Zekariya 3:4 - Tonga Bible 1986

⁴ Ndipo mungelo wa Ambuya wakambanga ndi wo ŵanguma panthazi pake, kuti, “Mzuweni vyakuvwala vyakufipa”; ndipo kwaku iyo wanguti, “Nadi, ndatuzgako kwananga kwako kwaku iwe, ndipo ndikuvwalikenge vyakuzirwa.”

Zekariya 3:4 Referans Kwoze

Luka 15:22

Kweni wiske wanguŵanene ŵaŵanda ŵake, ‘Ruŵi tonipo munjirira wakuruska, ndi mvwalikeni; ndipo ŵikani ndandati pa janja lake, ndi viyatu pa marundi ghake;

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.

Ezekiele 36:25

Ndikamijanga maji gha kutowa paku imwe, ndipo mukatowanga ku kufipirwa kwinu kose ndikakutoweskaninga ku ŵangoza ŵinu wose.

Yesaya 43:25

“Ine, Ndine Iyo mweniyo wasisita mautimbanizi ghinu chifukwa cha zina langu, ndipo kuti ndikakumbukanga mauheni ghinu cha.

1 ŴaKorinte 6:11

Ndipo mwaŵanyake mwenga ŵaviyo. Kweni mwasambiskika, mwapaturiskika, mwarunjiskikiya mu zina la Ambuya Yesu Kristu, ndi mu Mzimu waku Chiuta widu.

Zekariya 3:7

“Viyo atiti Ambuya ŵa maŵanja: Asani wendenge mu nthowa zangu, ndi kusunga dangu langu lakumikika, yipo ukausanga nyumba yangu, ndi kweruzga mabwalo ghangu, ndipo ndikupaskenge nthowa yakuziyamo mukati mwaku yaŵa ŵanthu ŵatuma yapa.

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

ŴaHebere 8:12

Pakuti ndiŵiyenge walisungu ku maubendezi ghawo ndipo vilakwa vyawo kuti ndikumbukenge so cha.”

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

Zekariya 3:9

Chifukwa wona pa mwa wo ndaŵika paku Yoswa, pa mwa umoza wo wendi vigaŵa vinkhonde ndi viŵi ndirembengepo mazu, atiti Ambuya ŵa maŵanja, ndipo ndituzgengepo ulakwi wa charu ichi mu zuŵa limoza.

Sumu 51:9

Bisani chisku chinu ku kunanga kwangu, ndipo sisitani kubende kwangu kose.

ŴaKolose 3:10

ndipo mwavwara munthu mufya, mweniyo wazgoka mufya uli nchikozgu chaku yo wangumlenga ndi kukuliya mu kumuziŵa Chiuta.

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

ŴaRoma 3:22

urunji nawo wakuchiuta wamu chivwanu mwaku Yesu Kristu, wa kwaku wose ŵakuvwana; pakuti mpambanu palive;

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

Luka 1:19

Ndipo pakwamuka mungelo wanguti kwaku iyo, “Ine ndine Gabriele, wakuma pa maso paku Chiuta; ndipo ndingutumikiya kukukambiya, ndi kukutauliya ghakunozga yagha.

Zekariya 3:1

Viyo wangundirongo Yoswa mzukuru mura wakuma panthazi pa mungelo wa Ambuya, ndi Satana wakuma ku janja lake la marghe.

Yesaya 52:1

Yuka, yuka, vwara nthazi yako, Zioni we; vwara vivwalo vyako vyakunozga, Yerusalemu we, muzi wakupaturika; pakuti wambura mchinju ndi ŵakazuzi kuti ŵakazanga so mwaku imwe cha.

1 ŴaKaronga 22:19

Ndipo Mikaya wanguti, “Chifukwa cho vwani mazu gha Ambuya: ndinguwona Ambuya akuja pa chitengo chawo cha ufumu, ndi liŵanja lose la kuchanya lakuma pafupi nawo ku janja lawo la marghe ndi la maze;

2 Samuele 12:13

Davidi wangunena ndi Natani, “Ndalakwiya Ambuya.” Ndipo Natani wanguti, “Ambuya atuzgapo uheni wako; kuti ukafwanga cha.

Chivumbuzi 5:11

Ndipo ndingulereska, ndipo ndinguvwa mazu gha ŵangelo ŵanandi kwakuzingiriya chitengu-chaufumu cho, ndi vyamoyo vyo, ndi ŵara wo; ndipo unandi waku wo wenga vikwi chumi vyakupindika vikwi chumi, ndi vikwi vya vikwi,

Mateyu 22:11

“Kweni wachisere karonga kwachiŵawona ŵazowara, wanguwona mwenimo munthu wambura kuvwara chivwaru cha nthengwa:

Ezekiele 42:14

Penipo ŵazukuru ŵasere mu malo ghakupaturika, ŵareke kutuwamo kuruta ku luluwa la kubwalo kwambura kuŵika danga maraya ghawo kwenikuwa gho ŵateŵete, pakuti ghenagha ngakupaturika; ŵavware danga maraya ghanyake ŵenga ŵandandere kufupi ku malo gho ghakugaŵikiya ku ŵanthu.”

Mika 7:19

Ŵakaŵanga so nafwe ndi chitima, wakakandirizgiyanga pasi pamarundi ghake maulakwi ghidu. Mukatayanga mu zindimba za nyanja mauheni ghidu ghose.

Yesaya 44:22

Ndapeya mautimbanizi ghako uli ndi mtambo, ndi uheni wako uli ndi munkhorwe; were kwaku ine, pakuti ndakuwombo.

Yeremiya 52:33

Viyo Yehoyakini wanguzuwa vivwaro vyake vya ukaidi. Ndipo zuŵa ndi zuŵa mu umoyo wake wangurgha kurgha pa gome la karonga;