1 Corintios 12:12 - NandevaBiblia

¹² Shara Cristo jytũpao ova kuareta hete. Reko opaĩ marãrãngatuva hai ryhevare, tẽvã pente tyreteĩ.

1 Corintios 12:12 Referans Kwoze

Colosenses 3:15

Hãrã Cristo pya symyĩkue tymytynyhe pyndypya, ha'ẽrã rãnga pynyrẽno aryka'e Tũpa, piko verã penteva rãĩmi hãma pymeẽshu pyndy'ajetekue.

1 Corintios 12:27

Pee rãnga hai Cristo hete ryheva, hareka opaite pepenteĩ reko japo verã.

Colosenses 2:19

Haire ñymypenteã hãndi Cristo, hai rãnga tũpao ñãka mbykuakuava opaite tyrete, hareka hai rupii opaite tyrete ryhevare pentevareĩ ñynoĩ hareka ñymboryñoĩ reta, Tũpa potava rãĩmi.

Efesios 4:4

pee hai pente tyreteĩ hareka pente Espirituĩ, pynyrẽnohava rãĩmi pente ñyhãrõpeĩ ohojepevape.

1 Corintios 10:17

Ñandyretatẽvã, opaiteva pentevaĩ jau pãhã, hãme rãnga ñande hai penteva tyreteĩ.

Efesios 5:30

shara ñande hai jyve ñaĩva hetere, japoava ho'oivi hareka kãvẽivi.

Colosenses 1:18

Cristo hai tãka, tũpao hai tyrete. Hai rãnga opa mbai õñepyrõhea, hareka haijy tynonde pũãjya manovare mbyteivi, kyrã hai tynonde'ẽ verã opa mba'eivi.

Efesios 5:23

Hãma teme reta hai tyrekore ñakã, Cristo hai ñakã tũpaore rãĩmi. Cristo rãnga jyve hoka tũpaore mondojepe verã, hokava tũpaore hai hete;

Efesios 4:12

kyrã ñono kavi heko kyambare jokue verã, mupuã verãre Cristo hete,

Galatas 3:16

Kyrã Tũpa ĩñee meẽshu Abraham hareka ñymoña hãndia. Tũpa ĩñee he'ĩã “Rĩmoña ndyheviare”, shara pentevareĩ ijeta, hãme rãnga hei “Ñymoña ndyhevia”, hokava hai Cristo.

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

Efesios 1:23

Hareka Cristo teiva opa mynyhẽ tũpao hareka opa mbaire.

1 Corintios 12:7

Espiritu Santo rãnga ijykuaaka pepenteĩ mbai kuaakue me'ẽãshua rupii, haikavi verã jyve yngava retape.

1 Corintios 12:20

Tẽvã ã'ẽ heta'ẽ ñandyrete ryhevare, tẽvã tyrete penteĩ'ẽ.