Zekariya 7:13 - Tonga Bible 1986

¹³ “Nge ndimo ine ndingukambiya ndipo kuti ŵanguvwa cha, viyo ŵangudanirizga kweni kuti ndinguvwa cha,” atiti Ambuya ŵa maŵanja.

Zekariya 7:13 Referans Kwoze

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Yesaya 1:15

Muchitambaruwa manja ghinu, ndikabisanga maso ghangu kwinu, inya chingana mungachita marombu ghanandi, kuti nditegherezgenge cha, manja ghinu ghazara ndi ndopa.

Yeremiya 11:11

Chifukwa cho atiti Ambuya, Ehe, ine nditole uheni paku iwo, weniwo kuti angaziŵa kuwuthaŵa cha; chingana ŵangandiliriya, kuti ndikaŵategherezganga cha.

Mika 3:4

Viyo ŵakaliyanga ku Ambuya, kweni kuti amukenge cha; akabisanga chisku chawo kwaku iwopa nyengo yiya, chifukwa nchitu zawo ŵazisanduska kuŵa ziheni.

Yakobe 4:3

Mupempha, ndipo kuti muronde cha, chifukwa kuti mupempha uheni, alinga kuti muvimariye pa malikondwa ghinu.

Luka 13:25

Kwanda penipo mweninyumba wangayuka, ndi wangajarako ku khomo, ndipo mungamba kuma kubwaro ndi kugong'oska chisasa cho, ŵakuti, ‘Ambuya, tijuriyeniko’; ndipo wakwamukawanenenge namwe, ‘Kuti ndiziŵa cha, kweniko mutuliya.’

Ezekiele 20:3

“Mwana wa munthu, kamba ku ŵaraŵara ŵa ŵaYisraele, uŵanene, Viyo atiti Ambuya Chiuta, Kumbi nkhufumbiriya ine ko mwaziya? Mo ndiliri wamoyo, atiti Ambuya Chiuta, kuti ndikafumbirikiyanga ndi imwe cha.

Ezekiele 14:3

“Mwana wa munthu, ŵanthu yaŵa ŵaŵika ŵangoza ŵawo mu mitima yawo, ndi kumika chiguŵisku cha kulakwa kwawo pa maso pa visku vyawo; kumbi ndingafumbika ine ndamwene viyo ndi iwo?

Yesaya 50:2

Chifukwa chine, penipo ndinguza, pengavi munthu? Po ndadananga pengavi wakwamuka? Kumbi janja langu likufupiskika, kuti litondeka kuwombo? Pamwenga kumbi ndilivi nthazi za kutaskiya? Ehe, ndi kuchenya kwangu ndimizga nyanja, misinji ndiyisanduska bozwa; somba zawo zinunkha chifukwa chakuwura maji, ndipo zitufwa chiparantha.

Nthanthi 28:9

Asani munthu watuzgako gutu lake kukuvwa dangu chingana ndi rombu lake ndi kazuzi.

Nthanthi 21:13

Mweniyo wajara gutu lake ku kuliya kwa mukavu nayo wakaliyanga kuwulengevi kumuvwa.

Yeremiya 7:27

“Viyo ukambe nawo vinthu vyose ivi, kweni kuti ŵakakutegherezganga cha. Ukaŵadananga, kweni kuti ŵakakwamukanga cha.

Yeremiya 11:10

Ŵawere vuli ku mautimbanizi gha ambuyawo, ŵeniwo ŵangukana kuvwa mazu ghangu; ŵandondoloska ŵachiuta ŵanyake kuŵatataliya; ŵaYisraele ndi ŵaYuda ŵaswa phanganu langu lenilo ndinguchita ndi auskeu.

Yeremiya 11:14

“Chifukwa cho reka kuŵarombe ŵanthu yaŵa, kuliya pamwenga kuromba chifukwa chawo, chifukwa kuti ndikategherezganga cha ŵachidana kwaku ine mu nyengo ya suzgu yawo.

Yeremiya 14:2

“Yuda watenje ndipo malikomo ghake ghayungwanika; ŵanthu ŵake ŵatenjere pasi, ndipo kuliya kwa Yerusalemu kukwere pachanya.

Chitenje 3:44

Mwajikulunga ndi mtambo, viyo kuti palivi rombu lo lingaporota.

Ezekiele 8:18

Muchifukwa ichi ndikachitanga mwa ukari; jiso langu kuti likasiyangapo cha, nanga nkhuchita chitima; ndipo nanga ŵaliya mu makutu ghangu ndi kubangura kukuru, kuti ndikaŵavwanga cha.”