APOCALIPSIS 18:19 - Hua̱ xasa̱sti talacca̱xlan quinTla̱tican Jesucristo

¹⁹ Puschí̱ la̱ntla̱ xlakli̱puhuama̱kó̱, tzúculh actahuacako̱y tíyat, chu̱ xli̱akapixtlihuakacán chuná̱ xuanko̱y: “¡Koxutá̱ yama̱ tlanca̱ ca̱chiquí̱n, pá̱xcat huanko̱lh! Sa̱mpi̱ caj huá̱ xpa̱lacata ma̱squi luhua ma̱tamacu̱naní̱n taxtuko̱lh xli̱pacs yama̱ xpu̱chinani̱n pu̱tacutnu̱ hua̱nti̱ scujma̱kó̱ c-ta̱kaya̱huaná. ¡Hua̱mpi̱ chiyú̱ tama̱ ca̱chiquí̱n caj aktum puntzú̱ li̱laksputko̱lh!”

APOCALIPSIS 18:19 Referans Kwoze

APOCALIPSIS 18:10

Caj la̱ntla̱ xtape̱cuacán ni̱mpala tzinú̱ catitalacatzuhui̱niputunko̱lh, caj xma̱n mákat nata̱yako̱ya̱chá̱, chu̱ chuná̱ nahuanko̱y: “¡Koxutá̱ huix tlanca tali̱pa̱hu ca̱chiqui̱n Babilonia, xli̱ca̱na̱ pi̱ luhua lhu̱hua̱ hua̱ntu̱ xtapalh tumi̱n xkalhi̱ya! Hua̱mpi̱ caj puntzú̱ chilh tlanca taxokó̱n, chu̱ xtapa̱tí̱n hua̱ntu̱ maktum ma̱laksputukó̱n.”

APOCALIPSIS 18:3

Sa̱mpi̱ xli̱pacs chixcuhuí̱n hua̱nti̱ huilakó̱ c-xli̱ca̱tlanca ca̱tuxá̱huat li̱kachi̱tamakanko̱ni̱t xli̱pacs hua̱ntu̱ xlá̱ catzi̱y, chu̱ kalhi̱y lacli̱xcajnit xtala̱kalhí̱n. Xli̱pacs ma̱paksi̱naní̱n xala ca̱tuxá̱huat lacxtum ta̱tlahuako̱ni̱t tala̱kalhí̱n, chu̱ xli̱pacs sta̱naní̱n xala ca̱tuxá̱huat caj lacapala̱ li̱ma̱tamacu̱nanko̱ni̱t caj xpa̱lacata hua̱ntu̱ xlá̱ li̱makatzanka̱y xta̱ktzanka̱tayán.”

APOCALIPSIS 18:8

Huachá̱ yumá̱ xpa̱lacata, huatiya̱ xma̱n aktum quilhtamacú̱ pu̱tum natahuilaniya̱chi̱ xli̱pacs xtapa̱tí̱n hua̱ntu̱ lakchá̱n napa̱ti̱nán: pu̱lana̱ nalakchín tatzíncstat, chu̱ tacatzanájuat, a̱li̱sta̱lh li̱ní̱n, chu̱ hasta pacs nalaclhcutama̱y c-lhcúya̱t. Sa̱mpi̱ tlanca xlacatzúcut yama̱ tali̱pa̱hu Dios hua̱nti̱ li̱lhca̱ni̱t pi̱ chuná̱ napa̱ti̱nán.”

APOCALIPSIS 17:16

Yama̱ kanka̱hu akalókot hua̱ntu̱ xakasiya̱ úcxilhti̱ c-xakxe̱ka tama̱ la̱pani̱t chixcú, xlacán nasi̱tzi̱makanko̱y yama̱ aktzanka̱ta̱yani pusca̱t caj la̱ntla̱ xtasi̱tzicán, namaklhtiko̱y xli̱pacs lacsuan xli̱taca̱xta̱y, chu̱ xamaclhpupulu̱ natamakaxtaka, a̱li̱sta̱lh natzucuko̱y lacputxuako̱y xtiyatli̱hua, chu̱ hua̱ntu̱ ni̱ nahuako̱y nalaclhcuyuhuili̱ko̱y.