1 Corintios 10:13 - NandevaBiblia

¹³ Pyarãã ou peãrẽva rãnga ou jyve opava kuaretare ĩãrẽ. Tẽvã Tũpa hai jyrojahahea, hai hejããpo iko pyndyrehe mbai pijepymbahe verã. Tẽvã pyndypya hã'ãmarã Tũpa pynymborypo marãrapo pẽhẽshi hareka pijepyhe.

1 Corintios 10:13 Referans Kwoze

2 Pedro 2:9

Ñandeja rãnga katu hejareishu ĩñee japoshuare pya hã'ãhã'ẽrã hareka natu heko porãmbare jyvareahe verãre pirĩmbivachehava arape.

2 Timoteo 4:18

Ñandeja shynohẽpokui porãmbavaivi hareka shymondojepepokui shyrahama verã mburuvisharã'õpe. Hai pevarã pyrãtakue opaite arapeve. Amén.

2 Tesalonicenses 3:3

Tẽvã Ñandeja hekokavi, hai ñyngareko pyndyrehe verã opaite mbai porãmbaivi, shara hai opañoĩpo japo heiva.

Hebreos 12:4

Pee rãnga nde'iaveteri ñymanopeve pyvãhẽ mbai porãmba pirãrõ handiape.

1 Tesalonicenses 5:24

Ko pynyrẽnova rãnga hai jyrojahahea, hãrã kova mbai hekope kavipo opa japo.

Lucas 22:46

hãrã heishu reta: Marã'ĩrãra pechepẽĩ? Pupũã hareka pirure rãngapo, potãã pypya hã'ãrã.

2 Corintios 1:10

Ñanynohẽ, hareka ỹrynohẽjypo ñymanoivi. Jyrojahahe ỹrynohẽjyñoĩ verã,

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

1 Pedro 4:19

Kyrã opaite hasa'asyvare Tũpa potava rãĩmi, tiñymeẽ jyrojape Tũpa japo vekua ipope hareka tijapo haikaviva.

1 Juan 1:9

Tẽvã Tũpa ñaimbeushu mbai porãmba jajapo vekua retarã, hai jairojaheva hareka hekokavi, hejareii ñandyhevi verã hareka ñandohepo mbai poshykueivi.

1 Corintios 1:9

Tũpa rãnga sareãhe hai ĩñee meẽva, hai pynyrẽno peii piko hãndi verã pente ñeepe Tay Jesucristo, Ñandeja.

Hebreos 11:11

Jyrojakue rupii Abraham, ajemaĩ kuakuaama hareka hyreko Sara katuã memby, Tũpa meẽshu pyrãtãkue ĩmere verã pente memby, shara rojakatutẽ Tũpa hareka japoñoĩ verã ĩñee meẽva.

Hebreos 10:23

Jaikopo pyrãtape ñahãrõ kavivape Tũpa japoñoĩ verã ĩñee meẽ ñandeva.

Lucas 11:4

Hejareii yryhevi mbai porãmba japoa vekua, shara ore hejareii jyveshi mbai porãmba japo yryrehevare. Avy ma'ẽĩhe to'aha yrypya ãhã verãpe, yryrekyshi mbai porãmbava”.

Hebreos 6:18

Tũpa japuã hairã, mokue mbai katumbaa ỹngaijyva, heiva meẽ verã hareka hai ĩñee meẽva. Hokava tivisha ñanymykyrẽỹ, shara jaipota Tũpa ñyngareko ñandyrehe, hãrã jaroja hai heishu vekua meẽñoĩ ñande verã.

Apocalipsis 19:11

Haivi ahesha vate'õ ara jypearã hareka haipe jykuaa pente kavaju tĩĩva, oporeheva he'iashu Jyrojaheva hareka Añeteva, hekopekavi pirĩmbivacheva hareka ñyrãrõva.

Lucas 16:26

Hãma koivi, ĩme'ẽ ñanymbytepe mbai kype'õ hareka tivishava; hãrã ĩme'ẽ koivi pota hasava pẽĩvãperã, katuãpo hasa, hãndi hokaivi katu'ãĩpo hasa jyve kope”.

Hechos 27:44

hãrã ĩme'ẽ haykue ohovare, yvyra pysẽvekuepy maĩrã varko pysẽvẽkuere'ĩãrẽ. Kyrã opaiteva vãhẽha yvy ẽvãpe hareka ohoajepe.

Mateo 6:13

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.