SAN MATEO 1:18 - Hua̱ xasa̱sti talacca̱xlan quinTla̱tican Jesucristo

¹⁸ Hua̱ xtalacachin Jesucristo, chuna̱ na̱má̱ tílalh: Hua̱ xtzi tihua̱ María, hua̱nti̱ xli̱ta̱tahuilat José, acxni̱ ni̱ xa̱la̱ta̱tahuilay, chu̱ ni̱ naj huá̱ xta̱tapaksi̱y José, xtacatzi̱y pi̱ nia̱lh xacstu xlama̱ María, hua̱mpi̱ hua̱ xlá̱ xli̱tlihuaka Espíritu Santo hua̱nti̱ chuná̱ xtlahuani̱t.

SAN MATEO 1:18 Referans Kwoze

HEBREOS 10:5

Huá̱ xpa̱lacata, acxni̱ tímilh Cristo ca̱tuxá̱huat, chuna̱ na̱má̱ huánilh Dios: “Huix nia̱lh lacasquina̱ nali̱sa̱huanicana̱ caj catu̱hua̱ li̱makni̱t takalhí̱n xpu̱xoko tala̱kalhí̱n, huata huix quima̱xqui̱ni̱ta̱ quintiyatli̱hua̱ laqui̱mpi̱ huá̱ nacli̱sa̱huaniyá̱n.

HEBREOS 7:26

Xli̱ca̱na̱ pi̱ quin xmaclacasquina̱hu cha̱tum tlanca tali̱pa̱hu xapuxcu pa̱li̱ la̱ntla̱ Jesús hua̱nti̱ xli̱ankalhí̱n naquinca̱makta̱yayá̱n, sa̱mpi̱ xlá̱ tla̱n catzi̱y, niucxnicú̱ tlahuani̱t hua̱ntu̱ ni̱tlá̱n, usu kalhi̱ni̱t ni̱ tla̱n xtalacapa̱stacni̱ la̱ntla̱ quin kalhi̱ya̱hu, chu̱ c-akapú̱n li̱ma̱xtucani̱t la̱ntla̱ ti̱ a̱tzinú̱ tlak talí̱pa̱hu ni̱ xahua xli̱pacs hua̱nti̱ antá̱ huilakó̱.

SAN LUCAS 1:25

“Huá̱ chuná̱ quili̱tlahuani̱t Quimpu̱chinacán laqui̱mpi̱ quinata̱chiquí̱n nia̱lh taji̱ naquili̱kalhakama̱nanko̱y pi̱ ni̱ lay kalhi̱y camán.”

SAN MATEO 1:1

Yuma̱ c-tatzoknú̱n tatzoktahuilani̱t xtucuhuinicán pacs la̱ntla̱ mi̱nti̱lhachá̱ xquilhtzucut Quimpu̱chinacán Jesucristo. Huá̱ ma̱lacatzúqui̱lh xamaka̱n Abraham, chu̱ rey David na̱ cha̱tum xquilhtzúcut tihua̱.

SAN MATEO 2:11

Acxni̱ chú̱ tanu̱ko̱lh c-chiqui, chu̱ acxni̱ ucxilhko̱lh actzu̱ kahuasa̱ pi̱ xchaxni̱t xtzi María, lacapala̱ tatzokostako̱lh, lakataquilhpu̱tako̱lh. Ali̱sta̱lh ma̱kalhka̱ko̱lh xpaklha̱tcán anta̱ni̱ xmuju̱ko̱ni̱t hua̱ntu̱ xlacán xle̱nko̱y, chu̱ ma̱xqui̱ko̱lh xtumi̱ncán xla oro, li̱ma̱jiní̱n, chu̱ xalacuan perfumes huanicán mirra.

SAN MATEO 12:46

Jesús chunacú̱ cxakatli̱ma̱kó̱ chixcuhuí̱n c-chiqui̱ antani̱ xuí̱ acxni̱ chinko̱lh xtzi, chu̱ makapitzi̱n xli̱nata̱lán, xlacán xta̱chihui̱namputunko̱y, chu̱ antá̱ ta̱yako̱chá̱ c-quilhtí̱n.

SAN LUCAS 2:5

José lacxtum tá̱alh María, hua̱ yama̱ tzuma̱t hua̱nti̱ aya xli̱kalhti̱ni̱t pi̱ nata̱tapu̱chuhuay, hua̱mpi̱ chú̱ xlá̱ nia̱lh xacstu xlama̱, sa̱mpi̱ xkalhkalhi̱ti̱ma̱ skata.