SAN MATEO 13:15 - Hua̱ xasa̱sti talacca̱xlan quinTla̱tican Jesucristo

¹⁵ Xnacu̱can yuma̱ tachixcuhuí̱tat luhua xli̱ca̱na̱ tzaca̱tlako̱ni̱t; ma̱squi xlacán kaxmatko̱y hua̱mpi̱ ni̱ lay akata̱ksko̱y, ma̱squi luhua kalhi̱ko̱y xlakastapucán chunatiya la̱ntla̱ lakatzí̱n lama̱kó̱. Hua̱mpi̱ chuná̱ akspulako̱ni̱t sa̱mpi̱ ma̱n xlacán chuná̱ lacasquinko̱ni̱t pi̱ ni̱ cali̱lacahua̱nanko̱lh xlakastapucán, chu̱ na̱ ni̱ cali̱kaxmatko̱lh xtaka̱ncán, chu̱ na̱ ni̱ pala cali̱akata̱ksko̱lh xnacu̱cán. Huá̱ xacstucán le̱nko̱y cui̱nta̱ lapi̱ talakaspitta̱yako̱y, chu̱ quili̱pa̱huanko̱y laqui̱mpi̱ quit naclakalhamanko̱y, chu̱ nacma̱pacsako̱y xli̱stacnacán.’

SAN MATEO 13:15 Referans Kwoze

SAN MARCOS 4:12

Chu̱ chuná ma̱squi lhu̱hua̱ hua̱ntu̱ caucxilhko̱lh tu̱ quit ctlahuako̱y, caj chunata natamakaxtakko̱y xta̱chuná̱ pala ni̱tú̱ ucxilhko̱lh; ma̱squi caquinkaxmatniko̱lh hua̱ntu̱ cli̱chihui̱nama̱, ni̱tú̱ catiakata̱ksko̱lh. Chu̱ lapi̱ ni̱ naca̱najlay la̱ntla̱ tu̱ Dios li̱xakatli̱ko̱y xtalakalhamá̱n, xlá̱ ni̱ lay catima̱tzanka̱naniko̱lh xtala̱kalhi̱ncán.”

HEBREOS 5:11

Lhu̱hua̱ hua̱ntu̱ quit cca̱li̱ta̱chihui̱namputuná̱n hua̱mpi̱ ni̱ lay maktum cca̱huaniko̱yá̱n sa̱mpi̱ huixín luhua tuhua̱ nacca̱li̱ma̱akata̱ksni̱yá̱n.

2 TIMOTEO 4:4

Xli̱pacs hua̱ntu̱ xataluloktat xtalacapa̱stacni Dios nalakmakanko̱y, huata huá̱ naca̱najlako̱y hua̱ntu̱ caj xatalactzapa tachihuí̱n nali̱chihui̱nancán ma̱squi caj pacs xtalacapa̱stacnican chixcuhuí̱n.

LOS HECHOS 7:57

Hua̱mpi̱ yama̱ chixcuhuí̱n pi̱ ni̱ xkaxmatputunko̱y hua̱ntu̱ xuanima̱kó̱, xlacán pixtlanca tzucuko̱lh ca̱tasako̱y, na̱ akachipako̱ca̱, chu̱ li̱macxtum lhkan lakanko̱lh, chu̱ chipako̱lh.

APOCALIPSIS 22:2

Antá̱ xan c-xlaquita̱t xatlanca̱ti̱ hua̱ntu̱ c-xíta̱t xtiyapu̱taxtuy yama̱ ca̱chiquí̱n; antá̱ chu̱ c-xlakapu̱tuy kalhtu̱choko̱, ti̱tum cstacma̱kó̱ quihui̱ hua̱ntu̱ huanicán quihui̱ hua̱ntu̱ ma̱sta̱y xaxli̱ca̱na̱ latáma̱t, yuma̱ quihui̱ ma̱sta̱y xtahuacat akatunu papá, usu makcu̱tuy aktum ca̱ta; chu̱ xatuhuá̱n huá̱ li̱maclacasquincán laqui̱mpi̱ nali̱cuchi̱ko̱cán xli̱stacnacan xli̱pacs hua̱nti̱ lama̱kó̱ c-xli̱ca̱tlanca ca̱tuxá̱huat.

LOS HECHOS 3:19

Huá̱ xpa̱lacata cca̱li̱huaniyá̱n, catalakaspitta̱yátit, chu̱ calakpalí̱tit xali̱xcajnit mintalacapa̱stacnicán, laqui̱mpi̱ tla̱n natalacatzuhui̱niyá̱tit Dios, chu̱ xlá̱ tla̱n naca̱xapaniyá̱n xli̱pacs mintala̱kalhi̱ncán. Lapi̱ huixín chuná̱ natlahuayá̱tit, Dios naca̱macaminiyá̱n ta̱ktziyajni̱ c-milatama̱tcán,

SAN LUCAS 19:42

La̱ntla̱ xtasáma̱ chuná̱ huá̱: “¡Koxutaní̱n huixín hua̱nti̱ huilapítit antá̱ c-Jerusalén! ¡La̱pi̱ akata̱ksá̱tit cahuá̱ ca̱na̱ caj xma̱n hua̱ la̱nchú̱ yuma̱ quilhtamacú̱ pi̱ ca̱lakchini̱tán hua̱ntu̱ xli̱ca̱na̱ xca̱ma̱xquí̱n yama̱ xacacsua latáma̱t hua̱ntu̱ Dios ca̱ma̱xqui̱putuná̱n! Hua̱mpi̱ cumu huixín ni̱ ucxilhputuná̱tit hua̱ntu̱ Dios ca̱ma̱ucxilhni̱putuná̱n, nia̱lh ucxni̱ catiucxílhtit.

LOS HECHOS 28:27

Sa̱mpi̱ hua̱ minacu̱cán luhua tzaca̱tlani̱t, ma̱squi kalhi̱yá̱tit mintaka̱ncán, hua̱mpi̱ luhua tzinca̱ la̱ntla̱ li̱kaxpatá̱tit, kalhi̱yá̱tit milakastapucán, hua̱mpi̱ ni̱tú̱ tla̱n li̱lacahua̱naná̱tit, ma̱squi kalhi̱yá̱tit mintalacapa̱stacnicán, hua̱mpi̱ ni̱ lay akata̱ksá̱tit hua̱ntu̱ xatla̱n tapuhuá̱n; chuná̱ qui̱taxtuma̱ sa̱mpi̱ huixín ni̱ quinkaxpatniputuná̱tit, chu̱ ni̱ quilakmimputuná̱tit laqui̱mpi̱ quit nacca̱ma̱tla̱ni̱yá̱n.’