1 Corintios 14:26 - NandevaBiblia

²⁶ Shyryvyre haiva rãĩmi ñamykoĩpĩ verã, pimbatymarã ĩmepo'ẽ pyraheva, ĩrũre katu pyrỹmboi, maĩrã ĩmepo'ẽ mbeuva mbai Tũpa heshakashuva, maĩrã ijetava ñee kuaahambape hareka ĩmepo'ẽjy mbeu kaviva mbaivara he'ise. Tẽvã opaite kova mbai tijapoha piñymypyrãta verã.

1 Corintios 14:26 Referans Kwoze

Efesios 5:19

Pijeta ijupiirã pipory ñee ouva Salmovi, hareka heta mbyrahe Espiritu Santoivi ouva pyraheva tũpaope.

Romano 14:19

Kyrãpo ñañehãã jaiko verã vy'ape, ñañymboryñoĩ verã hareka pepenteĩ ñañymykyrẽỹ jaraha verã tynonde pya vapy.

1 Tesalonicenses 5:11

Hãrã piñymykyrẽỹ hareka piñymyhãtangatu pijupe, kueĩpi pijaposea rãĩmi.

Efesios 4:16

Ko tũpao rãnga ẽẽ kavi hareka ñimbivapy ijehe hãrã pepetẽĩ tyrete ryheva japo kavi maĩnungarã, jyvache puã hareka puã kavi jyhaihupe.

Efesios 4:29

Avy tõhẽ ñee kyava pindijuruivi, pere jyve ñee haikaviva henduvare mykỹrẽ'ỹ hareka mbypya kavi verã.

2 Corintios 13:10

Hãme rãnga, ambyparape kova ndei aha apyryresharã, potãã ahamarã apory mbaikatu Tũpa meẽshevarã pohyite aijetaperã, ha'ẽã opa apyrỹmbai verã, koñeĩ apurũmupũã verãĩ.

2 Corintios 12:19

Heta arape pyndypya pimbijeta aipota aiñymbyhaikavi'ãĩ pynynonde, tẽvã kyrãã. Kyrãtẽ verã, Tũpa hỹnonde ijetaha'ẽ hareka Cristo heepe. Opaite kova mbai ajapova, shyryvyre ahaihuva hai, pumupũã verã.

1 Corintios 14:40

Tẽvã kapyry pijapo, hareka hendapekavi.

Efesios 4:12

kyrã ñono kavi heko kyambare jokue verã, mupuã verãre Cristo hete,

1 Corintios 14:27

Ĩme'ẽ ñanymbytepe ijetava ñee kuaahambaperã, tijeta mokue, hai heirã mbahapypeve katu'ẽ, tiñyhãrõ hareka pente tymbeu kavi mbaivara hei ñynoĩ reta.

Romano 1:13

Shyryvyre, aipota pikuaa jyve hetajy potatẽ aha Romape apyryresha verã, tẽvã mba'etyãjy shochava. Shykyrẽypo aha haityrã aheshakui hykove jyrojavape ñymbyhetava, ẽẽmava rãĩmi Judiomba retaipi.

Romano 12:7

me'ẽã ñande ñapyrỹmbory verãrã, ñapyrỹmborypo; ñapyrỹmboi verãrã, ñapyrỹmboipo;

Romano 15:2

Opaitevapo jajapo ñandapisha pya ohohe verã hareka haikaviva jajapo haire pevarã hareka jyrojave verãre.

1 Corintios 14:2

Shara ñee yngavape ijetava, ijetããshu yngava kuaretare, koñeĩ Tũpa pevarãĩ. Shara mba'ety kuaashia, Espiritu Santo rupii ijetahe mbai ñemiãpe'õ.

1 Corintios 14:15

Mbaivarapo ajapo? Ãĩmboipo she espiritupe, tẽvã aikuaapo jyve kuaahara mbaivara hai'ãi. Apyrahepo she espiritupe, tẽvã aikuaapo jyve mbaivara apyrahe'ãĩ.