SAN MATEO 24:2 - Hua̱ xasa̱sti talacca̱xlan quinTla̱tican Jesucristo

² Hua̱mpi̱ Jesús huaniko̱lh: —Huixín ucxilhpá̱tit la̱ntla̱ xli̱lacsuán ca̱xya̱huacani̱t xapa̱tzaps tama̱ templo, hua̱mpi̱ quit lacatancs cca̱huaniyá̱n pi̱ nalakchá̱n quilhtamacú̱ acxni̱ nia̱lh pala aktum chíhuix catitahui̱ anta̱ni̱ xuili̱ko̱cani̱t sa̱mpi̱ pacs nalactilhmi̱ko̱cán, chu̱ nia̱lh tú̱ catiánalh.

SAN MATEO 24:2 Referans Kwoze

SAN LUCAS 19:44

chu̱ maktum naca̱ma̱sputuko̱yá̱n pacs huixín hua̱nti̱ huilátit c-Jerusalén. Na̱ ca̱tu̱tzú̱ nama̱laca̱ni̱ko̱y xapa̱tzaps minchiccán, chu̱ ni̱ pala aktum chíhuix catitamakáxtakli̱ anta̱ni̱ xuili̱ko̱cani̱t hua̱ntu̱ xli̱tlahuako̱cani̱t chiqui. Hua̱mpi̱ ma̱squi chuná, pacs huixín li̱piná̱tit cuenta̱, sa̱mpi̱ ni̱ akata̱ksputuná̱tit pi̱ Dios ca̱macaminini̱tán la̱nchú̱ hua̱nti̱ naca̱lakma̱xtuko̱yá̱n.”

2 SAN PEDRO 3:11

Cumu aya catzi̱yá̱tit la̱ntla̱ nama̱laksputucán yuma̱ ca̱tiyatna, ¡xli̱ca̱na̱ ca̱mini̱niyá̱n pi̱ luhua aksti̱tum calatapá̱tit c-xlacati̱n Dios, chu̱ aksti̱tum caca̱cni̱nanítit!

APOCALIPSIS 21:22

C-xpu̱lacni yama̱ tlanca ca̱chiquí̱n ni̱ cúcxilhli̱ pala huí̱ xtemplo̱ Dios, usuchí̱ lacatum anta̱ni̱ tla̱n nalakataquilhpu̱tacán, sa̱mpi̱ yama̱ Dios hua̱nti̱ tlanca̱ xlacatzúcut, xa̱huá̱ xCalhni̱lu̱ hua̱nti̱ xokó̱nalh quimpa̱lacatacán lacaxtum xli̱tlanca ca̱chiquí̱n li̱taxtuy xtemplojcán anta̱ni̱ tla̱n lakataquilhpu̱tako̱cán.