SAN MATEO 25:33 - Hua̱ xasa̱sti talacca̱xlan quinTla̱tican Jesucristo

³³ Xli̱pacs hua̱nti̱ xkaxmatko̱y quintachihuí̱n, chu̱ xli̱tzaksama̱kó̱ xpa̱lacata nama̱kantaxti̱ko̱y, pus antá̱ nacuili̱ko̱y c-quimpakstácat; chu̱ a̱makapitzí̱n hua̱nti̱ caj chunata xkaxmatmakanko̱y quintachihuí̱n, chu̱ ni̱ li̱tzaksako̱lh, pus antá̱ nacuili̱ko̱y c-quimpakxuqui.

SAN MATEO 25:33 Referans Kwoze

HEBREOS 1:3

Antá̱ c-xlatáma̱t yama̱ xCam Dios ma̱siyuy la̱ntla̱ xli̱tlanca̱ xca̱cni, chu̱ xli̱tlihuaka̱ kalhi̱y xtla̱t Dios sa̱mpi̱ luhua xta̱lakxtápalh hua̱ la̱ntla̱ta Dios, chu̱ acxtum kalhi̱ko̱y tu̱ huatiya̱ xlakasicán, chu̱ xtalacapa̱stacnicán; chu̱ caj xpa̱lacata xtachihuí̱n tama̱ xCam Dios la̱ntla̱ kalhi̱y xli̱tlihuaka̱ makcatzi li̱anán xli̱pacs tu̱ anán. Na̱ hua̱ xlá̱ ti̱ quinca̱xapanikó̱n xli̱pacs hua̱ntu̱ xkalhi̱ya̱hu quintala̱kalhi̱ncán la̱ntla̱ ni̱lh c-cruz, a̱li̱sta̱lh tiampá̱ c-akapú̱n, chu̱ antá̱ titahui̱ c-xpakstacat Dios c-xpu̱ma̱paksí̱n anta̱ni̱ li̱pe̱cua̱ kalhi̱y xli̱ca̱cni.

EFESIOS 1:20

acxni̱ tima̱lakastakuáni̱lh ca̱li̱ní̱n, chu̱ na̱ antá̱ c-xpakstácat tihuíli̱lh c-akapú̱n anta̱ni̱ kalhi̱ma̱ tlanca li̱ca̱cni.

SAN MARCOS 16:19

Cha̱nchu̱ Quimpu̱chinacán, acxni̱ aya xma̱katsputuni̱t xtachihuí̱n, tzúculh tata̱lhma̱ni̱y, chu̱ alh c-akapú̱n anta̱ni̱ tahuilachá̱ c-xpa̱xtu̱n Dios.