APOCALIPSIS 6:4 - Hua̱ xasa̱sti talacca̱xlan quinTla̱tican Jesucristo

⁴ Chu̱ cúcxilhli̱ pi̱ taxtupá̱ xli̱tantuy cahua̱yu̱, xlá̱ mactzutzoko xuani̱t, chu̱ hua̱nti̱ xka̱hui̱ yama̱ cahua̱yu̱ ma̱xqui̱ca̱ li̱tlihuaka, xa̱huá̱ aktum tlanca espada̱ laqui̱mpi̱ nama̱lacatzuqui̱y tasi̱tzí̱n ca̱tuxá̱huat, chu̱ xacstucan chixcuhuí̱n ma̱n natzucuko̱y la̱makni̱ko̱y.

APOCALIPSIS 6:4 Referans Kwoze

SAN MATEO 10:34

“Ni̱ luhua tipuhuaná̱tit huixín pala caj xma̱n huá̱ luhua cmini̱t huili̱y tapá̱xqui̱t u̱nú̱ ca̱tiyatna, pus quit ni̱ luhua xma̱n huá̱ cli̱mini̱t tapá̱xqui̱t huata na̱ caj cmini̱t huili̱y tala̱makasi̱tzí̱n.

APOCALIPSIS 13:10

“Lapi̱ huí̱ ti̱ antiyá̱ lakchá̱n pi̱ nali̱chi̱le̱nko̱cán, xli̱ca̱na̱ pi̱ nachi̱le̱nko̱cán; chu̱ hua̱nti̱ antiyá̱ lakchá̱n pi̱ namakni̱ko̱cán, ni̱tú̱ xlaktáxtut sa̱mpi̱ juerza̱ pi̱ namakni̱ko̱cán.” Hua̱mpi̱ hua̱nti̱ xli̱ca̱na̱ tapaksi̱niko̱y Dios, chu̱ li̱pa̱huanko̱y, lacasquinko̱y pi̱ napa̱xuhua̱na̱le̱nko̱y, ni̱ nataxlajuani̱ko̱y, chu̱ xa̱nkalhí̱n nali̱pa̱huanko̱y Quimpu̱chinacán.

APOCALIPSIS 17:6

Hua̱mpi̱ a̱li̱sta̱lh ccátzi̱lh pi̱ yama̱ pusca̱t xkachi̱y, huá̱ xli̱kachi̱ni̱t xkalhnican xli̱pacs hua̱nti̱ xlakskata̱n Dios xma̱pa̱ti̱ni̱ko̱ni̱t, xa̱huá̱ xkalhnican yama̱ hua̱nti̱ xmakni̱ko̱ni̱t caj xpa̱lacata pi̱ lacatancs xli̱chihui̱nanko̱ni̱t Jesús. Acxni̱ cucxilhko̱lh, quit luhua lanaj cli̱lacahua̱ yama̱ pusca̱t hua̱nti̱ xacucxilhma̱, sa̱mpi̱ ni̱mpala tzinú̱ xacakata̱ksma̱ hua̱ntu̱ xuaniputún yama̱ talacahuá̱n.

APOCALIPSIS 17:3

Chu̱ la̱ntla̱ cspíritu Dios xquima̱ucxilhni̱ma̱, yama̱ ángel quilíyalh hasta c-desierto, antá̱ cúcxilhli̱ cha̱tum pusca̱t hua̱nti̱ xka̱hui̱ tantum tlanca tzutzoko la̱páni̱t. Yuma̱ la̱páni̱t xkalhi̱y aktujun xakxe̱ka, chu̱ kanca̱hu xakalókot, chu̱ c-xli̱tlanca xmacni̱ xtatzoktahuilani̱t lacxcajua tachihuí̱n hua̱ntu̱ xli̱lacata̱qui̱ma̱ca̱ Dios.

APOCALIPSIS 12:3

Na̱ acxnitiya̱ cucxilhpá̱ aktum tlanca li̱ca̱cni li̱lacahuá̱n, cúcxilhli̱ tantum tlanca a̱ni̱ma̱lh xta̱chuná̱ la̱ntla̱ tantum tlanca tzutzoko lu̱hua̱ hua̱ntu̱ huanicán dragón, aktujun xakxe̱ka̱ xkalhi̱y, chu̱ kanca̱hu xakalókot, chu̱ c-akatunu xakxe̱ka̱ xacui̱ akatunu corona.

SAN JUAN 19:11

Jesús chuná̱ kálhti̱lh: —Huix ni̱ kalhi̱ya cahuá̱ tama̱ li̱ma̱paksí̱n lapi̱ ni̱ hua̱ Dios xtima̱xquí̱n. Hua̱mpi̱ yama̱ chixcuhuí̱n hua̱nti̱ quili̱minko̱ni̱t c-mimpu̱ma̱paksí̱n laqui̱mpi̱ naquima̱kalhapali̱ya, a̱tzinú̱ xlacán luhua lhu̱hua̱ kalhi̱ko̱y xtala̱kalhi̱ncán ni̱ xahua̱ huix.

SAN MATEO 24:6

Hua̱mpi̱ huixín acxni̱ yuma̱ quilhtamacú̱ nakaxpatá̱tit la̱ntla̱ nali̱chihui̱nancán pi̱ li̱pe̱cua̱ la̱ntla̱ lama̱ guerra usu la̱ta̱la̱tlahu lacatzú̱, chu̱ na̱ chuná̱ lama̱ la̱ta̱la̱tlahu a̱lacatanu̱ mákat, hua̱mpi̱ huixín ni̱ cape̱cuántit sa̱mpi̱ luhua xlacasquinca̱ pi̱ chuná̱ pu̱lh nalay, hua̱mpi̱ ni̱ naj a̱lakchá̱n nahuán quilhtamacú̱ la̱ntla̱ nasputcán.