Zekariya 9:15 - Tonga Bible 1986

¹⁵ Ambuya ŵa maŵanja aŵavikiriyenge; ndipo amarenge ndi kukandirizgiya pasi wo ŵapong'a mya; ndipo ŵamwenge ndopa zawo nge ndi vinyo, ndipo ŵazazikenge nge ndi mbali fwa, ŵangotenge nge ndi ngodya za jochero la sembe.

Zekariya 9:15 Referans Kwoze

Zekariya 12:6

Mu zuŵa lo ndichitenge mafuku ghaku Yuda kuŵa nge nchiŵiya chamoto mukati mu nkhuni, nge ndi chenje mukati mu nchinda; uwochenge ŵanthu wose kwakuzunguriya ku marghe ndiku maze, pa nyengo yo Yerusalemu wakaŵanga weche ndi ŵakujamo mu malo ghake, mu Yerusalemu.

Zekariya 10:7

Ndipo Efraimu waŵenge nge ndi ngwazi, mitima yawo yikondwenge nge ŵamwa vinyo. Ŵana ŵawo ŵawonenge ndi ŵakakondwanga, mitima yawo yikondwenge mu Ambuya.

Zekariya 12:8

Mu zuŵa lo Ambuya avikiriyenge ŵakuja mu Yerusalemu, viyo kuti yo ngwakuvuka ukongwa mukati mwawo pa zuŵa lo waŵenge nge ndi Davidi, ndipo nyumba yaku Davidi yiŵenge nge ndi Chiuta, nge ndi mungelo wa Ambuya panthazi pawo.

Zekariya 10:5

Ndipo pamoza ŵakaŵanga nge vinkhara vya nkhondo, ŵakukandirizgiya pasi ŵarwani ŵawo mu mawulambwe gha miseu; ŵapotenge chifukwa Ambuya ŵe nawo. Ndipo ŵakamaranga ŵakukwera pa kavalo.

Chituwa 27:2

Ndipo mukalichitiyanga masengwe pa visongo vyake vinayi; masengwe ghake ghakaŵanga chimuti chimoza ndi ilo, ndipo mukalizganganga ndi mkuŵa.

Sumu 78:65

Kweni pavuli Ambuya anguyuka nge ngwakutuwa mu tulo; anguchita nge ndi munthu wanthazi yo waloŵe vinyo.

ŴaLevi 4:25

Sono mzukuru wakatonga ndopa zinyake za mpasku wapa ulakwi ndi munwi wake ndi kuziŵika pa masengwe gha jochero la mpasku wakocha.

ŴaLevi 4:18

Ndipo wakaŵikanga ndopa zo zinyake pa masengwe gha jochero lo le mu hema lakuwunganamo paurongo pa Ambuya, ndipo ndopa zakujapo wakadiranga pasi pasina la jochero la mpasku wakocha lo le pa khomo la hema lakuwunganamo.

ŴaEfeso 5:18

Ndipo mungaloŵenga ndi vinyo cha, mwaku yo mwe utayisi kweni muzazike ndi Mzimu;

1 ŴaKorinte 1:18

Chifukwa kwaku wo mbakuyowa mazu gha mphinjika nkhupusa; kweni kwaku ifwe taŵakutaskika ndi nthazi yaku Chiuta.

Zekariya 14:20

Mu zuŵa lo kulembekenge pa miliwo ya ŵakavalo, “Utuŵa ku Ambuya.” Ndipo viŵiya mu nyumba ya Ambuya viŵenge nge ndi mbali panthazi pa jochero;

Zekariya 9:17

Ehe, ngukuru umampha wake, ndi kutowa kwake nkhwakuruska limu! Vyakurgha vikondweskenge ŵanyamata ndi vinyo mufya ŵamwali.

Mika 5:8

Ŵakujako ŵaku Yakobe ŵakawanga mukati mu mitundu, mukati mu ŵanthu ŵanandi, nge ndi nkharamu mukati mu mskambu wa nyama za mu dondo, nge ndi nkharamu yamupupuka mukati mu mskambu wa mberere, yeniyo pa yiporotamo, yikanda pasi ndi yiparuwa tumanatumana, ndipo palivi yo waziŵa kutaska.

Yesaya 55:1

“Imwe, we yose wanyota, wazi ku maji, yose yo walivi ndrama, wazi wagule warghe! Zani, gulani vinyo ndi mukaka kwambura ndrama ndi kwambura mtengo.

Yesaya 37:35

Pakuti ndikavikiriyanga muzi uwu kuutaska; chifukwa chaku ndamweni ndi chifukwa cha mteŵeti wangu Davidi.”

Sumu ya Zisumu 7:9

ndi mifyofyontho yako yenge ndi vinyo wamampha kwakuruska, mweniyo pakumumwa mu mlomo ndi mu minyu wanozga wachisika pa khosi.

Sumu ya Zisumu 5:1

Ndaza ku munda wangu, mzichi wangu, bwezi lanu la nthengwa, ndiwunjika wangu ndi vyakununkhire vyangu, nditurgha chisa changu ndi uchi wangu, nditumwa vinyo wangu ndi mkaka wangu. Rghaninga, mwa ŵabwezi, ndipo mwaninga: mwaninga ukongwa, mwa ŵakwanjiwa imwe!

Sumu ya Zisumu 1:4

Ndiguziye kuvuli kwako, tiye titinthimike. Karonga wanditore mu vipinda vyake. Tikondwenge ndi kusekere mwaku iwe; tikarumbanga chanju chako kwakuruska vinyo; ŵatukwanja umamphavi.

1 Samuele 17:45

Kweni Davidi wangunena ndi iyo, “Iwe utuza kwangu ndi lipanga ndi mkondo ndi nthonga; ehe, ine ndituza kwako muzina la Ambuya wa maŵanja, Chiuta wa zinkhondo zaku Yisraele mweniyo iwe unyoza.

ŴaLevi 4:7

Ndipo mzukuru wakaŵikanga ndopa zinyake pa masengwe gha jochero la vyachema vyakusunkhizga paurongo pa Ambuya lo le mu hema lakuwunganamo, ndipo ndopa zakujapo za kankhuzi zo, wakadiranga pasina pa jochero la sembe yakocha lo le pa khomo la hema lakuwunganamo.

Jobu 41:28

Mkondo kuti ungaziŵa kumuthaŵiska cha, mya yakupong'a wayisanduska chiputu.

Zekariya 14:3

Ndipo Ambuya atuwenge kurwana ndi mitundu yo nge ndi pa ŵaturwa mu zuŵa la nkhondo.

Zekariya 2:9

“Ehe, sono ndisukung'iskenge janja langu pachanya pawo; ndipo ŵakaŵanga miskowo kwaku wo ŵatuŵateŵete. Viyo muziŵenge kuti Ambuya ŵa maŵanja andituma.