SAN MATEO 26:73 - Totonac Papantla

⁷³ Ixli̱puntzú makapitzi tí ixtalapu̱lá aná lacatzú tama̱lacatzúhui̱lh Pedro y tahuánilh: ―Xli̱ca̱na huix na̱ ixta̱lapu̱laya Jesús, hasta mintachihuí̱n tla̱n li̱lakapascana, huix xalac Galilea.

SAN MATEO 26:73 Referans Kwoze

SAN MATEO 26:72

Pedro tzúculh li̱quilhán Dios xlacata xli̱ca̱na tú ixkalhti̱nama y ca̱huánilh: ―Aquit ni̱ clakapasa namá chixcú.

SAN MATEO 26:74

Pedro ta̱klhú̱hui̱lh y tzúculh li̱quilhán Dios xlacata caca̱najlanica tancs ixchihui̱nama, ca̱huanipá: ―Aquit ni̱ clakapasa namá chixcú. Chu̱tacú ixkalhchiya̱nama acxni káxmatli la̱ tli̱lh tantum pu̱yu.

SAN MARCOS 14:70

Pedro kalhti̱nampá xlacata ni̱ ixlakapasa tí ixli̱ta̱chihui̱nama̱ca. Ixli̱puntzú tahuanipá policías tí ixtahuila̱na aná lacatzú: ―Xli̱ca̱na ixta̱lapu̱laya Jesús porque huix xalac Galilea, hasta mintachihuí̱n tla̱n li̱lakapascana.

HECHOS 2:7

A̱huata acs tatá̱yalh, ixtahuán: ―Jaé lacchixcuhuí̱n xalac Galilea, ¿tucu ixkasatcán?