Zekariya 8:19 - Tonga Bible 1986

¹⁹ “Viyo atiti Ambuya ŵa maŵanja: Kufunga kwa mwezi wachinayi, ndi kufunga kwa wachinkhonde, ndi kufunga kwa wa chinkhonde ndi chiŵi, ndi kufunga kwa wa chumi, kukaŵanga ku nyumba yaku Yuda mu nyengo za likondwa ndi chimwemwe, ndi madghera ghakusangaruska; viyo mwanje uneneska ndi chimangu.

Zekariya 8:19 Referans Kwoze

Yeremiya 39:2

pa zuŵa la chinkhonde ndi chinayi, mu mwezi wa chinayi, mu chirimika cha chumi ndi chimoza muzi ungupankhuka.

Zekariya 8:16

vinthu vyo muchitenge ndi ivi: Kambani uneneska munthu yose ku munyake, chitani mu malikomo ghinu vyeruzgu vya uneneska ndi vyakupanga chimangu,

Zekariya 7:5

“Kamba ku ŵanthu wose ŵamu charu ndi ku ŵazukuru, kuti, muchifunga ndi kutenje mu mwezi wa chinkhonde, ndi wa chinkhonde ndi chiŵi kwa virimika ivi machumi ghankhonde ndi ghaŵi (70) kumbi mungufungiya ine?

Zekariya 7:3

ndi kufumba ŵazukuru ŵa nyumba ya Ambuya ŵa maŵanja ndi ŵamchimi, kuti, “Kumbi ndikwenere kutenje ndi kufunga kurgha mu mwezi wa chinkhonde, nge ndimo ndachitiyanga virimika vinandi?”

Yeremiya 52:4

Ndipo mu chirimika cha chinkhonde ndi chinayi cha muwusu wake, mwezi wa chumi, pa zuŵa la chumi la mwezi, Nebukadanezara karonga wa Babiloni wanguza ndi nkhondo yake yose pa Yerusalemu, wanguwuzinga ndipo wanguzenga vyakuwuzingiya kwakuzunguliya.

2 ŴaKaronga 25:25

Kweni mu mwezi wa chinkhonde ndi yiŵi, Ishumaeli mwana waku Netaniya, mwana waku Elishama wamu mbumba ya chifumu wanguza ndi ŵanthu chumi, wangukoso ndi kubaya Gedaliya ndi ŵaYuda pamoza ndi ŵaKaldiya wo ŵenga nayo pa Mizipa.

Sumu 30:11

Imwe mwang'anamuwa kutenje kwangu kwaŵa kuvina; mwafwatuwa chigudulu changu ndipo mwandivwarika ndi likondwa;

Yesaya 35:10

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; kukondwa kwa muyaya kukaŵanga pa mitimu yawo; ŵakarondenga likondwa ndi chimwemwe, ndipo chitima ndi urwirwi vikathaŵanga.

Yesaya 12:1

Mwazamukamba mu zuŵa liya: “Ndiwongenge imwe, Ambuyamwe, chifukwa chingana mungundikaripiya, ukari winu watuwapo, ndipo sono mwandisangaruska.

Estere 9:22

pakuti ndi mazuŵa mwaku ghenigho ŵaYuda ŵangupumuwa ku ŵarwani ŵawo mwezi weniwo chitima chawo chingusanduka chimwemwe, ndi kutenje kungusanduka zuŵa lamampha; kuti ŵaghasunge kuŵa mazuŵa gha dghera, ndi chimwemwe, ndi ghakutumirana vyawezi ndi kupaska ŵasauchi vyawanangwa.

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.

Yesaya 51:11

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; likondwa la muyaya likaŵanga pa mitu yawo; ŵakalondenga likondwa ndi chimwemwe, chitima ndi mitamanthu vikathaŵiyanga kutali.

Estere 8:17

Ndipo mu chigaŵa che chose ndi mu msumba we wose mwenimo langulu ndi dangu la karonga vingufika, kwenga likondwa ndi chimwemwe ku ŵaYuda, ndipo so ŵanguchita dghera ndi ŵangupumuwa ku zinchitu. Ndipo ŵanthu ŵanandi mukati mu ŵeneko ŵa charu ŵangujichita kuŵa ŵaYuda chifukwa ŵangopa ŵaYuda.

Yeremiya 36:6

viyo urutenge ndiwe, ndipo pa zuŵa laki funga ŵanthu ŵachiwungana mu nyumba ya Ambuya, ukaŵerenge mazu gha Ambuya ghapa pepala gho walemba gho ndakunene. Wakughaŵerenga so ku ŵanthu wose ŵaku Yuda wo ŵatuma mu misumba yawo.

Zekariya 8:3

Viyo atiti Ambuya: Ndawere ku Zioni ndipo ndijenge mukati mu Yerusalemu, ndipo Yerusalemu wakadanikanga msumba wamagomekezgeka, phiri la Ambuya ŵa maŵanja, phiri lakupaturika.

Zekariya 8:18

Ndipo mazu gha Ambuya ŵa maŵanja ghanguza kwangu, ghakuti,

2 ŴaKaronga 25:1

Mu chirimika cha chinkhonde ndi vinayi cha muwusu wake pa zuŵa la chumi la mwezi, Nebukadanezara karonga waku Babiloni wanguza ndi nkhondo yake yose kuzachirwa ndi Yerusalemu, ndipo ŵanguwuzinga, ŵanguwuzingirizga ndi tumalinga.

Sumu 34:15

Maso gha Ambuya ghe pa ŵakurunjika, ndi makutu ghawo ku nkhuta yawo.

Ezekiele 18:8

kuti wakongoreska pa kukhumba chanduwu chapamwenga kuto vyakusazgiyapo, wakanizga janja lake ku kuchita mphurupuru, wateruzga cheruzgu cha uneneska pa ku uyu ndi yuwa,

Ezekiele 24:1

Pa zuŵa la chumi, la mwezi wa chumi, mu chirimika cha chinkhonde ndi chinayi, mazu gha Ambuya ghanguza kwaku ine: