SAN LUCAS 8:48 - Hua̱ xasa̱sti talacca̱xlan quinTla̱tican Jesucristo

⁴⁸ Jesús chuná̱ huánilh: —Na̱na̱, huix aya tatla̱ni̱ni̱ta, sa̱mpi̱ luhua xli̱ca̱na̱ quili̱pá̱huanti, pus chu̱ luhua cha̱pa̱xuhua̱na̱ capit c-mínchic.

SAN LUCAS 8:48 Referans Kwoze

SAN LUCAS 7:50

Hua̱mpi̱ Jesús huanipá̱ yama̱ pusca̱t: —Luhua xli̱ca̱na̱ cuaniyá̱n, huix aya ma̱akapu̱taxtini̱ta̱ mili̱stacna sa̱mpi̱ quili̱pa̱huani̱ta, pus la̱nchú̱ luhua li̱pa̱xuhu capit c-mínchic.

SAN MATEO 9:22

Acxni̱ chú̱ xamaniko̱lh xlháka̱t, Jesús lacapala̱ talakáspitli, úcxilhli̱ pusca̱t, na̱má̱ huánilh: —Na̱na̱, huix aya pacsni̱ta, sa̱mpi̱ luhua xli̱ca̱na̱ quili̱pá̱huanti, chu̱ ca̱najlani̱ta̱ pi̱ quit tla̱n nacma̱pacsayá̱n. Acxnitiyá̱ chú̱ yama̱ pusca̱t xapacsni huá̱.

HEBREOS 4:2

Yuma̱ li̱pa̱xuhu latáma̱t hua̱ntu̱ xlacán tima̱lacnu̱niko̱ca̱ pi̱ nama̱xqui̱ko̱cán, na̱ huatiyá̱ hua̱ntu̱ la̱nchú̱ quin quinca̱ma̱lacnu̱nicani̱tán, hua̱mpi̱ xlacán ni̱tú̱ makta̱yako̱lh hua̱ntu̱ xma̱lacnu̱niko̱cani̱t sa̱mpi̱ ni̱ li̱pa̱huanko̱lh hua̱ntu̱ xkaxmatko̱ni̱t, huata xtlahuaputunko̱y hua̱ntu̱ xacstucán nali̱laktaxtuko̱y.

LOS HECHOS 14:9

Huá̱ chú̱ yuma̱ chixcú, luhua cui̱ntaj xtlahuani̱t hua̱ntu̱ xli̱chihui̱nama̱ca̱, chu̱ Pablo úcxilhli̱ pi̱ antá̱ xuí̱, chu̱ na̱ úcxilhli̱ pi̱ xca̱najlanima̱ xtachihuí̱n pi̱ Dios tla̱n nama̱pacsay.

SAN LUCAS 17:19

A̱li̱sta̱lh chuná̱ li̱ma̱paksí̱lh yuma̱ chixcú: —Cata̱qui, chu̱ capittá̱ li̱pa̱xuhu c-mínchic. Huix luhua xli̱ca̱na̱ pacsni̱ta̱ sa̱mpi̱ chuná̱ quili̱pá̱huanti.

SAN MARCOS 5:34

Jesús huánilh: —Na̱na̱, huix pacsni̱ta̱ sa̱mpi̱ ca̱najlani̱ta̱ pi̱ quit tla̱n nacma̱pacsayá̱n, li̱pa̱xuhu capit c-mínchic, sa̱mpi̱ la̱nchú̱ aya pacsni̱t mintajátat.

2 CORINTIOS 6:18

chu̱ quit Mintla̱ticán nacuán, chu̱ huixín quilakkahuasán, chu̱ quilactzumaján nahuaná̱tit.” Chuná̱ huan Quimpu̱chinacan Dios hua̱nti̱ tlanca xlacatzúcut.

SAN LUCAS 18:42

Jesús chuná̱ huánilh: —¡Pus la̱nchuj tuncán calacahuá̱nanti! Huix aya talacatla̱ni̱ni̱ta̱ sa̱mpi̱ xli̱ca̱na̱ ca̱najla, chu̱ quili̱pá̱huanti pi̱ tla̱n nacma̱pacsayá̱n.

SAN MATEO 8:13

Acxnitiyá̱ Jesús na̱má̱ huánilh yamá̱ capitán: —Capittá̱ c-mínchic, nia̱lh tú̱ capúhuanti, pus huata chuná̱ cakantáxtulh la̱ntla̱ huix ca̱najlani̱ta̱ pi̱ nalay. Xli̱ca̱na̱ xlá̱ pi̱ acxnitiyá̱ yama̱ tlanca̱liya̱ cscujni̱ capitán pacsli̱ la̱ntla̱ xta̱tatlay.

SAN MATEO 12:20

Xlá̱ li̱pa̱xuhu namakta̱yalé̱n hua̱nti̱ ni̱ kalhi̱y li̱tlihuaka, xta̱chuná̱ la̱ntla̱ kantum ká̱ti̱t hua̱ntu̱ talacchuntatahuilani̱t, chu̱ laktzanka̱ni̱t xlatáma̱t; chu̱ na̱ ni̱ pala catilactlahuánilh xtalacapa̱stacni̱ yama̱ hua̱nti̱ a̱takalán li̱pa̱huán, hua̱mpi̱ fuerza̱ natlahuaniy pi̱ li̱huana̱ cataca̱xtahui̱ hua̱ntu̱ xatla̱n xtalacapa̱stacni Dios u̱nú̱ ca̱tuxá̱huat,

SAN MATEO 9:2

Antá̱ chú̱ xuilachá̱ acxni̱ li̱cha̱nica̱ cha̱tum chixcú̱ hua̱nti̱ xlu̱ntu̱nán, yama̱ ta̱tatlá̱ pu̱chaxna̱ xpu̱le̱ncán. Acxni̱ Jesús ucxilhko̱lh pi̱ yama̱ chixcuhuí̱n xli̱pa̱huanko̱y pi̱ tla̱n xlá̱ nama̱pacsay, na̱má̱ huánilh ta̱tatlá: —Tla̱ti, catahuixca̱ni, sa̱mpi̱ xli̱pacs mintala̱kalhí̱n aya cma̱tzanka̱nanini̱tán.

SAN LUCAS 8:47

Yama̱ pusca̱t acxni̱ xlá̱ cátzi̱lh pi̱ xma̱noklhucani̱t, laktalacatzúhui̱lh, hua̱mpi̱ caj clhpipiti̱lhay milh, lakatatzokóstalh c-xlacati̱n Jesús, chu̱ talaksiyúnilh c-xlacati̱ncán xli̱pacs tachixcuhuí̱tat xatú̱ xpa̱lacata̱ xli̱xamanini̱t xlháka̱t; chu̱ huánilh pi̱ la̱ xamánilh xlháka̱t tuncán tatlá̱ni̱lh.