Zekariya 3:1 - Tonga Bible 1986

¹ Viyo wangundirongo Yoswa mzukuru mura wakuma panthazi pa mungelo wa Ambuya, ndi Satana wakuma ku janja lake la marghe.

Zekariya 3:1 Referans Kwoze

1 Petro 5:8

Zizani, khazgani: diaboloyo, mphindikwa yinu, uli ndi nkharamu yakukoroma, wayingayinga ndi kupenja mweniyo wakamphe.

Luka 22:31

“Simoni, Simoni, awona Satana yo wangujifumbiya imwe kwachimpepetani uli ndi trigu:

Sumu 109:6

Tondoni munthu wankhaza weruzgi wakupindikana wangu, zomerani kuti yumoza wa ŵarwani ŵake ndiyo wamulange.

Luka 21:36

Kweni cherezgani ŵakuninizika nyengo zose, alinga kuti mupunde, kupozomoka ku kwaku vyenivi vyose vyakukhasa kuŵapo, ndi kumapo paurongo pa Mwana wa munthu.”

Malaki 3:1

“Nadi, ndatuma thenga langu kunozga nthowa panthazi pangu, ndipo Ambuya wo mupenja akazanga kwamabuchibuchi mu kasopi wawo; ehe lituza thenga la phanganu mwaku lenilo mukondwere, atiti Ambuya ŵa maŵanja.

Hagayi 1:1

Mu chirimika cha chiŵi cha karonga Dariusi, mu mwezi wa chinkhonde ndi chimoza pa zuŵa la chimoza la mwezi, mazu gha Ambuya ghanguza kwaku Hagayi mchimi kwaku Zerubabele mwana waku Shealtiele, nduna yikuru ya charu cha Yuda; ndi kwaku Yoswa mwana waku Yehozadaka, mzukuru mura, kuti,

1 Mikoka 21:1

Satana wangumikana ndi Yisraele, wangusosomo Davidi kuŵerenga Yisraele.

Zekariya 6:11

Utoko kwaku iwo siliva ndi golide, uchite mphumphu ndi uyiŵike pa mutu waku Yoswa, mwana waku Yehozadaki, mzukuru mura;

Zekariya 3:8

Yivwa sono, iwe Yoswa mzukuru mura, iwe ndi ŵanyako wo ŵaja pasi panthazi pako, chifukwa mbanthu ŵa marumbu; ndizenge nayo mteŵeti wangu, ndiyo Mphanda.

Hagayi 2:4

Kweni sono khwima Zerubabele, atiti Ambuya, khwima Yoswa mwana waku Yehozadaki mzukuru mura, khwimani mose mwa mu charu, atiti Ambuya; takatakani chifukwa nde namwe, atiti Ambuya ŵa maŵanja,

Hagayi 1:12

Viyo Zerubabele mwana waku Shealtiele, ndi Yoswa mwana waku Yehozadaka, mzukuru mura, ndi ŵanthu wose wo ŵangujaliya vuli, ŵanguvwiya mazu gha Ambuya Chiuta wawo, ndi mazu ghaku Hagayi mchimi, nge ndimo Ambuya Chiuta wawo wangumutumiya; ndipo ŵanthu ŵangopa pa maso pa Ambuya.

2 Mikoka 29:11

Mwaŵana ŵangu, rekani kuŵa ndi mphwayi, chifukwa Ambuya akusankhani kuma pa maso pawo kuŵateŵete ndi kuŵa ŵateŵeti ŵawo ŵakuŵawoche vyakununkhira.”

Chiyambo 48:16

mungelo wa Ambuya mweniyo wandiwombo ku masoka ghose, watumbike ŵanyamata yaŵa: ndipo mwaku iwo zina langu likiyikiye, ndipo zina la ŵada Abrahamu ndi Yisaki, ndipo ŵakuwe ŵakwandana mu charu chapasi.”

Zekariya 2:3

Ndipo ehe, mungelo yo wakambanga nane wangutuwa, mungelo munyake wanguza kukumana nayo,

Zekariya 1:19

Ndipo ndinguti ku mungelo wa Ambuya yo wangukamba nane. “Ivi ndi vine?” Wangundamuka, “Yagha ndi masengwe gho ghaparghang'a Yuda. Yisraele, ndi Yerusalemu.”

Zekariya 1:13

Ndipo Ambuya angumwamuka mungelo yo wakambanga nane mazu gha ulemu ndi ghakusangaruska.

Zekariya 1:9

Viyo ndinguti, ‘Ivi ndi vine mbuyangu?’ Ndipo mungelo wa Ambuya yo wakambanga nane wanguti. ‘Ndikurongo yaŵa kuti mbayani.’

Ezekiele 44:15

“Kweni ŵazukuru ŵaLevi, ŵana ŵaku Zadoki ŵangujaririya mukusunga ndi kutufuliya malo ghangu ghakupaturika po ŵaYisraele ŵangupuruka kutuwako kwangu, ndiwo ŵakanderenga kufupi kunditeŵete, ndiwo ŵakandimiriyanga, pakupereka mafuta ndi ndopa, atiti Ambuya Chiuta.

Ezekiele 44:11

Ndiwo ŵakaŵanga ŵakuteŵeta mu malo ghangu ghakupaturika, ŵakalereskanga pa malikomo gha kasopi, ndi kutakataka mu kasopi; ŵakabayanga mpasku wakocha ndi sembe yapa ŵanthu, ndipo ŵakamanga pa maso pa ŵanthu kuŵateŵete.

Yeremiya 15:19

Chifukwa cho atiti Ambuya: “Asani uwengeko, ndikakuwerezgiyangamo ndipo ukamanga paurongo pangu. Asani ukakambanga cho nchakuzirwa, ndi cho nchawaka cha, ukaŵanga uli ndi mlomo wangu! Ŵakawerenga kwaku iwe, kweni iwe kuti ukawerenga kwaku iwo cha.

Sumu 106:23

Ndi viyo Chiuta wanguti wakaparghang'anga ŵanthu ŵake; kweni Mosese, mteŵeti wake wakusankhika, wanguma pakati paku Chiuta ndi ŵanthu, kuwezga ukari wake ku kuŵananga.

Ezra 5:2

Ndipo Zerubabele mwana waku Sealatiele ndi Yeshua mwana waku Yozadaka ŵangusoka, ŵangwamba kuzenga nyumba yaku Chiuta mu Yerusalemu; ndi ŵamchimi ŵaku Chiuta ŵenga pamoza nawo kuŵawovya.

1 Samuele 6:20

ŵanthu ŵaku Beteshemeshe ŵanguti, “Njani waziŵa kuma paurongo pa Ambuya, Chiuta mtuŵa uyu? Ndipo wakakweriyanga kwaku yani kutuwako kwidu?”

Marangu 18:15

“Ambuya Chiuta winu wakamuyuskiyaninga mchimi uli ndine mukati mwinu, kutuwa mu ŵabali ŵinu. Mukaphwerenga mweniyo.

Marangu 10:8

Pa nyengo yiya Ambuya angupatuwa fuku laku Levi kupinga bokosi la phanganu la Ambuya kuma pa nthazi pa Ambuya kumuteŵete, ndi kutumbika zina lake mpaka zuŵa lino.

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Ezra 10:18

Ŵana ŵa ŵazukuru wo ŵangusanirika kuti ŵangujitole ŵanthukazi ŵa chilendo ndi yaŵa: Maseya, Eliezere, Yaribi ndi Gedaliya ŵana ŵaku Yeshua, mwana waku Yozadaka ndi ŵabali ŵake.

Zekariya 4:14

Ndipo wanguti, “Yaŵa mbakupakika ŵaŵi wo ŵatuma pafupi ndi Ambuya ŵa charu chose chapasi.”

Ezra 2:2

Ŵanguza pamoza ndi Zerubabele, Yoshua, Nehemiya, Seraya, Reelaya, Mordekayi, Bilisani, Misipara, Bigivayi, Rehumu, ndi Bana.