2 Kova Ñee kaviva rupii pehojepema, tantapẽĩhe ñee ambeupe vekuarã; kyrããrã pyrojareiimbapo.
Tẽvã Cristo, Tũpa tayrã, jyrojañoĩhe Tũpa hoo, ñande hai hokava, ñaĩñymypyrãta ñaĩherã hareka vy'akuepe japity verã ñahãrõva Cristore ẽvã.
Hãme rãnga jajasaka kaviñoĩpohe ñee ñahendu vekuare, ñahẽmbashi verã tape Tũpa mbishaka ñandeva.
Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.
Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,
Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.
Pee rãnga pehojepe Tũpa jyhaihu rupii, shara pirojaherã. Kova mbai ha'eã peii pijapo vekua rupii, Tũpa me'ẽĩpeva rãnga.
Shara ñee Cristo jukurusu ryheva mba'ẽãshu hai, õñehundi verã kyty oho'iare; tẽvã ohojepevare pevarã hokava ñee hai Tũpa ñymbaikatukue.
Shara ñandyrete putũhẽãrã mano, kyrã jyve jyrojakuepe mbaimba japova, manoma.
Shyryvyre, mbaivapera haikaviposhu ĩme'ẽ heiva jyrojakaviva tẽvã mbai haikavivaimbatẽ japova? Katura hokava jyrojakue mondojepe?
Jaikopo pyrãtape ñahãrõ kavivape Tũpa japoñoĩ verã ĩñee meẽ ñandeva.
Timĩty oa vekua ita mbytepe rãnga hai Tũpa Ĩñee hendurã, vy'ape rojava; tẽvã hapo pukuãrã, sapy'aiteĩ jyroja, oumashu pya hã'ãvaperã, poi jyroja.
Kyrã jyve jyrojapeverei'ia, mba'ẽã japorã, mano vekua rãĩmi.
Jesús Tũpa tay, hai ñandy pai ruvishavasu ĩmejareva vate arapy ohojy vekua, hãrã jairoja katupohe.
Hãrã shyryvyre, pyrãtape peĩhe Tũpa hareka avy pyndysarehe apyrỹmboihe vekua, ñee rupii maĩrã mbyparahava rupii, myvãhẽhapeva.
Hetara pyhasa'asy, mbaimbaa verã? Katuã rãnga mbaimbape opa!
Hãme rãnga, ore mboryhava Tũpa, jururehape pymyvãhereiimba verã mbai kavikue Tũpa mbouva.
Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.
Shara Tũpa pevarã ore hãĩ pishekatuva Cristo rãĩmi, hareka opaite ohojepevare hareka õñehũndivare mbyteipi pevarã.
Cristo kuerajyvyãrãmeãra, ñimiñe'ẽãreimbapo'i, hareka mba'eãpo jyve jyrojakue ĩmepyreva.
Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.
Maĩhe, Tũpa pyakavi tẽvã katu poshy jyve. Pya poshy hãndi opaite oa vekuare hareka pyakavi nendie. Tẽvã rikoã hai potava rãĩmirã, nde ndijasyjahapo jyve.
Hãrã Simónteiva rojarã ñymyngarai jyve, hãrã õñepyrõ mi'ĩrũshu Felipe, mbyrymaĩhe mbai heshaha verã hareka mbai kavi heshaha verã hesharã.
Opapaveĩ pyraheshu reta Tũpa hareka opavare haihushu reta. Hãrã opa ara Ñandeja mbyhetave raha kuaretare tũpaope ohojepe verãre.
Shyryvyre shymbyvy'a shara pee pynymandua shyrehe hareka pijapo ñee apyrỹmboiheva.