Zekariya 8:12 - Tonga Bible 1986

¹² Pakuti kuŵenge kumija kwa chimangu; mphereska yipasenge vipasi vyake, ndipo nyata yiperekenge kwandana kwake, machanya nagho ghakaperekanga dungwi lake; ndipo nkhachitanga kuti ŵakujako ŵa ŵanthu yaŵa, ŵaŵe ndi vyose ivi.

Zekariya 8:12 Referans Kwoze

Marangu 33:13

Ndipo ghaku Yosefe wanguti, “Ambuya atumbike charu chake ndi vyawezi vyakusankhika vya kuchanya, ndi vya ndimba vyo vikula pasi,

Chiyambo 27:28

Chiuta wakupaske dungwi la kuchanya, ndi lakututuŵa kwa charu chapasi, ndi kurgha kunandi ndi vinyo Munandi.

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

Zekariya 8:6

Viyo ndimo anene Ambuya ŵa maŵanja: Asani kuŵenge kwakuziziswa mu maso gha ŵakujako ŵamtundu uwu mu mazuŵa yagha, kumbi kuŵenge kwakuziziswa mu maso ghangu atiti Ambuya ŵa maŵanja?

Hagayi 2:19

Kumbi mbeu zichalimo mu nkhokwe? Kumbi mphereska, nkhuyu, zobala, ndi maolivi vyeche vindapasi? Kutuwa zuŵa ili mpaka kunthazi nkhamutumbikaninga.”

Hagayi 1:10

Chifukwa ichi, machanya gha pachanya paku imwe ghajara dungwi, ndi charu chapasi chajara vipasi vyake.

Yoele 2:22

Mungopanga mwa nyama za mu dondo, chifukwa chipozwa cha mu lisuwa chime; muti upasa vipasi vyake, mkuyu ndi mphereska vipasa ukongwa.

Yakobe 3:18

Ndipo chipasi cha urunji chimijikiya mu chimangu kwaku ŵeniwo mbakutata chimangu.

1 ŴaKorinte 3:21

Viyo wangatumbwanga yumoza cha mu ŵanthu. Chifukwa vyose vye vinu;

Hoseya 14:5

Ndiŵenge nge ndi dungwi kwaku Yisraele, wakaŵanga ndi maluŵa nge ndi lombo; ndi kuthaza misisi yake nge ndi mukongwe.

Ezekiele 36:30

Ndikandaniskanga vipasi vya miti ndi mbeu yamu munda, mwakuti mureke kuŵa so ndi suzgu ya chilengesku cha chilala mukati mu mitundu.

Yesaya 61:7

Mu malo mwa soni zinu mukaŵanga navyo kwakusazgiyapo, mu malo ghakuyeyeka mukasekerenga mu phande linu; viyo mu charu chinu mukaŵanga ndi vya uzali wa kaŵi, chinu chikaŵanga chimwemwe cha muyaya.

Yesaya 30:23

Ndipo akapaskanga vuwa pa mbutu yo mumija pa nyata, ndi vyakurgha, vyakume mu nyata, vyo vikaŵanga vyakunozga ndi vyakuzara. Mu zuŵa liya viŵetu vinu vikarghanga mu vipozwa vikuru;

Chiyambo 26:12

Ndipo Yisaki wangumija mu charu chiya, ndi wanguvuna mu chirimika chenicho machumi pe chumi ghakuwerezgapo. Ambuya angumutumbika,

Ezekiele 36:12

Inya, ndizomerezgenge ŵanthu, ŵanthu ŵangu ŵaYisraele, kuti ŵendenge so munthowa zinu; ŵakajanga mwaku imwe, imwe mukaŵanga chihara chawo, ndipo kuti mwazamukuŵaphanga so ŵana ŵawo cha.

Nthanthi 19:12

Ukari wa karonga we uli nkhukoroma kwakamanakamana kwa nkharamu, kweni lisungu lake le uli ndi dungwi pa uteka.

Sumu 72:3

Charu chikondwe chisakatiskike; chiziŵe wo mburunji.

Marangu 33:28

Viyo Yisraele wanguja mu chimangu, chisima chaku Yakobe yija, mu charu cha chakurgha ndi vinyo, inya, machanya ghake ghanthona dungwi.

Marangu 32:2

Mphanyi kusambizga kwangu kungunthona uli ndi vuwa, fundu yangu mphanyi yingusongonoka uli ndi dungwi; uli ndi vuwa ya wenguwengu pa uteka wakutefwatefwa, ndipo uli nkumeme pa vyakume.

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

ŴaLevi 26:3

“Asani muvwenge malangulu ghangu ndi kuphwere marangu ghangu kughachita,

Sumu 85:12

Inya, Ambuya akatisakatiskanga, ndipo charu chidu chipaskenge usambasi wa vuna.

Hoseya 13:3

Chifukwa ichi ŵakaŵanga nge ndi nyankhuŵinda wa mlenji, pamwenga nge ndi dungwi lo lakamuka ruŵi. Nge ndi mwere wo wuputa pa malo ghakupepete, pamwenga nge ndi usi wakuturiya pa dangazi.

Hagayi 2:18

Ghanaghanani kwamba zuŵa ili mpaka ku nthazi; kwamba zuŵa la machumi ghaŵi pachanya ghanayi (24) la mwezi wachinkhonde ndi chinayi. Kutuwa zuŵa lo chiŵanja cha kasopi wa Ambuya chinguzengeke, ghanaghanani.

Yeremiya 31:12

Ŵakazanga ndi Kumba kwanthazi pa chitanthali cha Zioni, ndipo ŵakaŵaranga chifukwa cha umampha wa Ambuya, chifukwa cha vyakurgha, vinyo, ndi mafuta; ndi ŵana ŵa mskambu ndi vyakuŵeta; umoyo wawo ukaŵanga nge ndi munda wakudiriya maji, kuti ŵakalakatukanga so cha.

Ezekiele 34:28

Kuti zikaŵanga so chakuliwa ku mitundu cha, pamwenga vikoko vyo vye mu charu kuti vikazirghanga cha; zikajanga kwakufwasa paŵengevi nanga njumoza yo wakazitenthemeskanga.

Ezekiele 36:9

Pakuti, awonani, ine nde pamoza namwe, ndipo ndizenge kwaku imwe, ndipo mukalimikanga ndi kupandika;

Yoele 2:19

Ambuya angwamuka, ku ŵanthu ŵawo, kuti, “Wonani ndimtumiyeninge trigu, ndi vinyo, ndi mafuta, ndipo mugutenge; ndipo kuti nkhamulengeskaninga so cha mukati mu mitundu.

Zefaniya 3:13

Ŵakujako mu Yisraele; kuti ŵachitenge kanthu kaheni cha, pamwenga kukamba utesi, chingana ndi mu mlomo mwawo kuti lisanirikengemo lilime la utesi cha. Chifukwa ŵarghenge ndi kugona pasi, ndipo pakaŵangavi wakuŵawofya.”

Malaki 3:11

Nkachenyanga zombe chifukwa chaku imwe, kuti wareke kurgha ndi kumwa vipasi vya nyata yinu, ndipo mphereska zinu mu munda kuti zikatondekanga kupasa cha, atiti Ambuya ŵa maŵanja.