Biblia Todo Logo
Bib sou entènèt

- Piblisite -




Zekariya 9:14 - Tonga Bible 1986

14 Viyo Ambuya awonekenge pachanya pawo, ndipo muvwi wawo utewenge nge ndi limphezi; ndipo Ambuya Chiuta wambenge mbata ndi kwenda mu ŵakavuruvuru ŵaku mwera.

Gade chapit la Kopi




Zekariya 9:14
28 Referans Kwoze  

Ndipo angutuma mivwi yawo anguŵaparghang'a; angupong'a malimphezi, ndi anguŵayungwiska.


“Pakuti ehe, Ambuya akazanga mu moto, ndi magareta ghawo nge ndi mphepo ya lirondo, kupereka ukari wowo mu ufyu, ndi kususka kwake nge nkhulipuka kwa moto.


Ndipo Ambuya atuwenge kurwana ndi mitundu yo nge ndi pa ŵaturwa mu zuŵa la nkhondo.


Chifukwa ine ndiŵenge kwaku wo linga la moto kwakuzunguriya, atiti Ambuya, ndipo ndiŵenge unkhankhu mukati mwakuwo.’ ”


Ndipo mu zuŵa liya mbata yikuru yikambikanga, sono wo ŵangusoŵe mu charu cha Asiriya ndi wo wangudikiskikiya ku charu cha Egipiti wakazanga ndi kusopa Ambuya pa phiri lakupaturika mu Yerusalemu.


Vyakukambika vyapa bozwa la nyanja. Mo ŵakavuruvuru mu Negebu ŵaputiya kutuwa ku bozwa mu charu chakofya.


Ndipo ndingulereska, awonani, kavalo mtuŵa, ndi wakugarapo pake wenga ndi uta; yingupaskika kwaku iyo ndumbu; ndipo wangutuliya kupunda kuti wapundenge.


Dazi ndi mwezi vinguma chete mu malo ghawo ghakujamo pa ukweru wa mivwi yinu mo yingwende, pa kuŵara kwa mkondo winu wakugadima.


Ndipo Ambuya akachitiskanga mazu ghawo ghakuziza kuti ghavwike ndi kusika kwa kapumidu ka janja lawo kuti kawoneke, mu ukari wakofya ndi mlipu wakocha wa moto, pamoza ndi kuvimba kwa mtambo, ndi lirondo ndi vuwa ya matalala.


Chiuta nayo wakusimikizgiyapo ndi visimikizgundi so ndi minthondwi, ndi nthazi zamitundumitundu, ndipo ndi mipasku ya Mzimu Wakupaturika, kwakulingana ndi khumbo lake.


mu nthazi ya visimikizgu ndi minthondwi, mu nthazi ya Mzimu Wakupaturika; viyo kuti, kutuwa ku Yerusalemu, ndi kwakuzunguliya mpaka ku Iluriko, ndafiska kumemeza evangeli waku Kristu,


ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”


Mu zuŵa lo Ambuya avikiriyenge ŵakuja mu Yerusalemu, viyo kuti yo ngwakuvuka ukongwa mukati mwawo pa zuŵa lo waŵenge nge ndi Davidi, ndipo nyumba yaku Davidi yiŵenge nge ndi Chiuta, nge ndi mungelo wa Ambuya panthazi pawo.


Uli ndimo viyuni vikupakupiya, viyo ndimu Ambuya ŵa maŵanja akavikiriyanga Yerusalemu, akauvikiriyanga ndi ku utaska, akawusunganga ndi kuwupozomoska.


Imwe mose mwa ŵakuja mu charu chapasi, imwe ŵakuja pa charu, asani mbendera yakwezgeka pa mapiri, lereskani! Asani mbata yambika, vwani!


Yoswa wanguto ŵakaronga yaŵa wose ndi charu chawo pa nyengo yimoza, chifukwa Ambuya Chiuta waku Yisraele wangurwiya Yisraele.


Ndipo watumenge ŵangelo ŵake ndi chizozu chikuru cha mbata, ndipo ŵawungang'enge ŵakusankhika ŵake ku mphepu zinayi, kutuwa ku vigoti vyakuti vya machanya mpaka ku vigoti vinyake.


Mungurasa mutu wa ŵankhondo ŵake ndi mikondo yinu, wo ŵanguza nge ndi kavuruvuru kundiparghang'a, wakukondwa, kusere kwako kwenga nge nkhudoso ŵakavu ku ubendi.


Muchipinda chake mutuwa kanthenga, ndi kuzizira kutuwa mu mphepo yakuparghanika.


Sono misisi ya nyanja yinguwoneka, viŵanja vya charu vinguŵa pakwero, pa kuchenya kwinu, Ambuya mwe, pakututa kwa mvuchi wa mphunu zinu.


Swiv nou:

Piblisite


Piblisite