Zekariya 9:17 - Tonga Bible 1986

¹⁷ Ehe, ngukuru umampha wake, ndi kutowa kwake nkhwakuruska limu! Vyakurgha vikondweskenge ŵanyamata ndi vinyo mufya ŵamwali.

Zekariya 9:17 Referans Kwoze

Yesaya 33:17

Maso ghinu ghakawonanga karonga mukutowa kwake; ghakawonanga charu chisani ukongwa.

Sumu ya Zisumu 7:9

ndi mifyofyontho yako yenge ndi vinyo wamampha kwakuruska, mweniyo pakumumwa mu mlomo ndi mu minyu wanozga wachisika pa khosi.

Sumu ya Zisumu 5:10

Nkhwanjiwa wangu ndi mtuŵa ndi muyera, iyo we pade mukati muvikwi chumi.

Sumu 90:17

Ambuya Chiuta widu, vitumbiku vinu viŵe paku ifwe, ndipo mutisakatiske mwaku vyose vyo tichita! Inya, mwaku vyose mutisakatiske!

Sumu 50:2

Kutuwa mu Zioni, utozi wakufikapo, Chiuta waŵala.

Sumu 45:2

Ndiwe wakutowa kwakuruska mu ŵana ŵa ŵanthu; wezi ukupungulikiya mu milomo yako; chifukwa cho Chiuta wakutumbika muyaya.

Sumu 36:7

A! Naku nkhuzirwa kwa chifundu chinu, A Chiuta! Ŵana ŵaŵanthu ŵadingang'a mu chiduzi cha mapapiku ghinu.

Sumu 31:19

A! Ngukuru mbwenu umampha winu wo mwaŵaŵikiya ŵakumopani imwe, ndi kuŵachitiya wo ŵadingang'a mwaku imwe, mu maso gha ŵana ŵa ŵanthu!

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

ŴaRoma 5:20

Ndipo chilangulu chingusere kurwandi, kuti kuzare kulakwa; kweni po ulakwi unguzara, wezi wo ungufurwiyapo:

ŴaRoma 5:8

Kweni Chiuta wasimikizgiya chanju chaku iyo mweneko kuchiri kwaku ifwe, mwakuti, tengateche ŵakulakwa, Kristu wangutifwiya.

Yohane 3:16

Pakuti Chiuta wangwanja viyo charu, viyo kuti wangupaska Mwana wake wakuwayija, alinga kuti yose wakuvwana mwaku iyo wareke kutayika, kweni waŵe ndi umoyo wamuyaya.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Yoele 3:18

“Ndipo mu zuŵa lo mapiri ghanthonenge vinyo mufya, ndi tumapiri tutaŵarenge mkaka, ndi tumisinji tose twaku Yuda twendenge maji; ndipo chisimi chibwibwitukenge kutuliya ku nyumba ya Ambuya chamdiriya dambo la Shitimu.

Yoele 2:26

“Murghenge vinandi ndi kuguta, ndi kurumba zina la Ambuya Chiuta winu, yo wamuchitiyani kwakuziziswa. Ndipo ŵanthu ŵangu kuti ŵalengeskekenge so cha muyaya.

Yeremiya 31:12

Ŵakazanga ndi Kumba kwanthazi pa chitanthali cha Zioni, ndipo ŵakaŵaranga chifukwa cha umampha wa Ambuya, chifukwa cha vyakurgha, vinyo, ndi mafuta; ndi ŵana ŵa mskambu ndi vyakuŵeta; umoyo wawo ukaŵanga nge ndi munda wakudiriya maji, kuti ŵakalakatukanga so cha.

Yesaya 63:15

Lereskani pasi kutuliya kuchanya, muwone, kutuliya uja winu utuŵa ndi wa unkhankhu. Kumbi lepani phamphu linu, ndi kulimba kwinu? Linweka la mtima winu ndi chifundu chinu, vyatuzgikako kwangu.

Yesaya 63:7

Ndikakambanga so za chanju chizirima cha Ambuya, marumbu gha Ambuya, kwakulingana ndi vyose vyo Ambuya atipaska, ndi umampha ukuru ku nyumba yaku Yisraele, weniwo apaska kwakulingana ndi lisungu lawo, kwakulingana ndi chanju chawo chizirima.

Sumu 145:7

Ŵakakambanga ukongwa pa kukumbuka umampha winu wakufikapo, ndipo ŵakasamphuskanga mazu pakumbiya urunji winu.

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Sumu 27:4

Chinthu chimoza ndafumba ku Ambuya, chenicho ndicho ndikapenjanga; kuti ndijaririye mu nyumba ya Ambuya mazuŵa ghose gha umoyo wangu, kudaŵira kunozga kwa Ambuya, ndi kupenjeska mu nyumba yawo yakupaturika.

Yeremiya 31:14

Ndikaliskanga ŵazukuru ndi vyakuzala, ndipo ŵanthu ŵangu ŵakagutanga ndi umampha wangu, atiti Ambuya.”

Sumu 144:12

Mphanyi ŵana ŵanthurumi ŵidu mu unyamata wawo ŵaŵa nge ndi mbeu ya kukuwa kali, ŵana ŵanthukazi ŵidu ŵaŵe ulaka ndi mizati ya pa nyondo, yakusemeke kunozeska nyumba ya chifumu;