1 Corintios 12:9 - NandevaBiblia

⁹ Yngava me'ẽãshu jyrojakue Espiritu Santo rupii, hareka hai rupii ĩrũre me'ẽãshu mynguera verã ñymbairasyvare.

1 Corintios 12:9 Referans Kwoze

2 Corintios 4:13

Ore rekohava jyrojakue, hai Mbyparahava heiva rãĩmi: “Aroja, hãme aijeta”, ore rojahaĩ jyve hãme ijetaha,

Efesios 2:8

Pee rãnga pehojepe Tũpa jyhaihu rupii, shara pirojaherã. Kova mbai ha'eã peii pijapo vekua rupii, Tũpa me'ẽĩpeva rãnga.

1 Corintios 13:2

Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

Hebreos 11:33

haire jyroja rupii jepyhe reta tentavasure, ñimbivachepe japo reta hareka hipity reta mbe'uava; java juru mbotyshi reta,

1 Corintios 12:30

Opaitevara me'ẽãshu pyrỹmynguera verã? Opaitevara katu ijetapy ñee kuahambavare? Opaitevara kuaa mbeu kavi verã ñee kuahambava?

1 Corintios 12:28

Tũpateiva ñono jyrojavare ñymbatyva mbytepe, tynonde'ẽ apostolre. Mokuehea Tũpa ĩñee mbeu'iare, mbahapyheape ñono pyrỹmboi'ia. Haivi kuaretare japo'ia mbaikavi heshaha verã, hareka ñymbairasyva mynguera'iare, yngavare mbory'ia, maĩnungape miñaka'iare, maĩrã ijetava ñee kuaahambape.

Marcos 16:18

pysypo reta mboi hareka houpo mbai purukava, tẽvã mba'ẽãpo japohe reta, ipo ñono ĩãrã ñymbairasyvarã, kuerapo.

Hechos 5:15

Kyrã, kuaretare opaite nohẽ reta ñymbairasyva hupare ryheve hareka miñenohasepya Pedro hasamarã, ñykuarãsy'ãĩ vejy ĩãrẽ verã a'ãmore.

Lucas 10:9

Ĩme'ẽ haipe ñymbairasyarã, pymynguera hareka pereshu reta: “Tũpa ẽvãpe'õ ryheva kõõma ẽẽ pyndyhevi”.

Lucas 9:2

Hãrã mondoshu reta mbeu verãre Tũpa ẽvãpe'õ ryheva, hareka mynguera verã ñymbairasyvare.

Marcos 6:13

Heta ãña ichepy vekua mohẽshi reta, hareka mynguera ñymbairasyva asaite kytyherã.

Mateo 21:21

Jesús heishu reta: Ãñete hai pee, piroja pyndypya mokuemba ryheverã, ko igo jypyre ajapova rãĩmi katupo pee pijapo jyve, katupo pereshu yvyturusu: “Syry koivi, ekua eapy yyvasu” hãrã kyrãpo iko.

Mateo 10:8

Pymynguera ñymbairasyvare, pymbyhykovejy manovare, pijoheshu kuru porãmba'iare hareka mbaiposhyre pymohẽ. Pee rãnga mẽ'ẽhareiipe kova mbaikatu, hãrã piporyrã avy pekora ĩãrẽkui.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.