1 Corintios 14:15 - NandevaBiblia

¹⁵ Mbaivarapo ajapo? Ãĩmboipo she espiritupe, tẽvã aikuaapo jyve kuaahara mbaivara hai'ãi. Apyrahepo she espiritupe, tẽvã aikuaapo jyve mbaivara apyrahe'ãĩ.

1 Corintios 14:15 Referans Kwoze

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

Efesios 6:18

Pimboi jyvyĩ Tũpape pirure Espiritupy pymaĩ kavi pyndykovere hareka avy pypoi pimbo'ehe opaite heko kyambare.

Judas 1:20

Tẽvã pee shyryvyre ahaihuva, piñymypyrãtakatu pirojakue kyamba ĩãrẽ hareka pirure Espiritu Santo rupii.

1 Corintios 14:19

tẽvã tũpaope'ãĩrã, haikavivepo aipory 5 ñee kuaahavare, amboi verã jyve yngava retape, 10.000 ñee kuahambava hendakuepe.

1 Corintios 10:19

Ha'ẽã rãnga mbai vasuva ta'ãnga, maĩrã soo ta'ãngape me'ẽãva haikaviveva ynga soo retaivi.

Romano 3:5

Tẽvã katuãpo jai Tũpa hekope kavimba'ia poshyrã hareka ñanunuparã. Mbaivarapo jai? Tũpa hekope kaviãra'i ñanunupa'i verã? (Kuaretare ijetava rãĩmi aijeta).

Romano 1:9

Tũpa rãnga, hai shypya ryheve aikohea ambeuva Ñee Kaviva Tayre'õ, hai shyresha shymanduañoĩ pyndyreherã,

Filipenses 1:18

Tẽvã hokava mba'ẽãshe. Hãmeara añetevape maĩrã japuvape, jypyite ijetahaheshe Tũpa ĩñeerãvaĩ shymbyvy'a hareka shymbyvyaveteripo oho.

Romano 8:31

Mbaivaverapo ja'e? Tũpa ẽẽ ñanendierã, mbavarapo ñymbyvaishojy ñandyrehe?

Hechos 21:22

Mbaivarapo he'iashukui kuaretare kuaama kỹvyty reivarã?

1 Corintios 14:14

Shara she ãĩmboi ñee kuaahambaperã, she espirituĩ ñymboi'ẽ; tẽvã aikuãã mbaivara hai.

1 Corintios 14:26

Shyryvyre haiva rãĩmi ñamykoĩpĩ verã, pimbatymarã ĩmepo'ẽ pyraheva, ĩrũre katu pyrỹmboi, maĩrã ĩmepo'ẽ mbeuva mbai Tũpa heshakashuva, maĩrã ijetava ñee kuaahambape hareka ĩmepo'ẽjy mbeu kaviva mbaivara he'ise. Tẽvã opaite kova mbai tijapoha piñymypyrãta verã.

Santiago 5:13

Ĩme'ẽ pynymbytepe vyamba'õvarã, timbo'e. Ĩme'ẽ vya'õvarã, typyraheshu Ñandeja.