SAN MATEO 15:33 - Hua̱ xasa̱sti talacca̱xlan quinTla̱tican Jesucristo

³³ Hua̱mpi̱ hua̱ xli̱ma̱kalhtahuáka̱t na̱má̱ kalhti̱ko̱lh: —Hua̱mpi̱ quin, ¿ní̱ nactiyako̱ya̱hu lhu̱hua caxtala̱nchu̱ hua̱ntu̱ nacli̱ma̱hui̱ko̱ya̱hu yuma̱ tachixcuhuí̱tat, sa̱mpi̱ xli̱ca̱na̱ luhua clhu̱huacán, xa̱huachí̱ u̱nú̱ lacatzú̱ ni̱ní̱ sta̱cán?

SAN MATEO 15:33 Referans Kwoze

SAN LUCAS 9:13

Hua̱mpi̱ Jesús huaniko̱lh: —Huata xatlá̱n huixiná̱ cama̱hui̱kó̱tit. —Hua̱mpi̱ na̱ ni̱ pala quin ni̱tú̱ ckalhi̱ya̱hu lhu̱hua caxtala̱nchu̱, caj xma̱n macquitzis, xa̱hua̱ tantuy squi̱ti. Ma̱n chá̱ hua̱ lapi̱ nacana̱hu tama̱huaya̱hu hua̱ntu̱ nata̱hua̱ko̱ya̱hu yuma̱ tachixcuhuí̱tat —kalhti̱nanko̱lh xlacán.

SAN MARCOS 6:37

Hua̱mpi̱ Jesús kalhti̱ko̱lh: —Huata xatlá̱n huixín cama̱hui̱kó̱tit. Xlacán chuná̱ kalhti̱nanko̱lh: —Hua̱mpi̱, ¿Ní̱ chú̱ nactiyaya̱hu yama̱ lhu̱hua tumi̱n tu̱ nacli̱tama̱huaya̱hu caxtala̱nchu̱ laqui̱mpi̱ xaacchá̱n nacma̱hui̱ko̱ya̱hu?

SAN MATEO 14:15

Huatiya̱ yama̱ quilhtamacú̱, acxni̱ ko̱tánu̱lh, xli̱ma̱kalhtahuaka̱t Jesús lakminko̱lh, chu̱ na̱má̱ huaniko̱lh: —Aya ko̱tánu̱lh, chu̱ tzi̱suamajá, xa̱huachí̱ ni̱ anán cachiquí̱n u̱nú̱ lacatzú̱, Huata xatlá̱n cahuanikó̱ yuma̱ xli̱pacscán pi̱ caanko̱lhá̱ c-xchiccán, usu anta̱ni̱ huí̱ aktum ca̱chiquí̱n laqui̱mpi̱ antá̱ natama̱huako̱y xli̱huatcán.

SAN MATEO 15:32

Cha̱nchu̱ tasaniko̱lh Jesús xli̱ma̱kalhtahuáka̱t, huaniko̱lh: —Luhua kayaj ccatzaniko̱y tachixcuhuí̱tat, pi̱ aya le̱ma̱ xli̱aktutu quilhtamacú̱ la̱ntla̱ minko̱ni̱t u̱nú, chu̱ ni̱ pala tú̱ kalhi̱ko̱y hua̱ntu̱ nali̱hua̱yanko̱y, pus ni̱ clacasquín caj pa̱lakchunatá̱ naanko̱y c-xchiccán, pala chú̱ nalakahuitita̱yako̱y c-tiji̱ caj xpa̱lacata aya tzincsni̱ko̱y.

SAN MATEO 15:34

Jesús kalhasquinkolh: —Hua̱mpi̱ huixín, ¿ní̱ macli̱t caxtala̱nchu̱ kalhi̱yá̱tit? Kalhti̱nanko̱lh xlacán: —Quin ckalhi̱ya̱hu mactujun caxtala̱nchu̱, chu̱ tzinú̱ squi̱ti.