1 Corintios 1:30 - NandevaBiblia

³⁰ Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

1 Corintios 1:30 Referans Kwoze

Efesios 1:7

Hai mbyhepy ñandyrehe ñanynohẽajy verã hareka hajareii ñandyhevi porãmba jajapo vekua, Tay huvy ĩñohẽva rupii, kyrã hai japo shara pyryraihukue opããshi hai.

Filipenses 3:9

Añymypente handi verã, ha'eã ñimbivacheva rupii Moisés mbypara vekua rehe, koñeĩ Cristo jairojaherã, ñimbivacheva hai jyrojakue rupii Tũpaivi ouva.

Romano 8:1

Hãrã, mba'etyma ñunupa opaite Cristo Jesús ñymypente hãndiare, opaite ikomba hete potavape, koñeĩ iko Espiritu potavape.

1 Corintios 1:2

opaite Tũpa ryhevare Corintope'õre, pee Tũpa pyhyrõ vekuare henta'ĩrũrã kyamba, hareka opa rupi'õre Ñandeja Jesucristo hee hẽno'iare, haire Ija hareka ñande jyve.

Efesios 2:10

Shara Tũpa japo vekua hai ñande, hãma ñandapoha Jesucristo rehe mbai haikaviva jajapo verã, arykaivaĩ Tũpa ñono ñanynonderãpe jajapo verã.

Colosenses 1:14

hai huvy rupii mbyhepy ñandyrehe ñanynohẽajy verã, hareka hejarei ñandyhevi mbai porãmba jajapo vekua.

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Galatas 3:13

Jesucristo rãnga ñanynohẽma Moisés mbypara vekua jyjaheivi, hãrã jaheatẽ ñandyrehe verã vekua oa ĩãrẽ, shara Tũpa ĩñeepe hei: “Jaheamahe yvyrare ñonoãva”.

Galatas 1:4

Jesucristo rãnga meẽ hykove mbai porãmba jajapo vekua rehe, ñanynohẽ verã ko yvy'ĩãrẽ'õre heko porãmba vekuaivi, Tũpa potava rãĩmi.

1 Corintios 1:24

Tẽvã Tũpa hẽnovare pevarã Judiore, maĩrã, Griegore, Cristo hai Tũpa ñymbaikatukue hareka ñymbaikuaakue.

Santiago 1:5

Ĩme'ẽ pynymbytepe mbai kuambavarã, tirureshu Tũpa, haipo meẽshu ãrãndu mba'etyrea, shara Tũpa hetakavi meẽshu mbavapemba rỹrõva.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

Apocalipsis 14:4

Kova hai taupe ñyngyambaheare shara pokohãterihe. Kova reta hai Avisha Ray mi'ĩrũ jyrevare ohova reta kyty. Kova hai mondoajepevare kuaretare mbyteivi me'ẽãva kapyryva Tũpa pevarã hareka Avisha Ray.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

Efesios 5:26

Hai mano japo ñandyhevi verã Hai pevarãĩ, johema hai ĩñee kavi rupii yype joheava rãĩmi.

Efesios 4:30

Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.

1 Corintios 12:8

Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.

Juan 17:8

she ambeushu reta niñee rikuaakashe vekua, hãrã haire roja. Kuaama reta ãñetẽĩte ndyhevi aiva, hareka roja reta nde shymbouva.

Hebreos 9:12

Cristo iche Tyrẽnda Kyamba'eitevevape, ha'ẽã kapura hareka vakare huvy rupii, koñeĩ ha'ei huvypy; penteĩ icherã hipityma ñande pevarã ñymondojepeva opa arape.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Efesios 1:14

Espiritu Santo rãnga hai me'ẽã ñandeva Tũpa ña'apova meẽ verã, opama ñambapy kavi mbyhepya ñandyreheva ñanynohẽajy verã, omomba'ea vasushu verã.

1 Corintios 12:27

Pee rãnga hai Cristo hete ryheva, hareka opaite pepenteĩ reko japo verã.

Romano 8:23

Ha'ẽã hairetaĩ, ñande ñandijehetei jahasa'asy jyve, ajemaĩ ĩmematẽjare Espiritu tynonde me'ẽã ñandeva japity verãvaivi. Ñahãrõteñaĩ Tũpa ta'yrã ñandapo verãpe, hareka ñandyrete nohẽshi verã porãmba vekua.

Romano 8:9

Tẽvã pee pikoveama pyndyrete potavape, koñeĩ Espiritu potavaima, ĩmepyre Espiritu Tũpa ryhevarã, tẽvã ĩme'ẽ mba'etyreva Espiritu Cristo ryhevarã, ha'eã hai ña'ãpova.

Romano 5:21

Shara kyrã mbai porãmbava ouma ñymano ĩãrẽrã, me'ẽãreiiva ouma ĩãrẽ mbai kavi tykove opamba verã Ñandeja Jesucristo rupii.

Romano 5:19

Shara kyrã pente kuimbai ĩñee rẽndumbaa rehe hetava he'iahe heko porãmbare, pente kuimbai ĩñee rẽnduva rehe hetava he'iapohe heko kaviva.

Romano 4:25

Tũpa meẽmba Jesús mano verã mbai porãmba jajapo vekua rehe, hareka mupũ'ãjy ñanymbyhekokavi verã hai hỹnonde.

Romano 4:6

Kyrã hei jyve David, vy'apo kuareta hekope kavi'ia Tũpa ñonoshu hekokavivape'ia rãĩmi ha'ẽã japova rehe.

Juan 8:12

Jesús ijetajyshu kuareta retarã hei: She hai sapeva ko yvy'ĩãrẽ, ĩme'ẽ shimi'ĩrũvarã rekopo sapeva meẽvã tykove, hãrã ikoveamapo pyntuape.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Lucas 21:15

Shara sheepo ameẽpekui ñee hareka mbaikuaa, katumba pyndyvaishore jepy pyndyrehe verã.

Mateo 1:21

Hai memby kuimbaipokui, hareka rymbyheepo ko sanjay Jesús, kyrãpo he'iashu shara hai mondojepepo henta ĩrũre mbai porãmbaivi”.

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.

1 Juan 5:6

Jesucristo ourã vekua ijeshaka tuvy hareka yy rupii, tẽvã ha'ẽã yypeĩva, yy hareka tuvy rupii jyve, Espiritu rãnga mbeu kova, shara Espiritu hai añeteva.

1 Pedro 1:2

Opaiteva Tũpa Teru potava rãĩmi pyhyrõãvare Tũpa ñymbaikuaakue rupii. Espiritu Santo rupii pinimbijicheha Tũpa pevarã, ñee pyhendu hareka pijyjoheka verã Jesucristo huvype. Tyvãhepe heta jyhaihukue hareka pyavapy.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

Efesios 1:10

Shara vãhẽpokui ara ñonoãva, Tũpa opapo mbatykui Cristore opa maĩnunga, opaite mbai ẽvã vate arapy hareka yvy'ĩãrẽ'õre.

1 Corintios 12:18

Tẽvã Tũpa ñonombahe ñandyrete ryhevare hai potava rãĩmi.

Romano 16:11

Pymarãndushu sherẽntarã Herodión hareka opaite Narciso ñymoña hãndiare Ñandejare jyrojavare.

Romano 16:7

Pymarãndu Andrónico hareka Junías, sherẽntarãre hareka shi'ĩrũ shymbyperesoa hãndi vekua, hai reta haihuhava Apostolre hareka haire tynondeve jyroja shyhevi Cristore.

Romano 12:5

kyrã jyve ñande, ajemaĩ ñandyreta, penteva tyretepeĩ jajapo Cristo rehe hareka penteapeĩ ñaĩ hãndi hareka opa pavẽĩ tyrete ñaĩheva rãĩmi.

Romano 11:36

Shara opaite Tũpaivi ouva, hai rupii hareka hai pevarã. Hĩmbipekue opa ara Tũpa pevarã! Amén.

Romano 1:17

Ñee kaviva rãnga ñanymboihe Tũpa mbyheko kaviva Jesús jyrojahea. Mbyparahava heiva rãĩmi: “Heko kaviva Tũpa jyrojaherã rupiipo iko”.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

Juan 17:26

She aikuaakashu reta mbavara nde, hareka aikuaakave teriposhu reta, jyhaihu ĩmeryre shyreva ẽhe verãre, hareka she hai retare ãĩjyve.

2 Corintios 12:2

Aikuaa rãnga pente kuimbai Jesucristo ohoheva, japoma 14 ãño raharã vekua ara vate'õ mbahapyheape. Aikuãã hetepera maĩrã espiritupera; hokava Tũpa kuaa.

Lucas 11:49

Hãrã Tũpa ñymbai kuaakuepy hei kavi pyndyrehe: “Ãmondoposhu reta Tũpa ĩñee mbeu'iare hareka apostolre; a'ãmore jukapo retakui hãrã ĩrũre heshatãrã moñapo retakui”.

1 Corintios 4:15

Ĩmeãratẽpopyre 10.000 kuaretare pynymboihe verã mbai Cristo ryheva, teru rãnga heta'ẽ mba'etyreva. She hai teru pee pevarã, shara ambeupe Ñee kaviva ryheva.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.