Zekariya 9:8 - Tonga Bible 1986

⁸ Viyo ndizengenge msasa ndi kuja pa nyumba yangu nge ndi mlonda, kuti munthu wareke kwenda uku ndi uku; ndipo kuwulevi wakuŵasuzga, kuŵapofya, chifukwa sono ndiwona ndi maso ghangu.

Zekariya 9:8 Referans Kwoze

Yesaya 54:14

Ukajarikikanga mu urunji, ukaŵanga kutali kukuyuzgika, pakuti kuti ukawopanga cha; ndi ku chakofya, pakuti kuti chikazanga kufupi nawe cha.

Yesaya 60:18

Chiwawa kuti chikavwikanga so chamu charu chinu, uyiku pamwenga phasulu mukati mu mphaka zinu; malinga ghinu mughadanenge Utaski, ndi malikomo ghinu Rumbu.

Yesaya 52:1

Yuka, yuka, vwara nthazi yako, Zioni we; vwara vivwalo vyako vyakunozga, Yerusalemu we, muzi wakupaturika; pakuti wambura mchinju ndi ŵakazuzi kuti ŵakazanga so mwaku imwe cha.

Yeremiya 31:12

Ŵakazanga ndi Kumba kwanthazi pa chitanthali cha Zioni, ndipo ŵakaŵaranga chifukwa cha umampha wa Ambuya, chifukwa cha vyakurgha, vinyo, ndi mafuta; ndi ŵana ŵa mskambu ndi vyakuŵeta; umoyo wawo ukaŵanga nge ndi munda wakudiriya maji, kuti ŵakalakatukanga so cha.

Amosi 9:15

Ndiŵapandenge pa charu chawo, kuti ŵakazuwikanga so cha mu charu cho ndaŵapaska,” atiti Ambuya Chiuta winu.

Ezekiele 39:29

ndipo kuti ndikabisanga so chisku changu kwaku iwo cha, po ndipunguliya mzimu wangu pa nyumba yaku Yisraele, atiti Ambuya Chiuta.”

Yesaya 52:12

Pakuti, kuti mukarutanga ndi fulumira cha, ndipo kuti mukathaŵanga cha pakuruta, chifukwa Ambuya akakudanjiliyaninga, ndipo Chiuta waku Yisraele wakaŵanga wakumuvikiriyani kuvuli.

Yesaya 31:5

Uli ndimo viyuni vikupakupiya, viyo ndimu Ambuya ŵa maŵanja akavikiriyanga Yerusalemu, akauvikiriyanga ndi ku utaska, akawusunganga ndi kuwupozomoska.

Sumu 72:4

Karonga weruzgenge ŵakavu mu urunji; wawovyenge ŵakusauka, ndi kuthereska wo ŵati ŵasuzga!

Sumu 34:7

Mungelo wa Ambuya watigoŵa kwakuzunguliya wose ŵakuwopa iwo, ndi kuŵataska.

2 Samuele 16:12

Njani waziŵa, panyake Ambuya andiwonenge mu kusuzgika kwangu, ndikuti Ambuya andiwezgiyenge umampha mu malo mwakutukika uku zuŵa lino.”

Chituwa 3:9

Ndipo sono, ehe, nkhuta ya ŵaYisraele yafika kwangu ndipo ndawona suzgu yeniyo ŵaEgipiti ŵati ŵasuzga nayo.

Chivumbuzi 20:9

Ndipo wangukwera mu usani wa charu, wanguzingirizga ugoŵi wa ŵakupaturika wo, ndi msumba wakwanjiwa wo: kweni moto ungusikakutuwa kuchanya, ndipo unguŵargha.

Machitidu gha Ŵakutumika 7:34

Kuwona, ndawonadi usokwa wa khamu langu mu Egipiti, ndipo ndauvwa mtamanthu wawo ndipo ndasika kwachiŵataska: ndipo sono zanga, ndikutumenge ku Egipiti.’

Zekariya 14:11

Ndipo ŵanthu ŵajenge mwenimo, chifukwa kuti kuŵenge so thembo cha; kweni Yerusalemu wajenge kwakufwasa.

Zekariya 12:8

Mu zuŵa lo Ambuya avikiriyenge ŵakuja mu Yerusalemu, viyo kuti yo ngwakuvuka ukongwa mukati mwawo pa zuŵa lo waŵenge nge ndi Davidi, ndipo nyumba yaku Davidi yiŵenge nge ndi Chiuta, nge ndi mungelo wa Ambuya panthazi pawo.

Yeremiya 46:13

Mazu gho Ambuya angukamba kwaku Yeremiya mchimi gha paku Nebukadanezara karonga wa Babiloni gha kwachikoso charu cha Egipiti:

Yeremiya 46:2

Ndi ghakunena ndi Egipiti, gha pa wumba wa ŵankhondo ŵaku Farao Neko, karonga wa Egipiti, ŵeniwo wenga pa msinji Efrate pa Karchemishi ndi ŵeniwo Nebukadanezara karonga wa Babiloni wanguthereska mu chirimika cha chinayi chaku Yehoyakimu mwana waku Josiya, karonga waku Yuda:

Yesaya 26:1

Mu zuŵa liya sumu iyi yikambikanga mu charu chaku Yuda: “Tendi muzi wakukho; wamika utaski nge ndi malinge ndi lisitu.

Yesaya 4:5

Sono Ambuya akalenganga pa malo ghose gha phiri Zioni ndi pa maungano ghake mtambo ndi msana, ndi usi ndi kuŵara kwa moto wakulipuka ndi usiku; pakuti pa unkhankhu wose pakaŵanga chivwinkhu cha pa chitengo ndi chihema.

2 ŴaKaronga 24:1

Mu mazuŵa ghake Nebukadanezara karonga waku Babiloni wangukweriyako, ndipo Yehoyakimu wanguŵa mteŵeti wake virimika vitatu, ndipo wanagung'anamukako ndi kumugarukiya.

2 ŴaKaronga 23:29

Mu mazuŵa ghaku Farao-Neko karonga wa Egipiti wangukwere ku Karonga wa Asiriya ku msinji Efrate. Karonga Josiya wanguruta kwachikumana nayo, ndipo Farao-Neko wangumubayiya pa Megido, wati wamuwona.

Chituwa 3:7

Sono Ambuya anguti, “Ndawona suzgu ya ŵanthu ŵangu ŵeniwo ŵemu Egipiti, ndipo ndavwa nkhuta yawo chifukwa cha nduna za nchitu.

Zekariya 9:7

Ndituzgenge ndopa zake mu mlomo wake, ndi ukazuzi wake pakati pa minyu ghake; ndipo nayo waŵenge wakujako waku Chiuta widu; ndipo waŵenge nge ndi fuku mwaku Yuda; ndi Ekroni waŵenge nge ndi ŵaYebusi.

2 ŴaKaronga 19:34

Pakuti ndikavikiriyanga msumba uwu ku utaksa, pa chifukwa cha paku ndamweni ndi pa chifukwa chaku Davidi mteŵeti wangu.”

Nthanthi 3:25

Ungopanga kofya kwa mabuchibuchi pamwenga phasulu la muheni yo lichiza;

Zekariya 12:4

Mu zuwa lo atiti Ambuya, ndikosonge kavalo yose kwakuziziswa, ndi wakukwera yo ndi kufuntha. Kweni ndikaphwerenga nyumba yaku Yuda, mu zuŵa lo ndichikoso kavalo yose wa ŵanthu ndi uchiburumutiya.