1 Corintios 15:13 - NandevaBiblia

¹³ Shara manovare kuerajyvyãrã, akuarã Cristo kuerajyvyãmba jyve.

1 Corintios 15:13 Referans Kwoze

Romano 8:11

Ãñete iko pyndypyape Espiritu Tũpa ryheva arykai Jesús mynguerajy vekua manovare mbyteivirã, hokava Jesucristo mynguerajy vekua, mynguerajypokui pyndyrete mano verãre, Espiritu Tũpa ryheva iko pyndypyapeva rupii.

1 Tesalonicenses 4:14

Kyrã jarojava rãĩmi Jesús mano hareka kuerajya manovare mbyteivi, kyrãĩ jarojajy Tũpa mbyhykovejy verã Jesús hãndi; jyroja ryheve mano vekuare.

Apocalipsis 1:18

Hykovejyva, amanotẽ vekua, tẽvã ã'ẽ manomba verãma aiko, ĩme'are mbaikatu ñymano hareka tatavasu rehe.

1 Pedro 1:3

Japyraheshu Tũpa Ñandeja Jesucristo Tuu, ñyhãrõ mishĩmbava rupii ñanymby'oa py'ahujy pente ñyhãro opamba verãpe Jesucristo kuerajyva rupii.

Hebreos 13:20

Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.

Hebreos 2:14

Hãrã tayre ho'o hareka huvykueivi me'ẽha jyveshu Jesucristo tyro'o hareka tuvy, ñymano rupii jukashu verã Ãña, hokava ñymano ijakue.

2 Timoteo 4:8

Ã'ẽ shy'ãrõma'ẽ korona ñee ahenduiterã meẽshe verã hokava arape Ñandeja, Huvisha heko kaviva. Hareka ha'eã sheĩĩ meẽshe verã, opaite jyhaihu ryheve oujy verãpe hãrõ'õ reta jyve.

1 Corintios 15:20

Tẽvã Cristo kuerajy! Kova rãnga ñanymboihe opaite manovare kuerajy handi verã jyve.

Romano 8:23

Ha'ẽã hairetaĩ, ñande ñandijehetei jahasa'asy jyve, ajemaĩ ĩmematẽjare Espiritu tynonde me'ẽã ñandeva japity verãvaivi. Ñahãrõteñaĩ Tũpa ta'yrã ñandapo verãpe, hareka ñandyrete nohẽshi verã porãmba vekua.

Hechos 23:8

Shara Saduseore hei manovare kuerajymbaa hareka mba'etyva Tũpa jokueva hareka espiritu, tẽvã fariseore roja hai hokava.

1 Corintios 15:12

Tẽvã mbe'uha Cristo mupũ'ãhajyva manovare mbyteivi, hãmera marã'ĩrã ĩme'ẽjy pynymbytepe heiva kuerajymbava manovare?

1 Corintios 15:14

Cristo kuerajyvyãrãmeãra, ñimiñe'ẽãreimbapo'i, hareka mba'eãpo jyve jyrojakue ĩmepyreva.