1 Corintios 11:26 - NandevaBiblia

²⁶ Shara peumapẽĩ kova pãhãrã, hareka pimbyumapẽĩpy kova koparã, Ñandeja ñymano pymbeu hai oujypeve.

1 Corintios 11:26 Referans Kwoze

Apocalipsis 1:7

Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

Juan 14:3

Ahajyma opa ãñono kavi pynyrẽndarãrãpo aijy apyryrahakui, jaiko pãvẽĩ verã she aikovape.

1 Juan 2:28

Ã'ẽ shyrayre ahaihuva, piñymypenteñoĩhe Cristo, jairojahe verã hai ijeshakamarã, ñanymarãmbashi verã hai oujymarã.

Hechos 1:11

heishu reta: Pee Galileavare mãrã'ĩrãra pymãĩpi vate arare? Kova Jesús rãnga hupihajyma vate arapy, pee pyhesha ohojyva rãĩmi katĩĩpo pente arape oujykui.

2 Pedro 3:10

Jesucristo ara oujy verãpe manarõ'ia rãĩmipo pynturã oujykui. Arare opapo kañykui hy'apuvasua mbytepe hareka maĩnungare opapo oke.

Juan 21:22

Jesús heishu: She aipotarã hai ĩmeĩteripo'ikui, aijypeve. Mbaivara nde hokava? Nde, ei shimi'ĩrũ.

Apocalipsis 22:20

Kova ñee mbeu'iva hei: “Añeteĩte rãnga aijyserima”. Amén! Ei Sheja Jesús!

Judas 1:14

Kova retare rãnga Enoc ijeta jyve, kuimbai 7 hea, Adan heirã vekua: “Pymaĩhe, Ñandeja heta ou hãndi jokuevare,

1 Tesalonicenses 4:16

Shara hỹnatupo iñyhendu pente ñee, Tũpa jokueva ĩñee hareka ñimimby ipukue, hãrã vate araivi Tũpateivapo vejy. Hãma Cristore jyrojava mano vekuare, hai reta rãnipo kuerajy;

1 Corintios 15:23

Tẽvã pepenteĩ myhenda: Cristo tynonde'ẽ, haivi Cristo oujymarã, kuerajypo jyve hai ryhevare.

2 Tesalonicenses 1:10

Ñandeja oujymarã hokava ara hai ña'ãpovare õmombaivasu verã hareka mbyrymaĩhe verã opaite jyrojaheare. Shara pee pyroja ore mbe'uhapeva.

1 Corintios 4:5

Hãrã avy pymaĩhe papisha Ñandeja ndeiteri oujyrã. Hai oujymarã haipo opa pyrỹmbykuaaka ñemiãpe'õre hareka mbaivara ñandypya ñambijeta jaihe. Hãma Tũpa meẽposhu pepenteĩ, japova hepykue.

Juan 21:23

Hãrã mbe'uha opaite Jesure jyrojavare mbytepe, hokava mboirea manombahai verã. Tẽvã Jesús he'iambashu manombahai verã, kyrãreii heishu: “Aipotarã ĩmeĩteripo'ikui, aijypeve. Mbaivara nde hokava?”