Zekariya 2:5 - Tonga Bible 1986

⁵ Chifukwa ine ndiŵenge kwaku wo linga la moto kwakuzunguriya, atiti Ambuya, ndipo ndiŵenge unkhankhu mukati mwakuwo.’ ”

Zekariya 2:5 Referans Kwoze

Yesaya 4:5

Sono Ambuya akalenganga pa malo ghose gha phiri Zioni ndi pa maungano ghake mtambo ndi msana, ndi usi ndi kuŵara kwa moto wakulipuka ndi usiku; pakuti pa unkhankhu wose pakaŵanga chivwinkhu cha pa chitengo ndi chihema.

Sumu 3:3

Kweni imwe, Ambuya, mwe nguru kwakundizunguliya, unkhankhu wangu, ndi wakuyuska mutu wangu.

Zekariya 9:8

Viyo ndizengenge msasa ndi kuja pa nyumba yangu nge ndi mlonda, kuti munthu wareke kwenda uku ndi uku; ndipo kuwulevi wakuŵasuzga, kuŵapofya, chifukwa sono ndiwona ndi maso ghangu.

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

Sumu 48:3

Mukati mu nyumba zake za ufumu, Chiuta wajirongo mweneko kuŵa chivekeru chakukho.

Yesaya 33:21

Kweni mwenimuwa Ambuya mu kuziza kwawo akaŵanga kuchiri kwidu, malo gha misinji yisani ndi tumisinji, mwenimo vyombo ndi malemu kuti vingakamo cha, nanga ndi ngaraŵa zakuzirwa kuti zingakamo cha.

Luka 2:32

ukweru wakuvumbuliya ŵaMitundu, ndi unkhankhu wa khamu linu Yisraele.”

Sumu 48:12

Yendani kuzunguliya Zioni, mzunguliyeni, ŵerengani ŵasonjo ŵake,

Sumu 46:5

Chiuta we mukati mwake, kuti usukunikenge cha; Chiuta wawovyenge kwambura kuswera.

Sumu 85:9

Nadi utaski wawo wepafupi ku ŵakumopa, kuti unkhankhu wawo uje mu charu chidu.

Sumu 125:2

Mo mapiri ghazingirizgiya Yerusalemu, ndimo Ambuya azingirizgiya ŵanthu ŵawo kutuwa kunu ku sono mpaka ku muyaya.

Yesaya 31:9

Jarawe lake likarutanga mu chofyo, ndipo nduna zake zikayithaŵanga mbendera mu mantha,” atiti Ambuya, wo moto wawo wemu Zioni, ndi ng'anjo yawo ye mu Yerusalemu.

Yesaya 32:18

Ŵanthu ŵangu ŵakajanga mu uja wa chimangu, mu vyakujamo vyakukho, ndi mu malo ghachipumulu gha chisisi.

Ezekiele 38:14

“Chifukwa cho, mwana wa munthu chima munene Gogi, Viyo atiti Ambuya Chiuta: Pa zuŵa liya po ŵanthu ŵangu ŵaYisraele ŵaja kwakufwasa, iwe ukavuruvundukanga.

Ezekiele 42:20

Wangupima vigaŵa vyose vinayi. Chiliŵa chinguzingirizga vigaŵa vyose, utali chenga mikono machumi pe chumi ghankhonde (500) usani machumi pe chumi ghankhonde. Ichi chingupatuwa pakati pa vyakupaturika ndi vyambura kupaturika.

Zekariya 2:10

Mbaninga, sekereni, imwe mwa ŵanthu ŵaku Zioni; chifukwa ehe! Ndituza ndijenge mukati mwinu, atiti Ambuya.

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Zekariya 9:14

Viyo Ambuya awonekenge pachanya pawo, ndipo muvwi wawo utewenge nge ndi limphezi; ndipo Ambuya Chiuta wambenge mbata ndi kwenda mu ŵakavuruvuru ŵaku mwera.

Yeremiya 31:39

Ndipo chingwe chakupimiya chikarutiliyangako mpaka ku mtunthu wa Garebe, ndipo chamupatukiya ku Goŵa.

Ezekiele 47:3

Kurata ku maturi gha lumwi, wakuŵa ndi chingwe mu janja lake, munthu yuwa wangupima mikono chikwi (1,000), wangwenda nane mu maji; maji ghanguwe mu tusinginingi.

Zekariya 1:16

Chifukwa ichi, atiti Ambuya, Ndawere ku Yerusalemu ndi lisungu; nyumba yangu yizengekenge mwenimo, atiti Ambuya ŵa maŵanja; ndipo chingwe chakupimiya chikatambarukiyanga pachanya pa Yerusalemu.