1 Corintios 13:2 - NandevaBiblia

² Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

1 Corintios 13:2 Referans Kwoze

1 Juan 4:8

Hãma pyryraihumbava Tũpa kuãã, shara Tũpa hai jyhaihu añeteva.

1 Corintios 13:3

Opa ãmemeẽshu ĩme'area paveteva retarã, hareka ameẽ shyrete hapyha verãrã, tẽvã apyryraihuãrã, mbaivapeã haikavi she.

Mateo 17:20

Jesús heishu reta: Sa'ite pirojarã. Ãñete hai pee, pirojakue mbairãỹ mishĩva rãĩmirã, pereposhu yvyturusu: “Syry koivi, ãupe syryjy”, japoĩpo jyvepe. Opa mba'e katu pijapo.

1 Corintios 16:22

Ĩme'ẽ haihumbava Ñandeja Jesucristorã, toahe Ñandeja ĩñee pohyva! Ñandeja ouserima.

Mateo 21:21

Jesús heishu reta: Ãñete hai pee, piroja pyndypya mokuemba ryheverã, ko igo jypyre ajapova rãĩmi katupo pee pijapo jyve, katupo pereshu yvyturusu: “Syry koivi, ekua eapy yyvasu” hãrã kyrãpo iko.

Efesios 3:4

Pimbijetama peĩrã, pikuapo pymondo aikuaava hoka Cristo ryheva kuaahamba.

1 Corintios 13:1

Ajemaĩpo opava kuaretare ĩñeepe aikatu aijeta hareka katupo Tũpa jokuevare ĩñeepe aikatu aijetajy, tẽvã ahaihuã yngava retaperã, shy'ova pente hiero mbi'ipuha'õ, maĩrã maĩnunga parãrãreiva.

Galatas 5:16

Hãme rãnga hai pee: Piko Espiritu Santo potava rãĩmi, hareka avy pijapo pyndyroo potava.

Colosenses 1:26

he'iseva, mbai ñemiape'õ heta ara hareka aryka'eitevaĩ Tũpa ñomirea, tẽvã ã'ẽ kuaakashu henta ĩrũ ryheva kyamba.

Galatas 6:3

Ĩme'ẽ pynymbytepe moã hai mbai vasuvarã, tẽvã mba'erã'irã, ijupi ñymbytavy.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

1 Corintios 12:28

Tũpateiva ñono jyrojavare ñymbatyva mbytepe, tynonde'ẽ apostolre. Mokuehea Tũpa ĩñee mbeu'iare, mbahapyheape ñono pyrỹmboi'ia. Haivi kuaretare japo'ia mbaikavi heshaha verã, hareka ñymbairasyva mynguera'iare, yngavare mbory'ia, maĩnungape miñaka'iare, maĩrã ijetava ñee kuaahambape.

1 Corintios 7:19

Pire chĩchĩãva mba'ẽã rãnga; hareka kyrãĩjy chĩchĩãmba mba'ẽãjy, koñeĩ haikavive jajapo ñeẽ japoa verã Tũpa ña'ãpova.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Efesios 6:19

Pimboi jyve shyrehe Tũpa meẽshe verã ñee hareka jyroja katu aijetama aĩrã Ñee Kavivapy, pyntuape'i vekua tẽvã ã'ẽ Hai pota kuaaka.

1 Corintios 4:1

Pee rãnga koñeĩpo pere'ore Cristo mboryhareva, maĩrã ñonoha'ore pyrỹmbo'eahe verã Tũpa potava ĩmere vekua ñemiãpe'õre.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

Mateo 21:19

Hãrã hesha pente igo jypy pe hỹmbeype'õ, ñymbojaherã mba'ẽã heshapy; koñeĩ hokykuerei. Haipe Jesús heishu igo jypy: Ynteñomapo ndi'iakui! Haipevãĩ igo jypy opa jipi.

Mateo 13:11

Jesús heishu reta: Tũpa rãnga kuaaka pee, mbai ñemĩape'õ huvisha vasu vate arapy'õ ryheva, tẽvã haire mba'ety.

2 Corintios 12:11

Kuakuamba'ia rãĩmi ai sheii aijeta kavi shijeherã, shara pee kyrã pijapoka she. Pee rãngate haikueĩ pijetakavi shyrehe verã, shara mbaivapeã shimishĩĩshi hokava apostolre omomba'ea vasuveva retaivi, ajemaĩ mba'eiteã she.

1 Corintios 14:39

Hãrã shyryvyre, piñyhããpo pymbeu ñee iko verã Tũpaivi ouvare, hareka ĩme'ẽ pota ijetava ñee kuaahambaperã, avy pijocha.

1 Corintios 8:4

Hãrã katura jau ho'uava ta'angape me'ẽãva? Jaikuaa kavi ta'angare mba'ẽã hai ko yvy'ĩãrẽrã, hareka penteĩ'õ Tũpa.

Hechos 13:1

Tũpao Antioquiape'õ ĩme'ẽ Tũpa ĩñee mbeu'ia hareka pyrỹmboi'iare. Haire hai Bernabé, Simón, mbyheeava jyve “Hũva” Lucio Sireneva, Manaen mburuvisha Herodes mbykuakuaheva hareka Saulo,

Romano 15:14

Shyryvyre, aroja katu pynytynyhẽva mbai haikaviva hareka opaite arãndukuepe pepenteĩ piñymbarakuaa kavi verã.

1 Corintios 11:4

Pente kuimbai ñaka jasoi ryheve ñymboi'ẽrã maĩrã Tũpa pory'ẽrã, mymarãka ñakarã'õ.

1 Corintios 13:8

Ãñete jyhaihukue opããpohai, tẽvã iko verã mbe'uava opapokui, ñee kuaahambava opapokui, hareka jyve ãrãndukue.

1 Corintios 14:4

Ñee kuaahambavape ijetava ijupei ñymypyrãta, tẽvã Tũpa ñymbaikatukue ryheve ñimiñeeva, mypyrãta tũpao.

1 Corintios 14:29

Kyrã jyve Tũpa ĩñee mbeu'iare, tijeta mokue, maĩrã mbahapy, hãma ĩrũre tijasaka kavihe hesha verã ñee haira ãñete Tũpaivi ouva.

1 Corintios 15:51

Tẽvã aipota pikuaa kova Tũpa ñemiãpereva: Opaitevããpo ñamano, tẽvã opaitevapo ñandyrete ñymy yngaikui.