HEBREOS 1:8 - Hua̱ xasa̱sti talacca̱xlan quinTla̱tican Jesucristo

⁸ Hua̱mpi̱ luhua tanu̱ li̱chihui̱nán xCam, hua̱ yumá̱ tu̱ huan xpa̱lacata: “Huix tlanca tali̱pa̱hu Dios, ni̱ kalhi̱y xtamáctat la̱ntla̱ nama̱paksi̱nana; sa̱mpi̱ hua̱ntu̱ aksti̱tum nali̱ma̱paksi̱nana̱ c-mimpuma̱paksí̱n.

HEBREOS 1:8 Referans Kwoze

SAN JUAN 10:30

Sa̱mpi̱ Quintla̱t, chu̱ quit aktuma latáma̱t ckalhi̱ya̱hu.

ROMANOS 9:5

Quin judíos sa̱mpi̱ hua̱ xakasiya̱ quinquilhtzucutcán yama̱ xalactali̱pa̱hu xalakmaka̱n ko̱lutzi̱nní̱n Abraham, Isaac, chu̱ Jacob; chu̱ acxni̱ quima̱akapu̱taxti̱nacan Jesús qui̱lacachinchi̱ u̱nú̱ ca̱tuxá̱huat, na̱ pacs judíos xli̱nata̱lán qui̱táxtulh, ma̱squi xli̱ca̱na̱ pi̱ na̱ luhua hua̱ Dios xlá, chu̱ huá̱ ma̱paksi̱ko̱y xli̱pacs hua̱ntu̱ anán, chu̱ luhua mini̱niy nama̱xqui̱cán pa̱xcatcatzí̱nit caxani̱li̱huayaj xtihua̱. Chuná calalh, amén.

1 SAN JUAN 5:20

Hua̱mpi̱ na̱ luhua catzi̱ya̱hu pi̱ Jesucristo hua̱nti̱ xCam Dios, mini̱t ca̱tuxá̱huat laqui̱mpi̱ naquinca̱ma̱xqui̱yá̱n tla̱n talacapa̱stacni̱ caj huá̱ xpa̱lacata li̱lakapasni̱tahu hua̱ntu̱ luhua xaxli̱ca̱na̱ Dios. Quin lacxtum ta̱lama̱hu hua̱nti̱ luhua xaxli̱ca̱na̱ Dios, sa̱mpi̱ hua̱ tama̱ Jesucristo xli̱ca̱na̱ na̱ hua̱ Dios hua̱nti̱ ma̱sta̱y yuma̱ latáma̱t hua̱ntu̱ niucxnicú̱ laksputa.

SAN MATEO 1:23

“Cha̱tum tzuma̱t hua̱nti̱ ni̱ a̱ta̱tapaksi̱y chixcú, chú̱ nia̱lh xacstu lama̱, sa̱mpi̱ nama̱lakatuncuhui̱y cha̱tum skata; xlá̱ nali̱ma̱pa̱cuhui̱cán Emanuel” (sa̱mpi̱ yama̱ tachihuí̱n “Emanuel” c-xatachihui̱n hebreo huamputún “Dios quinca̱ta̱lamá̱n”).

1 CORINTIOS 15:25

Hua̱mpi̱ xlacasquinca̱ pi̱ Cristo ma̱paksi̱nama̱ nahuán xta̱chuná̱ la̱ntla̱ tlanca puxcu, hasta acxni̱ makatlajako̱ni̱t nahuán xli̱pacs hua̱nti̱ ta̱la̱tlahuako̱y sa̱mpi̱ ni̱ lakachixcuhui̱putunko̱y.

SAN JUAN 20:28

—¡Xli̱ca̱na̱, huix Quimpu̱chiná, chu̱ quiDios! —kalhtí̱nalh Tomás.

1 TIMOTEO 3:16

Luhua xli̱ca̱na̱ pi̱ tlanca xlacatzúcut yama̱ xtalacapa̱stacni Dios hua̱ntu̱ quinca̱ma̱xqui̱ni̱tán laqui̱mpi̱ naca̱cni̱naniya̱hu, pi̱: Yama̱ Quimpu̱chinacan Cristo qui̱lacachinchi̱ ca̱tuxá̱huat xta̱chuná̱ la̱ntla̱ cati̱hua̱ chixcú. Espíritu Santo ma̱lulokni̱t pi̱ xli̱ca̱na̱ xkalhi̱y tlanca li̱tlihuaka̱ acxni̱ lakastakuánalh ca̱li̱ní̱n. Xli̱pacs ángeles ucxilhko̱lh acxni̱ ta̱cxtupá̱ c-akapú̱n. Lacaxtum c-xli̱ca̱tlanca ca̱tiyatna̱ li̱akchihui̱nanca̱ xtachihuí̱n, chu̱ lhu̱hua̱ xala ca̱tiyatna li̱pa̱huanko̱lh, chu̱ acxni̱ cha̱lh c-akapú̱n makamaklhti̱nancanchá̱ c-tlanca xkakánat anta̱ni̱ chú̱ huí̱.

SAN JUAN 10:33

Yama̱ chixcuhuí̱n chuná̱ kalhti̱ko̱lh: —Ni̱ caj xpa̱lacata lacuan mintatlahu nacca̱li̱actalamakni̱yá̱n, huá̱ nacca̱li̱actalamakni̱yá̱n sa̱mpi̱ huix la̱lacata̱qui̱ni̱ta̱ Dios acxni̱ huana̱ pi̱ huix luhua lacxtum ta̱ma̱paksi̱nana, ma̱squi huix caj cati̱hua̱ chixcú.

2 SAN PEDRO 1:11

Chu̱ c-akapú̱n luhua ca̱na̱ li̱pa̱xuhu naca̱li̱ma̱nu̱caná̱tit, anta̱ni̱ xa̱li̱ankalhí̱n ma̱paksi̱námaj nahuán Quimpu̱chinacan Jesucristo hua̱nti̱ quinca̱qui̱lakma̱xtuni̱tanchín.

SAN LUCAS 1:75

Chu̱ na̱ chuná̱ laqui̱mpi̱ xa̱li̱ankalhí̱n aksti̱tum nali̱latama̱ya̱hu xli̱ma̱paksí̱n, chu̱ chuná̱ tla̱n nascujnaniya̱hu xma̱n hua̱ Quimpu̱chinacan Dios.