SAN MATEO 21:10 - Totonac Papantla

¹⁰ Acxni tánu̱lh nac ca̱chiquí̱n xla Jerusalén lhu̱hua ixtara̱kalasquiní: ―¿Ticu yá chixcú jaé?

SAN MATEO 21:10 Referans Kwoze

HECHOS 9:5

―¿Ticu huix quinta̱chihui̱námpa̱t? ―kalasquiní̱nalh Saulo. Amá tí ixchihui̱nani̱t kalhtí̱nalh: ―Aquit Jesús tí huix si̱tzi̱niya.

SAN LUCAS 9:9

Herodes ixpuhuán y chú ixuán: ―¿Cha̱ ticu yá chixcú jaé tí quili̱ta̱chihui̱nancán tla̱n ca̱tlahuá laclanca tascújut? Ni̱ cca̱najlaputún para Juan porque Juan aquit cli̱ma̱paksí̱nalh capixca̱ctica. Como ni̱ ixlakapasa Jesús ixlacputzá la̱ na̱cxila.

SAN LUCAS 7:49

Amá cristianos tí ixtahuila̱na aná tzu̱culh tahuán: ―¿Cha̱ ticu yá chixcú jaé? ¿Hua̱nchi li̱tanú tla̱n ma̱tzanke̱nán tala̱kalhí̱n?

SAN LUCAS 5:21

Amá fariseos y ixma̱kalhtahuake̱nacán judíos tzúculh tara̱huaní: “¿Ticu namá chixcú tí li̱kalhkama̱nama ta̱ra̱lacata̱qui̱ma Dios? Juú ca̱quilhtamacú ni̱ huí cristiano tí tla̱n ma̱tzanke̱nán tala̱kalhí̱n huata Dios tla̱n ma̱tzanke̱nán.”

SAN JUAN 2:18

Makapitzi xanapuxcún judíos tí tá̱cxilhli tú tláhualh ni̱ tama̱tlá̱ni̱lh y takalasquínilh: ―¿Hua̱nchi ca̱tamacxtu jaé cristianos? Para Dios ma̱xqui̱ni̱tán jaé tapáksit catlahua aktum lanca tascújut xlacata nacca̱najlayá̱u.

SAN LUCAS 20:2

Tata̱chihuí̱nalh, y takalasquínilh: ―Quila̱huaníu, ¿tucu xlacata li̱paktanu̱ni̱ta tú tlahuani̱ta nac pu̱siculan? ¿Ticu ma̱xqui̱ni̱tán li̱ma̱paksí̱n?

SAN MATEO 2:3

Hua̱k cristianos xalac Jerusalén tzúculh ta̱katuyún, ixtacatzi̱putún ticu yá skata ixlakahuani̱t ixama ca̱ma̱paksí. Rey Herodes na̱ chuná tzúculh tatlaká, y lacapala ca̱ma̱makstokko̱lh xanapuxcun curas y ixma̱kalhtahuake̱nacán judíos. Ca̱kalasquínilh: ―Quila̱huaníu, ¿ni̱ catzi̱yá̱tit para profetas tancs tali̱lhca̱ni̱t lihua neje yá ca̱chi̱quín ama lakahuán Cristo tí huaná̱tit ama ca̱lakma̱xtuyá̱n?

SAN MATEO 21:9

La̱ta tí ixtapu̱lá y tí ixtasta̱lá ixta̱ktasá: ―¡Siempre calatáma̱lh ixli̱talakapasni rey David! ¡Clakachixcuhui̱yá̱u tí ma̱lakacha̱ni̱t Dios naquinca̱ma̱paksi̱yá̱n! ¡Cpa̱xcatcatzi̱niyá̱u Dios tú tlahuani̱t!

SAN MATEO 21:11

―Namá chixcú Jesús, profeta xalac Nazaret ni̱ma̱ li̱tapaksí Galilea ―ixtakalhti̱nán makapitzi.