APOCALIPSIS 15:8 - Hua̱ xasa̱sti talacca̱xlan quinTla̱tican Jesucristo

⁸ Chu̱ c-xtemplo̱ Dios akmilij tánu̱lh lhu̱hua jini̱ hua̱ntu̱ xli̱ca̱na̱ li̱tasiyuy pi̱ tlanca xlacatzucut Dios, chu̱ ni̱mpala cha̱tum tí̱ antá̱ tla̱n xtánu̱lh huata hasta ni̱li̱huayajcú̱ ti̱taxtuko̱ni̱t nahuán yama̱ ti̱pa̱tujun lactlanca tapa̱tí̱n hua̱ntu̱ xli̱minko̱y kalhatujun ángeles.

APOCALIPSIS 15:8 Referans Kwoze

APOCALIPSIS 15:1

A̱li̱sta̱lh cucxilhpá̱ aktum tlanca li̱ca̱cni xali̱ucxílhti̱t c-akapú̱n: cucxilhko̱lh kalhatujun ángeles hua̱nti̱ xli̱minko̱y pu̱lactujun a̱huatiya pu̱laclhu̱hua tapa̱tí̱n hua̱ntu̱ nali̱akasputa̱ xtasi̱tzi̱li̱akastacya̱huan Dios.

2 TESALONICENSES 1:9

Yumá̱ hua̱nti̱ li̱xcajnit lama̱kó̱ maktum pi̱ naakastacya̱huako̱y, napa̱ti̱ko̱y xli̱pa̱an laktzánka̱t, chu̱ maktum pi̱ nama̱pa̱nu̱ko̱cán mákat laqui̱mpi̱ nia̱lh naucxilhko̱y Quimpu̱chinacán, chu̱ yama̱ tlanca li̱tlihuaka, xa̱hua̱ li̱lakati̱t ca̱cni̱ tu̱ kalhi̱ya̱chá̱ c-akapú̱n.

ROMANOS 11:33

¿Tí̱ cahuá̱ tla̱n nama̱lakcha̱ni̱y xta̱chuná̱ Dios laqui̱mpi̱ nacatzi̱y hua̱ntu̱ xlá̱ lakpu̱tlakahuili̱ni̱t, chu̱ la̱ntla̱ kalhi̱y tlanca xtalakalhamá̱n, xa̱hua̱ la̱ntla̱ ni̱ anán xtamactat xtastácat? ¿Tí̱ cahuá̱ naakata̱ksa̱, chu̱ nacatzi̱y xatú̱ xpa̱lacata li̱tlahuay hua̱ntu̱ tlahuama̱?

APOCALIPSIS 21:11

Yama̱ tlanca ca̱chiquí̱n xli̱macstuca̱ xmakaxkaka̱nat Dios, xlakskoy xta̱chuná̱ la̱ntla̱ aktum tapala̱xla chíhuix, usu la̱ntla̱ yama̱ li̱lakati̱t chíhuix hua̱ntu̱ huanicán jaspe, chu̱ luhua slipua xuani̱t xta̱chuná̱ cha̱huá̱n.