1 Corintios 2:7 - NandevaBiblia

⁷ Ore mbe'uha Tũpa ñymbai kuaakue ñemiãpe'õ, pente ãrãndu mbamba kuaava, Tũpa myhẽvã vekua aryka'e ndeiteri ko yvy japorã, opa ara pevarã javya verã hĩmbipekuepy.

1 Corintios 2:7 Referans Kwoze

2 Pedro 1:3

Tũpa ñymbaikatu rupii meẽ ñande opava maĩnunga mba'etyjareva ĩmejare verã tykove hareka jaiko hai potava rãĩmi. Hai ñanymbykuaaka Cristo, ñanyrẽno hai ojaimba rupii hareka mbai haikaviva japovare rupii.

Mateo 13:35

Kyrã hekope kavi iko verã Tũpa ĩñee mbeu'ia mbeu vekua: Aijetaposhu kuaretare ñee ñymyhã'ãnga rupii; ambeuposhu mbai ñemiãpe'õ Tũpa japorãvãi ko yvy'ĩãrẽ'õre.

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

Efesios 1:4

Tũpa rãnga ñanypyhỹrõ Cristo rupii ko yvy jerekue ndei japoharã, heko kyambape jaiko verã hareka mbai porãmba jajapombape Hai hỹnonde. Jyhaihukuepe,

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

1 Pedro 1:11

Haire õñehããmba pota kuaarã, mbaiperapo hareka marãĩterapo hokava mbai. Cristo jy Espiritu kuaaka maimba arykai ñimiñee'ia retape ndei vãhẽshu retarã, marãrapo Cristo hasa'asy hareka hĩmbipekue katu vãhẽjy.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

1 Pedro 5:1

Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

Romano 8:29

Shara opaite Tũpa kuaamavare, õñepyrõãivive pyhỹrõ ova verãre Tay hã'anga, tyvyre hetava mbytepe ikoshi verã tynondeva.

Romano 8:30

Hãma õñepyrõãivive pyhỹrõ vekuare hẽnoshu, hareka henoshu vekuare mbyheko kavi, hareka mbyheko kavishu vekuare õmombaishu.

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

1 Corintios 2:1

Shyryvyre, aha ambeupe Tũpa heshakavarã, aporyã ñee ãrandu ryheva, hareka potããvãĩ perejyshe heta mbai aikuaava.

Efesios 3:10

Kyrã, tũpaope ẽvã reta rupii, Tũpa jokuevare hareka Espiritu ñymbaikatuva yvyture iare kuaapo Tũpa opa kuaava.

Hebreos 1:2

Tẽvã ã'ẽ ko ara opaserima'iape ijeta'ẽjy ñande Tay rupii, hai rupii rãnga japo opa mbai ẽvãre hareka opa ñono ipope.

Hebreos 11:3

Jyrojakue rupii jaikuaa Tũpa japomba kova yvy jerekue hai ĩñee rupii, japohashi opa maĩnungare katumba jaheshava.