SAN JUAN 8:43 - Hua̱ xasa̱sti talacca̱xlan quinTla̱tican Jesucristo

⁴³ ¿Tú̱huan huixín ni̱ lay akata̱ksá̱tit hua̱ntu̱ cca̱huaniyá̱n? Huá̱ li̱lay sa̱mpi̱ huixín ni̱ kaxpatputuná̱tit hua̱ntu̱ quit quintachihuí̱n.

SAN JUAN 8:43 Referans Kwoze

SAN JUAN 5:43

Quit cmini̱tanchá̱ c-xpa̱xtu̱n Quintla̱t laqui̱mpi̱ chuná̱ tla̱n nacli̱chihui̱nán xtachihuí̱n, hua̱mpi̱ huata huixín ni̱ quili̱pa̱huaná̱tit; hua̱mpi̱ pala tanu̱ ti̱ xca̱lakmín hua̱nti̱ xli̱chihui̱nanca̱ caj xacstu xpa̱lacata, huata huá̱ luhua lacapala̱ xca̱najlanítit, chu̱ xmakamaklhti̱nántit.

SAN JUAN 7:17

Lapi̱ huí̱ ti̱ huixín xtlahuapútulh xtalacasquin Dios hua̱ntu̱ xlá̱ lacasquín, pus huata xlá̱ naakata̱ksa̱ yuma̱ talacapa̱stacni̱ hua̱ntu̱ quit cquilhuama̱, lapi̱ huá̱ Dios macamima̱chá, usuchí̱ lapi̱ caj quiacstu quintalacapa̱stacni.

LOS HECHOS 7:51

“¡Luhua xalactzaca̱tna huixín! Ni̱tú̱ xtápalh ca̱li̱makta̱yayá̱n ma̱squi kalhi̱yá̱tit mintaka̱ncán, xa̱hua̱ minacu̱cán, sa̱mpi̱ luhua ma̱palhi̱yá̱tit, chu̱ chuná̱ lapá̱tit xta̱chuná̱ la̱ntla̱ yamá̱ hua̱nti̱ ni̱ lakapasko̱y Dios. Luhua minta̱chunacán xalakmaka̱n minatla̱tnacán, sa̱mpi̱ ankalhí̱n talhta̱ni̱niyá̱tit Espíritu Santo, ni̱ kaxpatputuná̱tit hua̱ntu̱ xlá̱ ca̱ma̱catzi̱ni̱putuná̱n.

SAN JUAN 6:60

Acxni̱ kaxmatko̱lh hua̱ntu̱ huaniko̱ca̱, lhu̱hua̱ xlacán hua̱nti̱ csta̱laniputunko̱y Jesús chuná̱ huanko̱lh: —Yumá̱ hua̱ntu̱ xlá̱ quilhuama̱, luhua xli̱ca̱na̱ luhua tuhua̱ ma̱tla̱ni̱cán, ¿tí̱ chá̱ luhua tla̱n natlahuaniy, chu̱ tí̱ chá̱ luhua nakaxmatniy xtachihuí̱n?

SAN JUAN 8:27

Hua̱mpi̱ xlacán ni̱ akata̱ksko̱lh pi̱ Jesús xli̱xakatli̱ma̱kó̱ Dios hua̱nti̱ Xtla̱t,

ROMANOS 3:11

Ni̱ pala cha̱tum ti̱ luhua xli̱ca̱na̱ xakata̱ksputún xtalacasquín Dios, chu̱ ni̱ cha̱tum ti̱ xli̱pacs xnacú̱ xli̱pútzalh Dios.

SAN MATEO 13:15

Xnacu̱can yuma̱ tachixcuhuí̱tat luhua xli̱ca̱na̱ tzaca̱tlako̱ni̱t; ma̱squi xlacán kaxmatko̱y hua̱mpi̱ ni̱ lay akata̱ksko̱y, ma̱squi luhua kalhi̱ko̱y xlakastapucán chunatiya la̱ntla̱ lakatzí̱n lama̱kó̱. Hua̱mpi̱ chuná̱ akspulako̱ni̱t sa̱mpi̱ ma̱n xlacán chuná̱ lacasquinko̱ni̱t pi̱ ni̱ cali̱lacahua̱nanko̱lh xlakastapucán, chu̱ na̱ ni̱ cali̱kaxmatko̱lh xtaka̱ncán, chu̱ na̱ ni̱ pala cali̱akata̱ksko̱lh xnacu̱cán. Huá̱ xacstucán le̱nko̱y cui̱nta̱ lapi̱ talakaspitta̱yako̱y, chu̱ quili̱pa̱huanko̱y laqui̱mpi̱ quit naclakalhamanko̱y, chu̱ nacma̱pacsako̱y xli̱stacnacán.’

SAN JUAN 5:25

Luhua xli̱ca̱na̱ cca̱huaniyá̱n pi̱ lakcha̱ma̱ quilhtamacú̱, chu̱ la̱ chiyuhuá̱ aya lakcha̱ni̱t acxni̱ yama̱ hua̱nti̱ xta̱chuná̱ ni̱ní̱n latama̱kó̱, la̱ nakaxmatko̱y xtachihui̱n xCam Dios, chu̱ nali̱pa̱huanko̱y, xa̱li̱ankalhí̱n li̱pa̱xuhu nalatama̱ko̱y.

SAN JUAN 8:33

Makapitzí̱n chuná̱ kalhti̱ko̱lh: —Yama̱ kolutzi̱n Abraham hua̱nti̱ maka̱n quilhtamacú̱ xlama̱ xatali̱pa̱hu quinquilhtzucutcán xuani̱t quin, chu̱ niucxni̱ a̱quinca̱chi̱caná̱n laqui̱mpi̱ pala tí̱ caj la̱ tachí̱n naquinca̱ma̱scujuyá̱n. ¿Lá̱ntla̱ chú̱ huix huana̱ pi̱ nackalhi̱ya̱hu laktáxtut?

SAN JUAN 8:39

Xlacán chuná̱ kalhti̱nanko̱lh: —Quin hua̱ quintla̱tcán xuani̱t yama̱ xamaka̱n Abraham. Jesús chuná̱ huaniko̱lh: —Lapi̱ xli̱ca̱na̱ huixín xcamán cahuá̱ kolutzi̱n Abraham, pus na̱ chuná̱ xmacasta̱lá̱tit la̱ xlá̱ tilatáma̱lh ca̱tuxá̱huat.