Zekariya 2:4 - Tonga Bible 1986

⁴ ndipo wanguti kwaku iyo, “Chimbiya, unene munyamata yuwa, kuti, ‘Yerusalemu wakaŵanga ndi ŵanthu ŵakujamo nge ndi mizi yambura malinga, chifukwa cha unandi wa ŵanthu ndi ng'ombe mwenimo.

Zekariya 2:4 Referans Kwoze

Zekariya 1:17

Danirizga so, uti, Viyo atiti Ambuya ŵa maŵanja, Mizi yangu yiŵenge ndi usakati, ndipo Ambuya asangaruskenge so Zioni ndi kutondo so Yerusalemu.’ ”

Mika 7:11

Zuŵa lakuzenge malinga ghako! Mu zuŵa liya mphaka yikatandaulikanga ukongwa.

Ezekiele 38:11

Kuti, ‘Ndikakweranga kulimbana ndi charu cha mizi yambura malinga; ndikarotokiyanga pa ŵanthu ŵachisisi wo ŵaja kwa kufwasa, wose ŵaja mwambura malinga, ŵalivi mipiringizgu pamwengamalikomo.’

Yeremiya 33:22

Nge ndimo liŵanja la kuchanya kuti lingaŵerengeka cha, ndi muchenga wapa likumba kuti ungapimika cha, viyo ndimu ndikandaniskiyanga mphapu yaku Davidi mteŵeti wangu, ndi ŵazukuru ŵaLevi ŵeniwo ŵatinditataliya.”

Zekariya 12:6

Mu zuŵa lo ndichitenge mafuku ghaku Yuda kuŵa nge nchiŵiya chamoto mukati mu nkhuni, nge ndi chenje mukati mu nchinda; uwochenge ŵanthu wose kwakuzunguriya ku marghe ndiku maze, pa nyengo yo Yerusalemu wakaŵanga weche ndi ŵakujamo mu malo ghake, mu Yerusalemu.

Yeremiya 31:27

“Ehe, mazuŵa ghakazanga, atiti Ambuya, penipo ndikapandanga nyumba yaku Yisraele ndi nyumba yaku Yuda ndi mbuto ya munthu ndi mbuto ya nyama.

Yesaya 49:20

Ŵana wo ŵakupapikiya mu nyengo ya kutenje kwako sono ŵakakambanga mu makutu ghako; ‘Malo ngamana ukongwa kwangu; ndi chitiyeni malo ghakujamo.’

Yesaya 44:26

mweniyo wakhozga mazu gha ŵateŵeti ŵake, ndipo wafiska fundu za mathenga ghake, mweniyo watiti gha paku Yerusalemu, ‘Wakajangamo ŵanthu,’ ndi gha mizi yaku Yuda, ‘Yikazengekanga; ndipo ndikasoskanga so malo ghawo gha mapopa’;

Yeremiya 31:24

“Ndipo Yuda ndi mizi yake yose, ŵakajanga pamoza mwenimuwa, ŵalimi pamoza ndi wo ŵayingayinga ndi miskambu yawo.

Yesaya 33:20

Lereska pa Zioni muzi wakurghiyapo madghera ghakutemeka! Maso ghinu ghakawonanga Yerusalemu, malo ghakujamo gha chisisi, chihema chambura manderezgeka, cho mphandu zake kuti zikazulikanga cha, chingana nkhuti vingwe vyake vidomoke nako cha.

1 Timote 4:12

Wareke munthu yose kuyeya umpupuka wako; kweni uŵe chandiru cha ŵakuvwana mumazu, mu nkharu, mu chanju, mu chivwanu, mu ukhovu.

Danyele 1:17

Chiuta wanguŵapaska ŵanyamata yaŵa vinjeru ndi mziŵiro mu malembo ghose ndi mu vinjeru; ndipo Danyele wanguŵa ndi mziŵiro wa vinjeru mu chakuwona chose ndi mu maloto ghose.

Yeremiya 1:6

Sono ine ndinguti, “A, Ambuya Chiuta! Ehe, kuti ndiziŵa cha kurongoro, pakuti nde mwanamana.”

Estere 9:19

Chifukwa ichi ŵaYuda ŵamu mizi yambura malinga, ŵangulichita zuŵa la chumi ndi ghanayi la mwezi Adara kuŵa zuŵa la likondwa ndi la dghera zuŵa lamampha, lakutumirana twamampha-twamampha.

Danyele 1:4

Ŵanyamata ŵambura kalema, ŵakutowa, ŵakuwamo vinjeru vyose, ŵakuzazika ndi mziŵiro, ŵakuwamo visambizgu, ndi ŵakuziŵa kuteŵeta mu nyumba ya karonga, ndi kusambizgika malembo ndi mazu gha ŵaKaldiya.

Zekariya 1:16

Chifukwa ichi, atiti Ambuya, Ndawere ku Yerusalemu ndi lisungu; nyumba yangu yizengekenge mwenimo, atiti Ambuya ŵa maŵanja; ndipo chingwe chakupimiya chikatambarukiyanga pachanya pa Yerusalemu.

Yesaya 54:16

Ehe, ndalenga msuzi mweniyo wavukuta moto wa maka, ndipo wapanga chidya cha nchitu yake. Ndalenga so wakunanga kuti wanange;

Zekariya 14:12

Iyi yiŵenge nthenda ya chigodora yeniyo Ambuya akosonge nayo mitundu yose yo yikarwanga ndi Yerusalemu; nyama yawo yivundiyenge pawima ŵeche kuma, maso ghawo ghavundenge mu vikorongo vyawo, ndi malilimi ghawo ghavundenge mu milomo yawo.