1 Corintios 13:5 - NandevaBiblia

⁵ Poryãã ñee porãmbava hareka hekãã hai pevarãĩ, poshyreiiã hareka natuãvaĩjy hai poshykue.

1 Corintios 13:5 Referans Kwoze

1 Corintios 10:24

Avy jaheka ñandepeĩ haikavi verã, jahekapo jyve ñandapisha haikavishu verã.

Santiago 1:19

Shyryvyre ahaihuva, pynymanduahe kova; opaiteva kuimbaire ẽẽñoĩpo hendu verã yngava hapishare, tẽvã ha'ẽã aremba'eite ijeta verã hareka poshy verã.

Filipenses 2:21

shara opaiteva yngavare heka haire pevarãĩ haikavishuva, ha'ẽã Jesucristo ryheva.

Filipenses 4:8

Koñemahea shyryvyre, pypya pimbijeta katuhe opava oumbava japuivi, heko kaviva, pyrỹmbyhoryva hareka hyrãkua kavivare. Opaite ĩmereva mbai haikaviva hareka katu pyraheva, kova pypya pimbijetahe.

Galatas 5:13

Pee rãnga shyryvyre piñyheno poia pyhevi verã. Avy pipory kova poia pyndyheviape pijapo verã pyndyroo potava, haikavivepo piñymbory jyhaihuperã.

1 Corintios 12:25

Potãã ĩme'ẽ ñandyrete ryhevare ohomba ijehevarã, koñeĩ opaiteva ñymbory verãĩ.

2 Corintios 5:19

Kova he'ise, Cristo rehe, Tũpa iñonojy kavi hãndi kuaretare, manduambaheva mbai porãmba kuaretare japo vekua; hãrã meẽ ore ñee pirĩñonojy kaviva ryheva.

1 Corintios 10:33

She jyve opa mbaipe ãñehãã opava retape ambyvya verã, hareka ahekãã she pevarãĩ haikavi verã, hetava retape haikavi verã rãnga jyve, ohojepe verã reta jyve.

1 Corintios 11:18

Tynonde mbe'uashe jyrojavare pimbatyrã opanda porããpyhevi, hãrã aroja kyrã jehuva.

Mateo 5:22

She hai pee, ĩme'ẽ hapisha poshyshuarã rahapo mbivacheha verãpe. Ĩme'ẽ heishua hapisha “Mba'ẽã rikuaa”, rahapo kuakuavare hỹnonde; hareka hapisha jypejuheva hokava mombohapo tatavasupe.

Lucas 7:39

Fariseo jurureshu vekua Jesús oho karu verã heshama hokavarã hei pyape: “Ko kuimbai ãñete hai Tũpa ĩñee mbeu'iarã, kuaatẽ verã mãrãva tauperã poko'ẽhe, taupe heko porãmba rãnga hai”.

Marcos 3:5

Haipe Jesús poshy ryheve mãĩ jurirã mbyvy'ã pya tãntaĩte retarã, hãma heishu hoka kuimbai: Mysymyĩ ndepo. Ko kuimbai ipo mysymyĩrã, kuera.

2 Tesalonicenses 3:7

Pee rãnga pikuaa kavi marãrapo piko, pota ore ikohava rãĩmi pikorã; penteã ikohareii pynymbyteipi,

1 Corintios 7:36

Ĩme'ẽ moã haikavishuva tajy omendarã, kyrẽyma omendarã, haikavimarã, tijapo hesha haikavishu verãrã, timi'ĩme, hokava ha'ẽã mbai porãmba.

Mateo 9:4

Jesús kuaa mbaivara heijyre pyaperã, heishu reta: Marã'ĩrãra porã'ãĩte pypya pimbijeta?

2 Timoteo 2:10

Hãrã Tũpa pyhỹrõvare reheĩ opa mbai ahasa'aĩ, haire hipity verã jyve ñymondojepe hareka hĩmbipeva ĩmejareva opa ara Jesucristo rehe.

2 Timoteo 4:16

Tynondeite aijeta shijehe huvishare hỹnonderã, mba'ety shichere ẽvã; opaite shyreja reta. Airureshu Tũpa potambaa jahehe verã hokava rehe.