SAN JUAN 3:9 - Totonac Papantla

⁹ ―Ni̱ cma̱kachakxí la̱ ama qui̱taxtú tú quihuaniya ―kalasquiní̱nalh Nicodemo.

SAN JUAN 3:9 Referans Kwoze

SAN JUAN 6:60

La̱ takaxmatko̱lh ixtachihuí̱n Jesús, amá cristianos tí ixtatakoké la̱ta ní ixán, tzúculh tahuán: ―Ni̱ para li̱ca̱najlaputu tú li̱chihui̱nán jaé chixcú. ¿Cha̱ ticu lihua ama li̱pa̱huán ixtachihuí̱n?

SAN JUAN 6:52

Amá xanapuxcun judíos la̱ takaxmatko̱lh ixtachihui̱n Jesús, tzúculh tara̱huaní: ―Jaé chixcú chiyani̱t. ¿Niculá naquinca̱ma̱hui̱yá̱n ixmacni?

SAN LUCAS 1:34

María kalasquínilh amá ángel: ―¿Niculá ama qui̱taxtú jaé tú quihuaniya pues aquit ni̱ cta̱latama̱ni̱t chixcú?

SAN JUAN 3:4

―¿Niculá nalakahuán ixli̱maktuy cha̱tum ko̱lú? ¿Niculá namá qui̱taxtú? ¿A poco cha̱tum chixcú tla̱n tanu̱pará nac ixpu̱lacni ixna̱na xlacata nalakahuán ixli̱maktuy? ―kálhti̱lh Nicodemo.

SAN JUAN 3:8

Porque jaé qui̱taxtú la̱ acxni u̱nán, huix kaxpata la̱ maca̱csa̱nán pero ni̱ catzi̱ya nicu pakán ama, ni̱ para ní pakán mima, pues na̱ chuná cristiano tí Dios ma̱xquí ixtalacapa̱stacni, ni̱ tasí acxni lakahuán ixli̱maktuy, ¡pero lakahuán!

SAN JUAN 3:10

Jesús kálhti̱lh: ―Huix skalala chixcú juú nac Israel, ¿y ni̱ ma̱kachakxi̱ya tú cuanimá̱n?