Zekariya 6:6 - Tonga Bible 1986

⁶ Gareta ndi ŵakavalo ŵafipa liruta ku charu chaku nkhonde, ŵatuŵa ŵaruta ku charu chaku zambwe, ŵakuŵaraŵata ku charu chaku mwera.”

Zekariya 6:6 Referans Kwoze

Ezekiele 1:4

Po ndingulereska, awonani, mphepo ya Kavuru-vuru yinguza kutuliya ku nkhonde, ndi bingu likuru, ndi ukweru wakulizunguliya, ndi moto walipukanga rutaruta, mukati mwa moto mwenga dangalira la mkuŵa.

Yeremiya 51:48

Sono machanya ndi charu chapasi, ndi vyose vya mukati mwawo vyazamumbiya likondwa paku Babiloni; pakuti ŵakupasuwa ŵakazanga paku wo kutuliya ku nkhonde, atiti Ambuya.

Yeremiya 6:1

Thaŵiyani kwakubisama, mwa ŵanthu ŵaku Benjamini, kuthaŵa mukati mu Yerusalemu! Mbani mbata mu Tekoa, ndipo soskani chiteskeru pa Betehakeremu; pakuti chiheni chituza kutuliya ku nkhonde ndi pharghaniko likuru.

Yeremiya 4:6

Soskani mbendera kurazga ku Zioni, thaŵani kwachibisama, mungasweranga cha, chifukwa ndituza ndi chiheni kutuliya ku nkhonde ndi phasulu likuru.

Danyele 11:40

“Pa vyengo ya umari, karonga waku malaŵi warwenge nayo, kweni karonga waku nkhonde wamurotokiyenge nge ndi kavuruvuru, ndi magareta, ndi ŵakukwera ŵakavalo, ndi ngaraŵa zinandi; ndipo ŵazamsere mu vyaru ndi kuchapariya, ndi kuporotamo.

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Danyele 11:9

Ndipo karonga waku nkhonde waserenge mu ufumu wa karonga waku malaŵi, kweni waweriyenge ku charu chake.

Yeremiya 46:10

Zuŵa liya ndi zuŵa la Ambuya Chiuta wa maŵanja, zuŵa la thayu, kujitayiya thayu pa ŵakupindikana ŵake. Lipanga likarghanga ndi kuguta, ndi kumwa kwakuguta ndopa zawo. Pakuti Ambuya Chiuta wa maŵanja wendi sembe mu charu cha ku nkhonde pa msinji Efrate.

Chivumbuzi 6:5

Ndipo penipo wangubanuwa chizighiri chachitatu, ndinguchivwa chamoyo chachitatu chakuti, “Zanga!” Ndipo ndingulereska, wonani kavalo mfipa: ndipo yo wangugara pake wenga ndi chakwese mu janja lake.

Yesaya 43:6

Ndikakambiyanga nkhonde, ‘Pereka,’ ndi ku malaŵi, ‘Ungakaniliyanga cha;’ wawezge ŵana ŵangu ŵanthurumi kutuwa kutali ndi ŵana ŵangu ŵanthukazi kutuwa kuchigoti cha charu chapasi,

Yesaya 30:6

Vyakukambika vyapa nyama za mdodo zaku Negebu. Kuporota mu charu cha suzgu ndi chitima, kweniko kutuwa nkharamu, yinthukazi ndi yinthurumi, chipiriri ndi njoka yakuphururuka, vipinga mausambasi ghawo pa misana ya zimbunda, ndi vyuma vyawo pa magonyo gha ŵagamila, kuya ku ŵanthu wo ŵangaŵanduliya kanthu cha.