Zekariya 6:11 - Tonga Bible 1986

¹¹ Utoko kwaku iwo siliva ndi golide, uchite mphumphu ndi uyiŵike pa mutu waku Yoswa, mwana waku Yehozadaki, mzukuru mura;

Zekariya 6:11 Referans Kwoze

Zekariya 3:1

Viyo wangundirongo Yoswa mzukuru mura wakuma panthazi pa mungelo wa Ambuya, ndi Satana wakuma ku janja lake la marghe.

Sumu 21:3

Chifukwa mwakumana nayo ndi vitumbiku vyamampha, mukuŵika pa mutu wake chifuku cha golide lakwengeka.

Sumu ya Zisumu 3:11

Tuwani, mwaŵana ŵanthukazi ŵaku Zioni, ndipo wonani karonga Solomoni, ndi chifuko cho anyina ŵakumufuka nacho pa zuŵa la nthengwa yake, pa zuŵa la kukondwa kwa mtima wake.

Chivumbuzi 19:12

Maso ghake ghenga uli ndi mlipu wa moto, ndi pa mutu pake penga vifuku vinandi; we ndi zina lakulembeka, lenilo palive yumoza waziŵa kweni mwenecho yija.

Zekariya 3:5

Ndipo ndinguti, “Waŵike chilemba chamampha pa mutu wake.” Viyo ŵanguŵika chilemba chifya pa mutu wake ndi kumuvwalika vyakuvwala; ndipo mungelo wa Ambuya wamanga pafupi.

Hagayi 1:1

Mu chirimika cha chiŵi cha karonga Dariusi, mu mwezi wa chinkhonde ndi chimoza pa zuŵa la chimoza la mwezi, mazu gha Ambuya ghanguza kwaku Hagayi mchimi kwaku Zerubabele mwana waku Shealtiele, nduna yikuru ya charu cha Yuda; ndi kwaku Yoswa mwana waku Yehozadaka, mzukuru mura, kuti,

ŴaLevi 8:9

Ndipo wanguŵikapo chilemba pa mutu wake, pa chilemba kuchiri ku maso, wanguŵikapo luŵa la mbali ya golide, ndi chifuku cha unkhankhu nge ndimo Ambuya angulanguliya Mosese.

Chituwa 39:30

Ndipo wanguchita chakulembapo cha mphumphu ya ufumu yakupaturika cha golide, ndipo wangulembapo paku yo uli ndi kusindikizga kwa chidindo. “Kupaturikiya ku Ambuya.”

ŴaHebere 2:9

Kweni yo ngwakuchefyeka kamanavi ku ŵangelo timwona, ndiyo Yesu, wakuvwalikika unkhankhu ndi ulemu pa chifwa cha chikomwa cha nyifwa, viyo kuti mu wezi waku Chiuta wesiyepo nyifwa chifukwa cha munthu yose.

Hagayi 1:14

Ndipo Ambuya anguyuska mzimu waku Zerubabele mwana waku Shealtiele, nduna yikuru ya charu cha Yuda, ndi mzimu waku Yoswa mwana waku Yehozadaki mzukuru mura ndi mzimu wa ŵanthu wose ŵakujaliya vuli; ndipo ŵanguza ndi ŵangutakataka pa nyumba ya Ambuya ŵa maŵanja,

Hagayi 2:4

Kweni sono khwima Zerubabele, atiti Ambuya, khwima Yoswa mwana waku Yehozadaki mzukuru mura, khwimani mose mwa mu charu, atiti Ambuya; takatakani chifukwa nde namwe, atiti Ambuya ŵa maŵanja,

Ezra 3:2

Yeshua mwana waku Yozadaka wanguma ndi ŵazukuru ŵake ŵanyake, ndi Zerubabele mwana waku Sealatiele ndi ŵabali ŵake, kuzenga chiguŵa chaku Chiuta waku Yisraele; kuti wawochepo sembe zakocha mo kukulembeke mu dangu laku Mosese munthu waku Chiuta.

Chituwa 29:6

ndipo mukamuvwarikanga mwakundu, pa mutu wake ndi mukavwarikanga mphumphu pachanya pa mwakundu.

Chivumbuzi 6:2

Ndipo ndingulereska, awonani, kavalo mtuŵa, ndi wakugarapo pake wenga ndi uta; yingupaskika kwaku iyo ndumbu; ndipo wangutuliya kupunda kuti wapundenge.

2 Samuele 12:30

Ndipo wanguto chifuku cha karonga wawo ku mutu wake; cho uzitu wake wenga talente la golide, mukati mwake mwenga mwa wakuzirwa; ndipo chinguŵikika pa mutu waku Davidi. Ndipo wangutuzgamo muskowo unandi ukongwa mu msumba wo,

Ezra 10:18

Ŵana ŵa ŵazukuru wo ŵangusanirika kuti ŵangujitole ŵanthukazi ŵa chilendo ndi yaŵa: Maseya, Eliezere, Yaribi ndi Gedaliya ŵana ŵaku Yeshua, mwana waku Yozadaka ndi ŵabali ŵake.

Zekariya 6:14

Mphumphu yijenge mu nyumba ya Ambuya nge nchikumbusko kwaku Heldai, Tobiya, Yedaya, ndi Yosiya mwana waku Zefaniya.