1 Corintios 3:10 - NandevaBiblia

¹⁰ Tũpa pya kavirã shypyhyrõ ãñono verã oo jypyrã. Hãma ĩme'ẽ oo mupũãheva, tẽvã pepenteĩpo ñyngarekokavihe marãra mupũã,

1 Corintios 3:10 Referans Kwoze

1 Corintios 3:11

shara mba'etyma oo jypy yngava ñonojy verã ẽẽma vekuaivi, hokava oo jypy hai Jesucristo,

Efesios 2:20

Pee rãnga hai oo mupũ'ãhava oo jypy apostol hareka Tũpa ĩñee mbeu'iare ñono vekua, hãrã Jesucristo teiva hai ita oo jypy pyrãtaveva.

Romano 15:20

Tẽvã añehããñoĩ ambeu Ñee kaviva, Cristo ryheva henduambaipi, potãã yngavare jypyrã ñono vekua ĩãrẽ ãmupũãjyrã.

Mateo 24:45

Mbavara jokuearea jyrojahea hareka heko kaviva? Hai jokue'õ ñono ipope opaite ĩrũ jokuehareireare myngaru verãre ikotẽvema ñynoirã.

Apocalipsis 21:19

Hãrã mangorahapya jypyre ita yngangaivape mymashy'ãva; tynonde'õ jaspeivi, mokuehea zafiroivi; mbahapyhea agataivi, urũndyhea esmeraldaivi;

1 Corintios 9:2

Yngavare pevarã ha'ẽãshe apostolrã, pee pevarã she hai, pee pyrojava añimiñeerã ambeuva pyheshaka she haiva Ñandeja jy'apostol.

Mateo 7:24

Hãrã ĩme'ẽ henduva shiñee hareka hekope kavi japova, ova pente kuimbai ñy'ãrãnduva, hoorã mupuãva ita ĩãrẽ.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.

2 Timoteo 2:15

Eñehãã katu Tũpa hỹnonde rypyta kavimavape, pente mba'apo'ia mba'etyre notire verã hareka ñee añeteva hekope kavi mbeuva.

Colosenses 4:17

Kyrã pere jyveshu Arquipo: “Eñehãã opa kavi japo Ñandeja meẽ nde vekua rijapo verã”.

Romano 12:3

Tũpa pya kavi rupii shiñono apostolrã hareka hai rehe airurepe avy pirojaite pindijehe. Haikavive, pypya pimbijeta kavi pindijehe arãndupe Tũpa meẽpeva rupii mbaikuaakue Cristo pirojahe verã.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

Hechos 18:27

Hãrã Apolo ohomapo'i tenta Acayaperã, Jesús jyrojaheare heta mykyrẽyshu reta. Hãrã mbyparashu reta kuatia Jesús mboireare haipe'õre myvãhẽ kavi verãre haipe. Vãhẽma oho Acayaperã heta mbory jyve Tũpa pya kavi rupii jyrojavare,

Lucas 11:35

Rỹmãi kavipo, mãhe sapekava ẽẽ ndyreheva, ikojyshi timĩmbiva.

Santiago 3:1

Shyryvyre, avy pymbytepe hetaite toĩ pyrỹmboi'iva. Pikuaa kavi rãnga pyrỹmboi'iare mbivacheha pohyitevepokuirã.

1 Timoteo 4:16

Ñyngareko ndijehe marãra riko hareka rypyrỹmboi, jytaso katu kova mbaipe.

Colosenses 1:29

Ha'erã amba'apo hareka heta añehãã, kova pyrãtakue Cristo meẽsheva rupii.

Romano 15:15

Katynga, aijehumbape ambyparape a'ãmo maĩnunga potãã pyndysareherã. Tũpa pya kavikue rupii ajapo jyve,

Lucas 21:8

Hãma hai heishu reta: Pymãĩ avy piñymbytavyka; shara hetapo'ẽ shyreepe ou heiva: “She hai Cristo, hãrã: Ko hai ara vãhẽpotamãrã”. Tẽvã avypo peho hipi.

Apocalipsis 21:14

Tenta mangorahapya ĩmere 12 jypyre hareka ĩãrẽ ẽẽ 12 tyreere 12 Avisha Ray jy'apostolre hee.

2 Corintios 10:15

Jyrojahãã'ihe yngavare japova ore japoha vekua rãĩmi, koñeĩ hãrõhã pupũãve peho verã jyrojakuepe, kyrã piñymbyhetave verã, õhẽãmbashiape irĩñonoãvaivi,

1 Tesalonicenses 3:2

hãrã mondoha pẽĩvape ñandyryvy Timoteo, hai rãnga jyve Tũpa jokueva hareka ỹrymbory'ia Ñee kaviva Cristo ryheva mbe'ua verã. Mondohape pynymykyrẽỹ verã hareka pynymbory verã tãntapeĩ verã jyrojakuepe,

2 Pedro 3:15

Pynymanduahe, ñyhãrõkuaa Ñandeja ryheva ñandyraha ñymondojepeva kyty, jahaihuva ñandyryvy Pablo mbypara vekua rãĩmi, ãrãndu Tũpa meẽshuva rupii.