APOCALIPSIS 11:1 - Hua̱ xasa̱sti talacca̱xlan quinTla̱tican Jesucristo

¹ A̱li̱sta̱lh quima̱xqui̱ca̱ kantum lhma̱n li̱lhca xta̱chuná̱ kantum lí̱xtoko, na̱má̱ quihuanica̱: “Catáca̱xti, na̱ capit lhca̱ya̱ tlanca xtemplo̱ Dios c-Jerusalén, xa̱huá̱ altar tu̱ yá̱ c-xpu̱lacni, na̱ capu̱tlakakó̱ tí̱ antá̱ lakataquilhpu̱tananko̱y.

APOCALIPSIS 11:1 Referans Kwoze

APOCALIPSIS 21:15

Yama̱ ángel hua̱nti̱ xquixakatli̱ma̱, xchipati̱lhay kantum lhma̱n lasasa li̱lhca hua̱ntu̱ pacs xla oro, laqui̱mpi̱ huá̱ nali̱lhca̱y la̱ntla̱ xli̱tlanca̱ kalhi̱y yama̱ ca̱chiquí̱n, xa̱huá̱ xamá̱laccha, chu̱ na̱ chuná̱ xli̱kalhtlanca̱ xapa̱tzaps hua̱ntu̱ li̱stilihuili̱cani̱t.

1 SAN PEDRO 2:5

Chu̱ xli̱pacs huixín hua̱nti̱ li̱pa̱huaná̱tit Cristo, Dios ca̱li̱ma̱xtuyá̱n xta̱chuná̱ pala xastacna chíhuix hua̱ntu̱ xlá̱ maclacasquima̱kó̱ pi̱ ca̱xtlahuama̱ aktum xastacna templo anta̱ni̱ huij nahuán, hasta na̱ quinca̱li̱ma̱xtuyá̱n xta̱chuná̱ pa̱lijni hua̱nti̱ aksti̱tum nascujnaniya̱hu la̱ntla̱ nali̱sa̱huaniya̱hu li̱ca̱xtlahuá̱n hua̱ntu̱ ma̱tla̱ni̱y Dios, hua̱ntu̱ Jesucristo tlahuani̱t c-quilatama̱tcán.

1 SAN PEDRO 2:9

Huixín hua̱nti̱ aya li̱pa̱huaná̱tit Cristo, Dios ca̱lacsacni̱tán laqui̱mpi̱ mintla̱tcán nahuán, chu̱ huixín xlakskatá̱n nahuaná̱tit; xlá̱ ca̱li̱ma̱xtuni̱tán pa̱lijni̱ hua̱nti̱ nascujnaniyá̱tit cha̱tum tlanca mireycán, na̱ ca̱li̱ma̱xtuni̱tán xli̱nata̱chiquí̱n hua̱nti̱ ta̱tapaksi̱yá̱tit c-aktum tíyat anta̱ni̱ pacs aksti̱tum latama̱ko̱y. Cumu huixín catzi̱yá̱tit yumá̱, luhua mili̱tlahuatcán pi̱ nali̱chihui̱naná̱tit hua̱ntu̱ Dios tlahuani̱t lactlanca li̱ca̱cni xtascújut c-milatama̱tcán, chu̱ la̱ntla̱ ca̱tasanín laqui̱mpi̱ nalakmakaná̱tit yama̱ lakaca̱paklhtu̱taj latáma̱t, chu̱ ca̱ma̱xquí̱n nali̱latapa̱yá̱tit li̱pa̱xuhu cxkakánat.

2 CORINTIOS 6:16

Xli̱pacs quin hua̱nti̱ li̱pa̱huana̱hu Dios ni̱ quinca̱mini̱niyá̱n nata̱talakxtumi̱ya̱hu hua̱nti̱ lakataquilhpu̱tako̱y hua̱ntu̱ caj xatatlahuamakxtu ídolo. Sa̱mpi̱ Dios quinca̱li̱ma̱xtuyá̱n xta̱chuná̱ la̱ csiculan xastacná̱ anta̱ni̱ xlá̱ lama̱, chuná̱ la̱ maktum quilhtamacú̱ tihua̱ Dios: “Quit ankalhí̱n clámaj nahuán c-xlatama̱tcán, sa̱mpi̱ quit Xpu̱chinacán, chu̱ xlacán quincamán.”

APOCALIPSIS 10:11

Cha̱nchu̱ caj xamaktum ckáxmatli̱ pi̱ chuná̱ quihuanica̱: “Huix juerza̱ nali̱chihui̱nampalaya̱ hua̱ntu̱ Dios ma̱catzi̱ni̱putunko̱y pi̱ naakspulako̱y lhu̱hua tachixcuhuí̱tat xala ca̱tuxá̱huat, la̱ntla̱ caxatu̱cahua̱ lactlanca tíyat, xa̱huá̱ ca̱chiqui̱ní̱n, xa̱huá̱ ma̱paksi̱naní̱n, ma̱squi caxatu̱cahua̱ xtachihui̱ncán li̱chihui̱nanko̱y.”