1 Corintios 15:52 - NandevaBiblia

⁵² Sapy'ãĩ, ñasapỹvyĩrã hareka jasarekojyva rãĩmipo, mimby koñemahea mbi'ipuamarã. Shara mbi'ipuhapo mimby, hãrã mano vekuare opapo kuerajy, manoveãma verãre. Hareka ñande ñandyrete opapo ñymy yngaikui.

1 Corintios 15:52 Referans Kwoze

Mateo 24:31

Ñyhendupo mimbyvasukue hỹnatu ipuva, haivi ãmondopokui ajokuevare mbaty verãre shyryhevare opaite yvy jerekue, ara japyivi opapeve.

Juan 5:25

Ãñeteĩte hai pee, ouma ara hareka ã'ẽvãĩpo, manovare hẽndukui Tũpa Tay ĩñee hareka hẽndushua kuerajypokui.

Juan 5:28

Avy pykyje kyrã haiperã. Vãhẽpokui ara mano vekuare, hendu verã jyve shiñee,

2 Pedro 3:10

Jesucristo ara oujy verãpe manarõ'ia rãĩmipo pynturã oujykui. Arare opapo kañykui hy'apuvasua mbytepe hareka maĩnungare opapo oke.

1 Corintios 15:42

Kyrãpojy vekui mano vekuare opa kuerajyrã; ñotỹha pente tyrete opa ñymbai verãpe, tẽvã kuerajypokui tyrete manoveãma verã ryheve.

Apocalipsis 8:13

Haivi ahesha pente vyrachevasu veve'ia ara mbytere, ahendu hỹnatu hei'i: Tenga, tenga, tengapokui! yvy'ĩãrẽ ikovare, mbahapy Tũpa jokuevare mbi'ipuma ñytrompeta retarã.

1 Corintios 15:50

Aipota hai pee, shyryvyre, kova tyro'o hareka turuvy ẽẽãposhukui iche verã Tũpa ẽvãpe; shara opareiiva katuãpo jihia opamba verã.

Apocalipsis 8:2

Haivi aheshajy 7 õ Tũpa jokuevare ñymbou ñynoĩvare Tũpa hỹnonde, hareka me'ẽãshu reta 7 trompeta.

1 Corintios 15:23

Tẽvã pepenteĩ myhenda: Cristo tynonde'ẽ, haivi Cristo oujymarã, kuerajypo jyve hai ryhevare.

1 Tesalonicenses 4:15

Hãrã he'iape, Tũpa pyrỹmboiva rãĩmi, ñande ñandyrykoveteri jaiva Ñanderu oujypeve, ñañymytynondeaposhi mano vekuare.