpa Ĩñee Kaviva.

1 Corintios 9:6

Maĩrã she hareka Bernabé hãndira katuã ẽẽ yngavare ỹrỹmbory verã mba'apohamba irijupe verã?

Hechos 20:34

Kyrãte verã, sheteiva amba'apo, apity verã mba'etysheare hareka shimi'ĩrũ'iare pevarã jyve.

1 Pedro 4:19

Kyrã opaite hasa'asyvare Tũpa potava rãĩmi, tiñymeẽ jyrojape Tũpa japo vekua ipope hareka tijapo haikaviva.

Romano 8:35

Mbarapo ñandyrekyshi Jesucristo jyhaihukue? Jyhasa'asyra, vyamba vekua, maĩrã nymoñahãvapera, ñymbahykuera, maĩrã nynanivapera, ñanyngyjeavapera, maĩrã ñymanora?

2 Corintios 11:8

Amba'apo pyrehe verã hareka apyrỹmbory verã, yngaipi'õ jyrojava ñymbatyvare ahekyshi reta kyrypoti.

Efesios 4:28

Hoka manarõ'i vekua, ỹnteño tymanarõ hãma tiñiñono tymba'apo, tijapo maĩnunga kavi ipo rupii ĩmere meẽ verã jyve pavete'ia retape.