1 Corintios 1:18 - NandevaBiblia

¹⁸ Shara ñee Cristo jukurusu ryheva mba'ẽãshu hai, õñehundi verã kyty oho'iare; tẽvã ohojepevare pevarã hokava ñee hai Tũpa ñymbaikatukue.

1 Corintios 1:18 Referans Kwoze

1 Corintios 2:14

Hãma Espiritu Tũpaivi ouva mba'etyrea, ñatẽy hendu Espiritu ryheva, hãrã hai pevarã heihe mbaimba vekua, hareka kuããvãĩjy, shara mba'etyre Espiritu Tũpaivi ouva.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

2 Tesalonicenses 2:10

hareka heta porãmba vekua rupiipo pyrỹmbytavy jaheahe verãpe shara ñateỹ myvãhẽ reta jyhaihu añeteva hareka kyrã ohojepe verãre.

2 Corintios 4:3

Hãma ĩme'ẽ kuaa kavimbateriva kova Ñee kaviva mbe'uhava, hai ohojepemba verãre.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

1 Corintios 3:19

Shara Tũpa pevarã ko yvy'ĩãrẽ'õ ãrãndu mba'erãveãshu hai. Kuatia mbyparahava heiva rãĩmi: Tũpa itypy ĩñarãnduvare, ha'ei ñono vekuapy.

1 Tesalonicenses 1:5

Shara mbe'uhape Ñee kavivarã, ha'ẽã ĩrĩñeepeĩ japohava, Espiritu Santo ñymbaikatupy hareka jyrojakue ryheve rãnga. Pee pikuaa kavi marãra ikoha pynymbyteipi, pyndyraihuhaiterã.

1 Corintios 2:2

Hãrã ãĩme'ãĩ pynymbyteperã, koñeĩ aijetahe Jesucristo ryheva, jaishu, manorã vekua kurusure.

Hechos 13:41

Pymãĩ katu ñymbyhoryĩ'i vekuare, mbyry pymãĩva hareka piñemi shara she hai Tũpa ajapopo pyndy'arape mbaivasu pyrojamba verã ajemaĩ ĩmetẽ mbeupe verã.

Hebreos 4:12

Tũpa ĩñee hai tykove hareka mbaikatu, kyse pukuva hãĩmbeveva hareka kype icheva ñandypyape hareka espiritupe, haipe ñonokaviva typya hareka typya potava, hareka hokava potakue haira haikavivare maĩrã porãmbare.

2 Corintios 10:4

Ñyrarõhãrã poryhãã ko yvy'ĩãrẽ'õ, Tũpa ñymbaikatukue rãnga poryha, hokava hai jepyheva opaite mbai ñymypyrãta'õ.

1 Corintios 15:2

Kova Ñee kaviva rupii pehojepema, tantapẽĩhe ñee ambeupe vekuarã; kyrããrã pyrojareiimbapo.

Hechos 17:32

Hãma henduma reta manova kuerajya ryhevarã, ĩme'ẽ ñymbyhoryheare, tẽvã ĩme'ẽjy heishuva: Nyrẽnduhaipojykui ĩrũ arape hokava ryheva.

Hechos 17:18

Hãma epicureo pyrỹmboi'iheare hareka estoico ijeta pohy ijupe hãndi reta. Ĩme'ẽ heiva: Mbaivara ijetahe hokava ĩñeegãtu'ia? Ĩme'ẽjy heiva: Ĩme'ãmo yngava tũpare myhỹrãkua'iare. Shara mbeushu reta Ñee kavi Jesús ryheva hareka manovã kuerajya ryheva.

Hechos 2:47

Opapaveĩ pyraheshu reta Tũpa hareka opavare haihushu reta. Hãrã opa ara Ñandeja mbyhetave raha kuaretare tũpaope ohojepe verãre.

1 Corintios 4:10

Cristo heiva japohashurã rãnga kuaretare hei yryrehe mbaimba kuaahava. Tẽvã Cristo rupii hei pyndyrehe reta heta mbai pikuaava. Ore rãnga ỹrỹpyrãtãã, tẽvã pee pynypyrãtã. Pee rãnga pyndyraihuha, tẽvã ore yryreshatãã reta.

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.