1 Corintios 15:45 - NandevaBiblia

⁴⁵ Kyrã hei kuatia mbyparaha vekua: “Kuimbai tynondeva, Adán, japoha hete hykove ryheve”; hãma Adán mokueheva hai, espiritu meẽva tykove.

1 Corintios 15:45 Referans Kwoze

Juan 5:21

Tuu mũpũãjyva rãĩmi mano vekuare hareka meẽjyshu tykove, kyrãĩ jyve Tay meẽ jyveshu tykove hai pota meẽshuare.

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

Juan 6:63

Espiritu rãnga hai meẽva tykove; tyro'o mba'ẽã hai. She aijetahepeva hai añeteva Espiritu ryheva meẽva tykove.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Juan 6:57

Sheru shymbou vekua ĩmere tykove, hai rupii she aiko; kyrãĩ jyve shyroo houva hykovepo jyve she rupii.

Juan 6:33

Pãhã tykove meẽva rãnga hai Tũpa mbouva vate araivi kuaretare pevarã.

Juan 6:54

Hãrã shyroo houva hareka mbusururuva shuruvy, ĩmemare tykove opamba verã; hãrã she amynguerajypokui ara japyape.

Apocalipsis 22:17

Espiritu Tũpa ryheva hareka Avisha Ray hei: “Ei, Sheja Jesús!” Hareka opaite jasaka'õre tei jyve reta: “Ei Sheja Jesús!” Opaite ju'uheva, tou reta. Hareka pota houva, mbaimba mbyhevapepo hou yy meẽva tykove.

Apocalipsis 22:1

Haivi Tũpa jokueva shymbyheshakajy yy syryrã meẽva tykove. Hoka yy syryva õhẽ Tũpa vapypya õĩvi hareka Avisha Ray, vidrio sãkapya rãĩmi;

Apocalipsis 21:6

Heijyshe: “Opama iko! She hai õñepyrõhea hareka opahea. Ju'uhe'ia, ameẽreiiposhu ñymbyupy verã yy õhẽ'õ tykove meẽva.

Colosenses 3:4

Cristo teiva rãnga pyndyrykove. Hãrã hai oujymarã, pẽĩpojyve hãndikui pynytynyhẽva hĩmbipekueivi.

Filipenses 3:21

Hai ñono kavipojy ñandyretepy hai hete hĩmbipekue rãĩmi ñymbaikatu rupii, opa ipope'ẽ opa mbaire.

Romano 5:21

Shara kyrã mbai porãmbava ouma ñymano ĩãrẽrã, me'ẽãreiiva ouma ĩãrẽ mbai kavi tykove opamba verã Ñandeja Jesucristo rupii.

Romano 5:17

Kyrã pente kuimbai ñymbai porãmba rehe ñymano ẽẽ kuareta retare, tẽvã pente kuareta rupii, Jesucristo ẽẽpohe tykove myvãhẽvare Tũpa mbai meẽreiiva hareka mbai kavi me'ẽãreiva ñanymbyheko kaviva.

Hechos 3:15

Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.

Juan 14:19

Kõõima'ẽ, kuaretare shyreshaveama verãpe, tẽvã pee shyreshajypokui, shara ãmanoãpokui, hãrã pee pymano'ãĩpo jyvekui.

Juan 10:28

She ameẽshu reta tykove opamba verã; hareka mapeãpo manokui, hareka mbavẽãpo heky ipoivi.

Juan 10:10

Manarõ'ia koñeĩ ou manarõ verã, puruka, hareka pyrỹmbai verã; tẽvã she ai ameẽ verã tykove, hareka heta pyree verã tykove.

Juan 6:68

Hãrã Simón Pedro heishu Jesús: Yreja, akuarã mbavarapo ohoajy hipi? Niñee rãnga hai meẽva tykove opambava.

Juan 4:14

tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Juan 4:10

Haipe Jesús heishu: Rikuaa Tũpa meẽvarã, hareka mbavara jurure'i nde yy, nde riruretẽshu verã hareka hai meẽtẽ nde verã yy meẽva tykove.

Juan 1:4

Haimba ẽẽhe tykove, hãrã hokava tykove hai kuaretare jysapeka.

Apocalipsis 16:3

Tũpa jokueva mokuehea hakuava jycopa yyvasu ĩãrẽ hãrã ikoshi tuvy manova rãĩmi hareka opa mano opaite yyvasupy'iare.

1 Corintios 15:46

Espiritu vate arapeva rãnga ha'ẽã tynonde ouva, yvy'ĩãrẽ'õva rãnga tynonde ou, haivi ou vate arapeva.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.